ప్రభుత్వం నోటిఫికేషన్ నెం. ఎస్‌.ఓ. 26.06.2020 తేదీ నాటి  ప్లాంట్ మరియు మెషినరీ లేదా పరికరాలలో పెట్టుబడి మరియు ఎంటర్‌ప్రైజెస్ టర్నోవర్ ఆధారంగా ఎంఎస్‌ఎంఈల వర్గీకరణకు సంబంధించిన వివిధ ప్రమాణాలను తెలియజేసింది. ఎంఎస్‌ఎంఈ  కోసం ఉద్యం నమోదు ప్రక్రియను పూర్తిగా ఆన్‌లైన్, డిజిటల్, పేపర్‌లెస్ మరియు స్వీయ-ఆధారితంగా చేయడం ద్వారా సరళీకృతం చేయడం బడింది. మైక్రో, స్మాల్ మరియు మీడియం ఎంటర్‌ప్రైజ్‌గా నమోదు చేసుకోవడానికి ఎటువంటి పత్రాలు లేదా రుజువులు అప్‌లోడ్ చేయవలసిన అవసరం లేదు. రిజిస్ట్రేషన్ కోసం ఆధార్ మరియు పాన్ అవసరం. పెట్టుబడి మరియు సంస్థల టర్నోవర్‌పై పాన్‌ , జీఎస్టీఐఎన్ లింక్ చేయబడిన వివరాలు సంబంధిత ప్రభుత్వ డేటాబేస్‌ల నుండి స్వయంచాలకంగా తీసుకోబడతాయి. ఎగుమతులకు సంబంధించి టర్నోవర్ ఎంఎస్‌ఎంఈల ఏ వర్గానికైనా టర్నోవర్ పరిమితుల్లో లెక్కించబడదు. కొత్త ప్రమాణాలు 01.07.2020 నుండి అన్ని రాష్ట్రాలు/యుటిలకు వర్తిస్తాయి. ఎంటర్‌ప్రైజెస్‌ను ప్రోత్సహించడం మరియు అభివృద్ధి చేయడం అనేది రాష్ట్రాల అంశం. టైర్ 2 మరియు టైర్ 3 నగరాలతో సహా దేశంలోని ఎంఎస్‌ఎంఈల ప్రమోషన్, అభివృద్ధి మరియు పోటీతత్వాన్ని పెంచడం కోసం వివిధ పథకాలు కార్యక్రమాలు మరియు విధాన కార్యక్రమాల ద్వారా రాష్ట్ర/కేంద్రపాలిత ప్రభుత్వాల ప్రయత్నాలకు కేంద్ర ప్రభుత్వం సహకారం అందిస్తుంది.

ఈ రోజు లోక్‌సభలో కేంద్ర ఎంఎస్‌ఎంఈ మంత్రి శ్రీ నారాయణ్ రాణే లిఖితపూర్వక సమాధానంలో ఈ సమాచారాన్ని అందించారు.

 

****