ارضیاتی سائنس کے وزیرمملکت (آزادانہ چارج ) اور سائنس و ٹکنالوجی کے مرکزی وزیر ڈاکٹر جتیندر سنگھ نے آج راجیہ سبھا میں ایک تحریری جواب میں درج ذیل معلومات فراہم کیں :

جل شکتی کی وزارت کے آبی وسائل ، ندیوں کی ترقی اور گنگا کی صفائی کے محکمہ کے تحت کام کرنے والا  ادارہ ، سنٹرل گراؤنڈ واٹر بورڈ (سی جی ڈبلیو بی)، نگرانی والے کنووں کے ایک نیٹ ورک کے ذریعہ پورے ملک میں علاقائی پیمانے پر زیرزمین پانی کی سطحوں کی نگرانی  متعینہ مدت کے دوران کرتا رہتا ہے۔

ملک کے حرکیاتی زیر زمین آبی وسائل کا تجزیہ بھی متعینہ مدت کے دوران پر سی جی ڈبلیو ڈی اور ریاستی حکومتوں کے ذریعہ مشترکہ طور کیا جاتا ہے۔2017 کے تجزیہ کے مطابق، ملک کے کل 6881 تجزیاتی اکائیوں (بلاک/ تعلقہ/ منڈل/ واٹرشیڈ/ فرکا) میں سے 17 ریاستوں / مرکز کے زیر انتظام علاقوں کی 1186 اکائیوں کو ‘اوورایکسپلائیٹیڈ’ (زمین سے حد سے زیادہ پانی نکالنا)قرار دیا گیا ہے، جہاں زمین سے پانی نکالنے کی حالیہ سالانہ کل مقدار زیرمین آبی وسیلہ کی سالانہ قابل نکاسی مقدار سے زیادہ ہے۔

سنٹرل گراونڈ واٹر بورڈ ، زیرزمین آبی وسائل کی پائیدار ترقی کی سہولت فراہم کرنے کے لئے پانی کے ذخائر ، ان کے خصوصی اور ان کے انتظامات سے متعلق منصوبوں کی پیمائش کے خاطر  ملک گیر سطح پر ‘‘ نیشنل ایکویفائر میپنگ اینڈ مینجمنٹ (این اے کیو یو آئی ایم) ’’ پروگرام نافذ کررہا ہے۔ اس کے تحت اب تک تقریباً 11 لاکھ مربع کلومیٹر کا احاطہ کیا جاچکاہے۔ پانی کے ذخائر کے نقشے اور ان کے انتظام کے منصوبے متعلقہ ریاستی حکومت کی ایجنسیوں کے ساتھ شیئر کئے گئے ہیں۔ متعلقین کے مفاد کی خاطر ایکویفائر منیجمنٹ پلان کے بارے میں تفصیلات بتانے کے لئے زمینی سطح پر عوام کے ساتھ رابطہ کے پروگرام منعقد کئے جارہے ہیں۔

سنٹرل واٹر کمیشن (سی ڈبلیو سی ) کے ریسرچ اینڈڈیولپمنٹ ڈویژن ، پروجیکٹ پلاننگ ونگ، محکمہ آبی وسائل ، ندیوں کی ترقی اور گنگا کی صفائی ، نے کچھ معروف تعلیمی اداروں کو آبی وسائل پر ماحولیاتی تبدیلی کے اثرات کا مطالعہ کرنے کے لئے رقم فراہم کی ہے۔یہ مطالعات ماحولیاتی تبدیلی کی ہندوستانی قومی کمیٹی (آئی این سی سی سی )  کی زیرنگرانی کئے جارہے ہیں۔

 

سی جی ڈبلیو بی نے  ریاست اترپردیش سمیت ملک کی تمام ریاستوں کے لئے این اے کیو یو آئی ایم رپورٹ تیار کی ہے جس میں تقریباً 17 ضلعوں کے بارے میں معلومات دستیاب ہیں اور یہ رپورٹ http://cgwb.gov.in/AQM/UP%20Reportdistrict.html.  پر بھی دستیاب ہے۔

اس کے علاوہ سی جی ڈبلیو  نے  ‘‘ ہندوستان میں زیرزمین پانی کو مصنوعی طریقہ سے بھرنے کے لئے ماسٹرپلان’’ (http://cgwb.gov.in/documents/masterplan-2013.pdf ) اور ‘‘ زیرزمین پانی کو مصنوعی طریقہ سے بھرنے کا مینوئل ’’ (http://cgwb.gov.in/documents/Manual-Artificial-Recharge.pdf)  بھی جاری کیا ہے، جس میں متعدد  نئی ٹکنالوجیوں پر بات کی گئی ہے۔

************

ش ح ۔  ق ت  ۔ م  ص

 (U: 13685)

 

(ریلیز آئی ڈی: 1777634) وزیٹر کاؤنٹر : 412