প্রধান মন্ত্রীনা ০৭.০৬.২০২১দা মীয়ামদা ৱা ঙাংলদুনা লাওথোকপা অমদা অমসুং কোবিদ-১৯গী ইকোনোমীক রেস্পোন্সকী শরুক অমা ওইনা, কেন্দ্রগী মন্ত্রীমন্দলনা প্রধান মন্ত্রী গরিব কল্যন অন য়োজনা (পি.এম.জি.কে.এ.ৱাই.-ফেজ V) অতোপ্পা থা ৪ মদুদি ২০২১গী দিসেম্বরদগী ২০২২গী মার্চ ফাওবা @দাইরেক্ত বেনিফিত ত্রান্সফর (দি.বি.তি.)গী মখাদা কোল্লিবশিং য়াওনা নেস্নেল ফুদ সেক্যুরিতী এক্ত(এন.এফ.এস.এ.) [অন্তোদয়া অন য়োজনা অমসুং প্রাইওরিতী]গী মখাদা কোল্লিবা বেনিফিসরী পুম্বা মীওই অমদা চেং-হৱায় থা অমদা কে.জি. ৫ লেম্না ফংহল্লিবা অসিদা অমগা শাংদোক্নবা অয়াবা পীখ্রে।  

স্কীম অসিগী ফেজ-I অমসুং ফেজ-II অসি ২০২০গী এপ্রিলদগীনা জুন ফাওবা অমসুং ২০২০গী জুলাইদগী নবেম্বর ফাওবা মথংশিৎনা পীখি। স্কীম অসিগী ফেজ-IIIদনা ২০২১গী মেদগী জুন ফাওবা চৎনখি। স্কীম অসিগী ফেজ-IVদনা ২০২১গী জুলাইদগী নবেম্বর ফাওবা চৎনখি।

পি.এম.জি.কে.এ.ৱাই. স্কীমগী ফেজ Vদনা দিসেম্বর ২০২১-মার্চ ২০২২ ফাওবা  লুপা কোতি ৫৩,৩৪৪.৫২গী চাওরাকপা চান-থক্নবগী সবসিদী য়াওগনি।  

পি.এম.জি.কে.এ.ৱাই. স্কীমগী ফেজ Vতা অপুনবা চেং-হৱায় অসি এম.এল.তি. ১৬৩ ওইরবা য়াই।

নিংশিংবা য়াই মদুদি হৌখিবা চহিদা লৈবাক অসিদা কোবিদ-১৯না মমাংদা অমুক্তা থোকখিদ্রিবা মওংদা ইকোনোমীদা অকাইবা পীরকপা মতমদা, সরকার অসিনা ২০২০গী মার্চতা মহৌশাগী ওইবা রাসন কার্দ, হায়বদি লায়ররবা, খুদোংথিনিঙাই ওইরবা ইমুং/বেনিফিসরীদা ইকোনোমিক ক্রাইসিস মতমদা চংদ্রবা য়াদবা চেং-হৱায় ফংদবগী অৱাবা লৈতনবা পীবগী মথক্তা অহেনবা চেং-চাক (চেং/গেহু) চাউরাক্না নেস্নেল ফুদ সেক্যুরিতী এক্ত (এন.এফ.এস.এ.)গী বেনিফিসরী কোতি ৮০ রোমদা পি.এম. গরিব কল্যন অন য়োজনা (পি.এম.-জি.কে.এ.ৱাই.)গী মখাদা মীওই অমদা থা অমদা কে.জি. ৫ লেম্না পীনবা লাওথোকখি। হৌজিক ফাওবদা, পি.এম.-জি.কে.এ.ৱাই. (ফেজ Iদগীনা IV ফাওবা) মখাদা দিপার্তমেন্তনা চান-থক্নবগী সবসিদীদা চাওরাক্না লুপা কোতি লাখ ২.০৭ মান্ননা রাজ্য/য়ু.তি.দা ঙম্নমক চেং-চাক এল.এম.তি. ৬০০ পীখি।

পি.এম.-জি.কে.এ.ৱাই.-IVগী মখাদা য়েন্থোকপা হৌজিকসু চৎথরি, অমসুং হৌজিক ফাওবগী ওইনা রাজ্য/য়ু.তি.দগী ফংবা রিপোর্ত অমগী মতুং ইন্না, চেং-চাক ৯৩.৮% য়েন্থোকখ্রে অমসুং  এল.এম.তি. ৩৭.৩২ (২০২১গী জুলাইগী ৯৩.৯%), এল.এম.তি. ৩৭.২০ (২০২১গী ওগস্তকী ৯৩.৬%), এল.এম.তি. ৩৬.৮৭ (২০২১গী সেপ্তেম্বরগী ৯২.৮%), এল.এম.তি. ৩৫.৪ (২০২১গী ওক্তোবরগী ৮৯%),  অমসুং এল.এম.তি. ১৭.৯ (২০২১গী জুলাইগী ৪৫%), শিং চাওরাক্না কোতি ৭৪.৬৪, কোতি ৭৪.৪, কোতি ৭৩.৭৫, কোতি ৭০.৮ অমসুং কোতি ৩৫.৮ বেনিফিসরীশিংদা মথংশিৎনা য়েন্থোকখি।      

মমাংগী ফেজগী থেংনরকপা মতুং ইন্না, পি.এম.-জি.কে.এ.ৱাই.গী থবকশিং অসি মমাংগা চপ মান্ননা য়াম্না ৱাংনা ফংবা ঙমগনি হায়না থাজবা লৈ।

অপুনবগী ওইনা, চাওরাক্না লুপা কোতি লাখ ২.৬০ রোম পি.এম.-জি.কে.এ.ৱাই.গী ফেজ I-V ফাওবা সরকারনা চাদিং তৌগনি।

****