வானொலி உலகில்  முதன்முறையாக, பிரசார் பாரதி பயனர்கள் ஆராய்ச்சி குழுவால் நேயர்களின் எண்ணிக்கை துல்லியமாக தற்போது அளவிடப்படுகிறது.

நியூஸ் ஆன் ஏர் செயலியில் அகில இந்திய வானொலி நிகழ்ச்சிகளை கேட்கும் நகரங்களின் தர வரிசைப் பட்டியலில், மும்பை, புனே மற்றும் பெங்களூருவில் பத்து லட்சத்திற்கும் அதிகமானோர் நிகழ்ச்சிகளை கேட்பதாக தெரியவந்துள்ளது.

சமீபத்திய கணக்கெடுப்பின் படி புனே மற்றும் பெங்களூரு முறையாக

முதல் மற்றும் இரண்டாம் இடங்களை பிடித்துள்ள நிலையில், தில்லி என்சிஆர், ஹைதரபாத், மும்பை, லக்னோ, சென்னை ஆகியவை முதல் பத்து இடங்களில் உள்ளன . சென்னை ஆறாம் இடத்தை பிடித்துள்ளது.

சென்னை பகுதியைப்  பொருத்தவரை, அகில இந்திய வானொலி காரைக்கால், அகில இந்திய வானொலி கொடைக்கானல், அகில இந்திய வானொலி சென்னை எஃப் ரெயின்போ, விவித் பாரதி நேஷ்னல், அகில இந்திய வானொலி சென்னை எஃப் எம் கோல்டு, அகில இந்திய வானொலி சென்னை விபிஎஸ், அகில இந்திய வானொலி தமிழ், அகில இந்திய வானொலி சென்னை பிசி, அகில இந்திய வானொலி மதுரை மற்றும் அகில இந்திய வானொலி கோயம்புத்தூர் எஃப் எம் ரெயின்போ ஆகியவை முதன்மையான இடங்களை முறையே பிடித்துள்ளன.

பிரசார் பாரதியின் அதிகாரப்பூர்வ செயலியான நியூஸ் ஆன் ஏர்-ல் அகில இந்திய வானொலியின் சுமார் 240 சேவைகள் நேரலையாக ஒலிபரப்பப்படுகின்றன.

இந்தியா மட்டுமல்லாது உலகம் முழுவதும் 85-க்கும் மேற்பட்ட நாடுகளில் வசிக்கும் மக்கள் இந்த செயலியின் வாயிலாக அகில இந்திய வானொலி நிகழ்ச்சிகளைக் கேட்டு வருகின்றனர்.

நியூஸ் ஆன் ஏர் செயலியின் வானொலி ஒலிபரப்பில் பிரபலமாக உள்ள நகரங்களின், நிகழ்ச்சிகள், சேனல்களின்  தரவரிசை பட்டியலை கீழ்கண்ட இணைப்பில் பார்க்கவும்.

 நவம்பர் 15 முதல் 30 தேதி வரை பெறப்பட்ட தரவுகள் அடிப்படையில், இந்த தரவரிசைப் பட்டியல் தயாரிக்கப்பட்டுள்ளது.

https://pib.gov.in/PressReleasePage.aspx?PRID=1777651

****