২০২১গী নবেম্বর ২৬তা দবল্যু.ঐচ.ও.না ওমিক্রোননি (বি.১.১.৫২৯) হায়না খন্দোকখ্রবা কোবিদ-১৯গী অনৌবা ভেরিয়েন্তগী মতাংদা য়াম্না তোইনা হংলকখিবা ৱাহংশিং(এফ.এ.ক্বু.শিং)গী পাউখুমশিং অদু হকশেল অমদি য়াইফ-য়ুম্বালগী কেন্দ্র মন্ত্রালয়না ফোংখ্রে৷

হায়রিবা এফ.এ.ক্বু.শিং অদু হকশেল মন্ত্রালয়গী ৱেবসাইত্তা অপলোদ তৌখ্রে:

https://www.mohfw.gov.in/pdf/FAQsonOmicron.pdf

ওমিক্রোন হায়বসি করিনো অমদি করিনা মসিবু ভেরিয়েন্ত ওফ কন্সর্ন(ভি.ও.সি.) ওইহনবগে?

মসি সার্স-কোব-২গী অনৌবা ভেরিয়েন্ত অমনি, মসি বি.১.১.৫২৯ নত্রগা ওমিক্রোন (গ্রীক অলফাবেতশিং খুদম ওইনা অলফা, বেতা, দেল্তাদা বেজ তৌবনি) হায়না মমিং থোন্দুনা ২০২১গী নবেম্বর ২৪দা হন্দক্তা ইকুই কুইদ্রিঙৈদা ২০২১গী নবেম্বর ২৪দা সাউথ অফ্রিকাদগী রিপোর্ত তৌরকখিবনি৷ ভেরিয়েন্ত অসিনা ম্যুতেসন মশিং কয়া অমা মরু ওইনা ইম্ম্যুইন রেস্পোন্সকী মরু ওইবা তার্গেৎ ওইরিবা ভাইরেল স্পাইক প্রোতিনদা ৩০ হেন্না ম্যুতেসন  থোকপা উরে৷

ইনফেক্সন থোকপগী চাং অমসুং ইম্যুইন ইনবেজন হেনগৎলকপা অমদি সাউথ অফ্রিকাদা পোজিতিব কেসকী মশিং খঙহৌদনা হেনগৎলক্লিবা অসিদা ওমিক্রোনবু ৱার্ল্দ হেল্থ ওর্গনাইজেসননা ভেরিয়েন্ত ওফ কন্সর্ন(ভি.ও.সি.)নি হায়না লাওথোকখ্রে৷

হৌজিক হৌজিক শিজিন্নরিবা দাইয়েগ্নোস্তিক মেথর্দশিং অসিনা ওমিক্রোন দিতেক্ত তৌবা ঙমব্রা?

সার্স-কোব-২ দাইয়েগ্নোস্তিক্কী খ্বাইদগী য়ানরবা অমদি কম্মন ওইনা শিজিন্নরিবা মেথর্দ অদু আর.তি.-পি.সি.আর. মেথর্দনি৷ ভাইরস য়াওই য়াওদে হায়বসি খঙদোক্নবা ভাইরস অসিদা য়াওরিবা স্পাইক(এস), এনবেলপ(ই) অমসুং ন্যুক্লিওকেপসিদ(এন)গুম্বা অখন্নবা জিনশিং মেথর্দ অসিনা দিতেক্ত তৌই৷ অদুম ওইনমক, ওমিক্রোনগী কেসতা, এস. জি অসি অদুক্কী মতিক ৱাংনা ম্যুতেত তৌবনা, প্রাইমর খরদি এস. জিন ৱাৎপগী(এস. জিন দ্রোপ আউত হায়না কৌনৈ) মমি উৎপা রিজল্তশিং পীরকপা য়াই৷ অতোপ্পা ভাইরেল জিনশিং দিতেক্ত তৌবগা লোইননা অসিগী অখন্নবা এস. জিন অসি ওমিক্রোনগী দাইয়েগ্নোস্তিক ফিচর অমা ওইনা শিজিন্নবা য়াই৷ অদুম ওইনমক, ওমিক্রোন ভেরিয়েন্ত অসি অরোইবা ওইনা কনফর্ম তৌনবগীদমক জিনোম সিক্বেন্সিং দরকার ওইরি৷

অনৌবা ভি.ও.সি. অসিদা ঐখোয়না কয়ামুক য়াম্না চেকশিন্না লৈগদগে?

ভেরিয়েন্ত অমনা শন্দোকপগী চাং হেনগৎলবা নত্রগা কোবিদ-১৯ ইপিদেমিওলোজীদা দেত্রিমেন্তেল চেঞ্জ লাক্লবা; নত্রগা ভাইরুলেন্স হেনগৎলবা নত্রগা ক্লিনিকেল দিজিজ প্রজেন্তেসনদা অহোংবা লাক্লবা; নত্রগা পব্লিক হেল্থ ইফেক্তিব ওইবগী চাং অমসুং সোসিএল মিজরশিংগী নত্রগা ফংলিবা দাইয়েগ্নোস্তিকশিং, ভেক্সিনশিং, থেরাপেতিকশিংগী চাং হন্থরক্লিবা অদু য়েংশিল্লবা মতুংদা দবল্যু.ঐচ.ও.না ভেরিয়েন্ত অদুবু ভি.ও.সি. অমনি হায়না লাওথোক্লি৷(সোর্স দব্যু.ঐচ.ও.)

ভাইরসকী ম্যুতেসনশিং উরিবা, শন্দোকপগী চাং হেনগৎলক্লিবা অমদি ইম্ম্যুইন ইনবেজনগী মখোয়গী প্রিদিক্তেদ ফিচরশিং, অমসুং কোবিদ-১৯ ইপিদেমিওলোজীদা রিইনফেক্সন হেনগৎলকপগুম্বা দেত্রিমেন্তেল চেঞ্জকী প্রিলিমিনরী ইবিদেন্স অসিদা বেজ তৌদুনা ওমিক্রোন অসি ভি.ও.সি.নি হায়না লাওথোকখিবনি হায়বসি পনবদা য়াম্না মরু ওই৷ রিমিসন হেনগৎলকপা অমদি ইম্ম্যুইন ইনবেজনগী দিফিনিতিব ইবিদেন্স ঙাইদুনা লৈরি৷

ঐখোয়না করম করম্বা চেকশিন-থৌরাংশিং লৌগদগে?

ঐখোয়না লৌগদবা চেকশিন-থৌরাংশিং অমদি খোংথাংশিং অদু মমাংগী মতমদা লৌখিবা অদুগা চপ মান্নৈ৷ অদোম্না মাস্ক নিংথিনা উপ্পিবা, ভেক্সিন দোজ অনিমক কাপথোকপিবা(ভেক্সিন কাপত্রিবা থোক্লবদি), সোসিএল দিস্তেন্সিং ঙাক্না চৎপিবা অমদি হেক ঙম্লিবখৈ ভেন্তিলেসন নিংথিনা ফাৎপিবা য়াম্না মরু ওই৷

অহুমশুবা ৱেব অমা লাক্কদ্রা?

সাউথ অফ্রিকাগী ৱাংমদা লৈরিবা লৈবাকশিংনা ওমিক্রোন কেসশিং রিপোর্ত তৌরকপগী চাং হেনগৎলক্লি অমদি মহাক্কী কেরেক্তিরিস্তিকশিং পীরদুনা, ভাইরস অসি ভারত য়াওনা অহেনবা লৈবাকশিংদা শন্দোক্লবা য়ানা লৈরি৷ অদুমওইনমক, কেস মশিং হেনগৎলকপগী স্কেল অমদি মেগনিচুদ অমসুং খ্বাইদগী মরু ওইনা নাহল্লকপা য়ারিবা লাইনা অসিগী সেভিরিতী অদু হৌজিক ফাওবা খঙদনা লৈরি৷ মখাতানা, ভারত্তা ভেক্সিন থোঙজেল য়াংনা কাপ্লিবা অমদি হাই সেরোপোজিতিবিতীনা ইবিদেন্স ওইদুনা দেল্তা ভেরিয়েন্তদা চাং ৱাংনা এক্সপোজর তৌরিবা অসিনা লাইনা অসিগী ফিভম লুশিনবগী চাং অসি নেমগনি হায়না থাজনরি৷ অদুম ওইনমক সাইন্তিফিক ইবিদেন্স হৌজিক ফাওবা থোক্লক্লি৷

হৌজিক লৈরিবা ভেক্সিনশিং অসি ওমিক্রোনগী মাইয়োক্তা কান্নবা ফংগদ্রা?

হৌজিক লৈরিবা ভেক্সিনশিং অসি ওমিক্রোনদা কান্নবা ফংদে হায়বগী ইবিদেন্স অমতা লৈতে, স্পাইক জিনদা রিপোর্ত তৌরকখিবা ম্যুতেসন খরনা হৌজিক লৈরিবা ভেক্সিনশিংগী ইফিকেসী অসি হন্থহনবা য়াই৷ অদুমওইনমক, ভেক্সিন প্রোতেক্সন অসিসু এন্তিবোদীশিং অমদি সেলুলর ইম্ম্যুনিতীনা তৌবনি, মসিসু হেন্না নিংথিনা প্রিজর্ব তৌদুনা থমগদবনি৷ মরম অদুনা, ভেক্সিনশিং অসিনা হৌজিক ফাওবা অরুবা লাইনাশিংগী মাইয়োক্তগী ঙাকথোক্তুনা থম্লি হায়না থাজনরি অমদি হৌজিক লৈরিবা ভেক্সিনশিং অসি শিজিন্নদুনা ভেক্সিন কাপথোকপা অসি য়াম্না মরু ওই৷ ইলিজিবল ওইরবা ভেক্সিন কাপ্তনা লৈরবদি, মীওই অদু ভেক্সিন কাপথোক্কদবনি৷

মতৌ করম্না ভারতনা পাউখুম পীরিবগে?

ভারত সরকারনা ফিভম অসি কুপথনা য়েংশিল্লি অমদি মতম মতমগী মতুং ইন্না চান্নবা গাইদলাইনশিং ফোংলি৷ অমরোমদা, দাইয়েগ্নোস্তিকশিং দিবেলপমেন্ত তৌনবা অমদি দিপ্লোই তৌনবা, জিনোমিক সর্ভিলেন্স পাংথোক্নবা, ভাইরেল অমদি ইপিদেমিওলোজিক কেরেক্তিরিস্তিকশিংগী মতাংদা ইবিদেন্স পুথোকপা অমদি থেরাপেতিকশিং শেমগৎনবগীদমক সাইন্তিফিক অমদি মেদিকেল কম্ম্যুনিতী শেম্লি৷

ভেরিয়েন্তশিং অসি করিগী থোক্লক্লিবনো?

ভেরিয়েন্তশিং অসি ইবোলুসনগী নোর্মেল পার্তনি অমদি ভারস অসিনা শন্দোকপা ঙম্লিবমখৈ, রেপ্রিকেৎ তৌরিবমখৈ, মখোয়না চাং-নাইনা মহৌশাগী মওংদা চাওখৎলক্কনি৷ মখাতানা, ভেরিয়েন্ত পুম্নমক হেন্না খুদোং থিনিঙাই ওইবদি নত্তে৷ মখোয়না হেন্না শন্দোরকপা নত্রগা অমুক হন্না শন্দোরকপা মতম খক্তদা, মখোয়না মশক নাইবা হেনগৎলকই৷ ভেরিয়েন্ত থোক্লকপা অসিদগী ঙাকথোক্নবগী খ্বাইদগী মরু ওইবা খোঙথাং অদুদি ইনফেক্সনশিংগী মশিং হন্থহনবা অসিনা ওইরি৷

******