ایم ایس ایم ای  کے مرکزی وزیر جناب نارائن رانے نے آج لوک سبھا میں ایک تحریری جواب میں بتایا کہ عالمی بینک نے ایم ایس ایم ای کی وزارت کو اطلاع دی ہے کہ اس کے بورڈ نے  چار جون 2021 کو منعقدہ اپنی میٹنگ میں  حکومت ہند کے پروگرام  ’’ایم ایس ایم ای  کارگزاری کو بڑھانے اور رفتار دینے  (آر اے ایم پی)‘‘ ، جو کہ  کووڈ۔ 19 عالمی وبا سے  بہت زیادہ  متاثر ہونے والے  ایم ایس ایم ای شعبے میں نئی جان ڈالنے کے لئے ایک پہل ہے، پروگرام میں  مدد  دینے کے لئے  500 ملین  امریکی ڈالر (3750 کروڑ روپے)  کا ایک قرض منظور کیا ہے۔

آر اے ایم پی ، ایم ایس ایم ای  کے  مسابقت۔ کووڈ کے بعد کی لچک اور بحالی کے پروگرام  (ایم سی آر آر پی) کا ایک حصہ ہے۔آر اے ایم پی پروگرام کے لئے  ریاست وار سرمایہ کاری  اور منظوری  اس لئے نہیں دی گئی ہے کہ  آر اے ایم پی کے لئے  ابھی کابینہ کی منظوری کا انتظار ہے۔

آر اے ایم پی پروگرام کے لئے  عالمی بینک کے پروگرام اپریزل ڈاکومنٹ کے مطابق  40 فیصد سے زیادہ ایم ایس ایم ایز کے پاس   مالی بندوبست کے رسمی وسائل  تک رسائی کا  فقدان  ہے۔ مجوزہ پروگام (آر اے ایم پی)  کووڈ لچک اور  بحالی  کے لئے حکومت کے مختلف اقدامات  میں تعاون کرتا ہے۔  یہ پروگرام  حکومت کے  رواں تعاون پروگراموں  کی مدد کرے گا جو کہ  ایم ایس ایم ایس کے مسابقتی پہلو پر مرکوز ہوں گے۔

۔۔۔۔۔۔۔۔۔۔۔

ش ح۔ا گ ۔ن ا۔

U-13639