শেনমিৎলোন্দা মন্ত্রীমন্দলগী মীফম (সি.সি.ই.এ.)
কেবিনেৎনা মথংগী চহী মঙাগী ওইবা নেস্নেল ওন্তর্প্রিন্যুর্শিপ ত্রেনিং স্কীম মখা তানা চত্থনবগী অয়াবা পীখ্রে
নেস্নেল ওন্তর্প্রিন্যুর্শিপ ত্রেনিং স্কীম অসিগী মখাদা এপ্রিন্তিসশিপ চত্থরিবা এপ্রিন্তিসশিংদা লুপা করোর ৩,০৫৪ গী স্তাইপেন্দ পীদুনা তেংবাং পীরগনি
চাউরাক্না এপ্রিন্তিস লাখ ৯ দা ইন্দস্ত্রী অমসুং কম্মর্সিএল ওর্গনাইজেসনশিংনা ত্রেনিং পীগনি
Posted On:
24 NOV 2021 3:23PM by PIB Imphal
প্রধান মন্ত্রীনা ময়ায় তাংবল লৌদুনা ফমখিবা ইকোনোমিক এফেয়র্সকী কেবিনেৎ কমিতিনা ঙসি ২০২১-২২ দগীনা ২০২৫(৩১-০৩-২০২৬) ফাওবগী ওইনা এজুকেসন মন্ত্রালয়গী নেস্নেল ওন্তর্প্রিন্যুর্শিপ ত্রেনিং স্কীম অসিগী মখাদা এপ্রিন্তিসশিপ চত্থরিবা এপ্রিন্তিসশিংদা লুপা করোর ৩,০৫৪ গী স্তাইপেন্দ পীদুনা তেংবাং পীবগী অয়াবা পীখ্রে
চাউরাক্না এপ্রিন্তিস লাখ ৯ দা ইন্দস্ত্রী অমসুং কম্মর্সিএল ওর্গনাইজেসনশিংনা ত্রেনিং পীগনি
এন.এ.তি.এস. অসি এপ্রিন্তিসশিপ ত্রেনিং মায় পাক্লবা মহৈরোয়শিংদা থবক ফংবা হেনগৎহন্নবগীদমক্তা তাকপী-হায়বিবা ভারত সরকারগী নিংথিনা শেমগৎলবা স্কীমনি।
ইঞ্জিনীয়রিং, হ্যুমেনিতিজ, সাইন্স অমসুং কম্মর্সতা গ্রেজুএৎ অমসুং দিপ্লোমা প্রোগ্রাম লোইরবা এপ্রেন্তিসশিংদা থা খুদিংগী লুপা ৯,০০০ অমসুং ৮০০০ গী স্তাইপেন্দ পীগনি।
সরকারনা মমাংগী চহীগী শরুক ৪.৫ মুক ওইগদবা লুপা করোর ৩,০০০ দগী হেনবা চাদিংগী অয়াবা পীখ্রে। মসিগী হেনগৎলক্লিবা এপ্রেন্সিসশিপকী চাদিং অসি নেস্নেনেল এজুকেসন পোলিসি ২০২০ না এপ্রেন্সিসশিপতা খংইন-ইনখৎনবা তৌখিবা অদুগী পরিংদনি।
"সবকা সাথ সবকা বিকাস, --সবকা বিস্বাস সবকা প্যার" গী ওইবা সরকারগী মীৎয়েং অসিদা য়েংলগা ইঞ্জিনীয়রিংগী স্ত্রীমদগীদা নত্তনা হ্যুমেনিতিজ, সাইন্স অমসুং কম্মর্সকী মহৈরোয়শিং য়াওহন্নবা এন.এ.তি.এস. কী স্কোপ অসি হেন্না চাউথোকহনখ্রে। স্কীম অসিগী পান্দমদি হৈথোই-শিংথোইবগী ফীভমগী থাক অসি হেনগৎহন্দুনা থাকশিং অদু ৱাংখৎহনবনি অমসুং মসিগী মহৈনা মথংগী চহী মঙাদা চাউরাক্না নহারোল লাখ ৭ মুক্তা থবক ফংহনগনি।
এন.এ.তি.এস. না 'প্রদক্সন লিঙ্ক ইন্সেন্তিব' (পি.এল.আই.) গী মখাদা ফগৎলক্লিবা লমশিং হায়বদি মোবাইল শাবা, মেদিকেল দিভাইসশিং শাবা, ফার্মা সেক্তর, ইলেক্ত্রোনিক্স/তেক্নোলোজী প্রদকশিং, ওতোমোবাইল সেক্তরশিংনচিবদা এপ্রেন্তিসশিপ পীগনি। স্কীম অসি গতিশক্তিগী মখাদা মশক খংলবা কনেক্তিবিতী/লোজিস্তিক্স ইন্দস্ত্রী সেক্তরশিংগী ওইনসু হৈশিংলবা মীওইশিংসু শেমগৎকনি।
*****
(Release ID: 1774758)
Visitor Counter : 191
Read this release in:
Malayalam
,
English
,
Urdu
,
Hindi
,
Marathi
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada