দবল্যু. ঐচ.ও.না ভেরিয়েন্ত ওফ কন্সর্ন (ভি.ও.সি.) অমা ওইনা দেজিগনেৎ তৌরিবা কোবিদ ১৯গী নৌনা রিপোর্ত তৌরক্লিবা ভেরিয়েন্তকী কন্ত্রোল অমসুং মেনেজমেন্তকীদমক পব্লিক হেল্থ রেস্পোন্স খোংথাংশিংগী মওংদা কেন্দ্রনা ইন্তরনেস্নেল ত্রাভেলরশিংগী গাইদলাইনশিং মথৌ পাংথোকপগী অহানবা নুমীৎতা, পেসেঞ্জর তরুক কোবিদ পোজিতিব ওইবগী রিপোর্ত তৌরকখ্রে।

লখনৌ য়াওদনা লৈবাক্কী তোঙান তোঙানবা এয়রপোর্তশিংদা অহিং নোংয়াইদগী ঙসি অয়ুক পুং ৪  ফাওবদা ইন্তরনেস্নেল ফ্লাইত পুন্না ১১ তারকখি। মখোয়না পেসেঞ্জর ৩৪৭৬ পুরকখি।

পেসেঞ্জর ৩৪৭৬মক আর.তি. পি.সি.আর. তেস্তশিং পাংথোকখি, মদুগী মনুংদা পেসেঞ্জর ০৬খক কোবিদ ১৯ পোজিতিব ওইবা থেংনখি।

কোবিদ ১৯ পোজিতিব ওইরবা পেসেঞ্জরশিংগী সেম্পলশিং অদু হোল জেনোমিক সেক্বেন্সিংগীদমক আই.এন.এস.এ.সি.ও.জি. লেবশিংদা থাখ্রে। ভারত সরকারনা ‘অপুনবা সরকার’গী মীৎয়েংগী থোংদা কোবিদ ১৯গী অসিগুম্লবা হোংলক্লিবা ফীভমদা মীৎয়েং থম্লি অমদি লাইচৎকী মায়োক্তা লান্থেংনবদা রাজ্যশিং/য়ু.তি.শিংগী মতেং পাংলি।

****