খুরুমজরি মরুপশিং,

মসিগী পার্লিয়ামেন্তগী সেসন অসি য়াম্না মরু ওই৷ লৈবাক অসিনা নিং-তম্বগী অমিৃত মহোতসব পাংথোক্লি৷ নিংতম্বগী অমিৃত মহোতসবকী মতম অসিদা পব্লিক অমসুং নেস্নেল ইন্তরেস্তা নিংতম-লান্মীশিং অসিগী মংলানশিং অসি মংফাওনবা ঙম্নবা ভারত্তা লৈরিবা চমজরবা প্রজাশিংনা তোঙান তোঙানবা প্রোগ্রামশিং শিন্দুনা অমসুং খোঙথাংশিং থাংদুনা চংশিল্লক্লি৷ ৱারিশিং অসি ভারতকী মঙাল নাইরবা তুং অমগীদমক অফবা খুদম অমনি৷

হন্দক্তা ইকুই কুইদ্রিঙৈদা, লৈবাক অসিনা অনৌবা রিজোলুসন অমগা লোইনা কন্সতিত্যুসনগী স্পিরিত অসি ফংবা ঙম্নবা কন্সতিত্যুসন দেদা রিজোলুসন অমা লৌখি৷ ফিভম অসিদা, ঐখোয় পুম্নমক্না অমসুং ভারত্তা লৈরিবা প্রজা খুদিংম্না সেসন অসি অমদি মতুং তারকপদা লৈবাক্কী ওইবা ইন্তরেস্ততা খন্ন-নৈনরগদৌরিবা পার্লিয়ামেন্তগী সেসনশিং অসি পাম্লগনি অমদি নিংতম্বগী অমিৃত মহোতসব অমসুং নিংতম-লান্মীশিংগী স্পিরিত অসিগী মতুং ইন্না লৈবাক অসি চাওখৎহন্নবগী অনৌবা লম্বীশিং পুথোকপা ঙম্লগনি৷ সেসন অসিদা অফবা ৱাখল্লোনশিং পুথোক্কদবনি অমদি পোজিতিব ওইবা দিবেৎশিং তৌদুনা ফজরবা ইম্পেক্ত পীগদবনি৷ মতৌ করম্না পার্লিয়ামেন্তনা মথৌ তৌরি অমদি পার্লিয়ামেন্তদা নমফুদা অকাইবা পীবগী মহুৎতা মশক নাইবা থৌদাংশিং লৌরিবা অদু য়েংলগা পার্লিয়ামেন্ত অসি লেপকগদবনি হায়না ঐনা খল্লি৷ মসিনা বেঞ্চমার্ক ওইবা য়ারোই৷ পার্লিয়ামেন্তনা পুং কয়া য়াম্না মথৌ তৌরি অমদি পোজিতিব ওইবা থবক কয়া য়াম্না তৌখ্রবগে হায়বসিনা বেঞ্চমার্ক ওইগদবনি৷ সরকারনা অসিনা পুকচেল শেংনা ইসু খুদিংমক খন্ন-নৈনবা পাম্লি৷ ৱাহং খুদিংমক্কী পাউখুম পীনবা সরকার অসিনা শেম-শাদুনা লৈরি৷ অদুগা পার্লিয়ামেন্তদা ৱাহংশিং হংলকপা অমদি শান্তিসু পুরকপা ঐখোয়না পাম্লি৷

সরকারগী পোলিসীশিংগী মাইয়োক্তা খোল্লাউশিং লাওবা অসি ফোর্সফুল ওইগদবনি অমদি পার্লিয়ামেন্ত অমসুং চিয়রগী ইকাই খুম্নববুদি ঙাক্না চৎকদবনি৷ লাক্কদৌরিবা মীরোনশিংবু পুক্নিং শুমহৎপা য়াবা থৌওংশিং ঐখোয়না ঙাক্না চৎকদবনি৷ হৌখিবগী সেসনদগী হৌদুনা, লৈবাক অসিনা কোবিদ ভেক্সিন দোজ কোতি ১০০ হেন্না কাপখ্রে অমদি হৌজিক হৌজিক ঐখোয়না কোবিদ ১৫০গী ফিগর অসি ফংবা ঙম্নবা কন্না চংশিল্লক্লি৷ কোবিদকী নৌনা লাক্লিবা বেরিয়েন্ত অসিদগী ঐখোয়না চেকশিন্না লৈগদবনি৷ অদোম অমসুং পার্লিয়ামেন্তগী মেম্বর পুম্নমক্না চেকশিন্না লৈনবসু ঐনা হায়জরি মরমদি মীপুম খুদিংমক্কী হকশেল অসি ক্রাইসিসকী মতম অসিদা ঐখোয়গী প্রাইয়োরিতী ওইরি৷

কোরোনা লাইনা-লাইচৎকী মতম মনুংদা লৈবাক অসিদা লৈরিবা মীওই কোতি ৮০ হেনবনা মখাতানা চানবগী অৱাবা লৈহন্দনবগীদমক প্রধান মন্ত্রী গরিব কাল্য়ান য়োজনাগী মখাদা লেম্না মহৈ-মরোংশিং পীনবা স্কিম অমা চত্থরি৷ হৌজিক্কী ওইনা মসি ২০২২গী মার্চ ফাওবা শাংদোকখ্রে৷ লুপা কোতি লাখ ২.৬০রোম থাদরিবা স্কিম অসিনা লৈবাক অসিদা লৈরিবা লাইরবশিংগী চাক থোংনবগী মৈ মুৎহন্দনবগীদমক লৈবাক মচা কোতি ৮০ হেনবদা কান্নবা পীরি৷ সেসন অসিদা লৈবাক অসিগীদমক য়েংলগা ঐখোয়না এক্সপিদিসিয়র্স ওইবা ৱারেপশিং লৌরি অমদি প্রজাশিংগী অপাম্বশিং অমসুং থাজবশিং অদু ফংলি হায়না ঐনা খল্লি৷ মসি ঐগী থাজবনি৷ অদোম্বু অদু্ক্কী মতিক হন্না-হন্না থাগৎচরি৷

******