কঞ্জুমর এফিয়র্স, ফুদ অমসুং পব্লিক দিস্ত্রিব্যুসন মন্ত্রালয়গী মখাদা ফুদ অমসুং পব্লিক দিস্ত্রিব্যুসন দিপার্তমেন্তনা ২০২১গী নবেম্বর ১৫দগী নবেম্বর ২১ ফাওবা লৈবাক অসিনা মনিং-মখা তম্বা চহি ৭৫ মপুং ফারকপদা আইকোনিক ৱীক ‘অজাদি কা অমিৃত মহোতসব’ শিনখ্রে৷

অপুনবা ভারতকী ইসেন্স অসিবু ইকাই খুম্নবা উৎনবা তোঙান তোঙানবা থবক থৌরমশিং চয়োল চুপ্পা শিনখি৷ অদুম ওইনমক, দিপার্তমেন্ত অসিগী মখাদা লৈরিবা তোঙান তোঙানবা ওর্গনাইজেসনশিংনা চহি অসি শিনবা থুংনা থবক থৌরমশিং মখাতানা শিল্লগনি৷

থৌরম অসিগী অহানবা নুমিৎতা, কম্মর্স অমসুং ইন্দস্ত্রী, কঞ্জুমর এফিয়র্স, ফুদ অমসুং পব্লিক দিস্ত্রিব্যুসনগী কেন্দ্রগী মন্ত্রী, শ্রী গোয়লনা ফোতো একজিবিসন অমগা লোইননা থ়ঞ্জাবর, তামিল নাদুগী ফুদ সেক্যুরিতী ম্যুজিয়ম অমসুং কর্নাতকাগী দিভিজনেল ওফিস হুবাল্লিগী ওফিস বিল্দিং ভর্চুএল্লী ওইনা শঙ্গাখ্রে৷

মহাক্কী ৱারোলদা, মহাক্না অসুম্না ফোংদোকখি, “ঐখোয়গী লৈবাক অসিদা ফুদ সেক্যুরিতী মেন্তিনেন্সকী তোঙান তোঙানবা এস্পেক্তশিংদা থবক তৌবদগী হেন্দোক্তুনা, তোঙান তোঙানবা ইভেন্তশিং খ্বাইদগী মরু ওইনা অজাদি কা অমিৃত মহোতসবকী খুৎথাংদা মীয়ামগী মরক্তা চাং চপ মান্ননা মখোয়বু য়ৌহনবদা অমসুং স্তেকহোল্দরশিংগী মরক্তা মখোয়বু খঙহনবা মরু ওই হায়না পনবা অসিদা ঐ নুংঙাইবা ফাওজৈ৷”

কঞ্জুমর এফিয়র্স, ফুদ অমসুং পব্লিক দিস্ত্রিব্যুসন, এনবাইরোনমেন্ত, ফোরেস্ত অমসুং ক্লাইমেত চেঞ্জকী রাজ্য মন্ত্রী(এম.ও.এস.) শ্রী অশ্বিনী কুমার চৌবে, কঞ্জুমর এফিয়র্স, ফুদ অমসুং পব্লিক দিস্ত্রিব্যুসন অমদি রুরেল দিবেলপমেন্তগী রাজ্য মন্ত্রী(এম.ও.এস.), শ্রীমতি সধবি নিরঞ্জন জ্যোতিনা থৌরম অসিদা ভর্চুএল্লী ওইনা শরুক য়াখি৷

অতোপ্পা প্রোগ্রাম অমদা, শ্রী গোয়লনা অজাদি কা অমিৃত মহোতসব থৌরমগী শরুক অমা ওইনা ২০২১গী নবেম্বর ১৬তা নেস্নেল সুগর ইন্সতিত্যুত, কানপুরগী ৫০শুবা কনবোকেসন সেরেমোমী ভর্চুএল্লী ওইনা হৌদোকখ্রে৷

“সুগর ইন্দস্ত্রী অসি খুঙ্গংগী ইকোনোমীগী য়াংলেন শরুনু অমসুং সুগর ইন্দস্ত্রীগী এক্সপর্তশিং ওইনা, লৌমীশিং, খুঙ্গংশিং অমসুং লৈবাক অসিদা অত্মনির্ভর পুরকপদা অদোম অদুক্কী মতিক মরু ওই,” হায়না ৱারোল অদুদা মহাক্না মহৈরোইশিংদা ফোংদোকখি৷

কানপুরদা পাংথোক্লিবা থৌরম অদুদা কঞ্জমর এফিয়র্স, ফুদ অমসুং পব্লিক দিস্ত্রিব্যুসন অমদি রুরেল দিবেলপমেন্তগী রাজ্য মন্ত্রী(এম.ও.এস.), শ্রীমতি সধবি নিরঞ্জন জ্যোতিসু ফিজিকেল্লী ওইনা শরুক য়াখি৷

‘অজাদি কা অমিৃত মহোতসব’ থৌরমগী শরুক ইনা অৱাং-নোংপোক্তা অহানবা চৎখিবা মহাক্কী খোঙচৎ মনুংদা, মনিপুরগী ইম্ফাল ৱেস্ত জিলাগী মনুং চন্না লৈরিবা ওলেম্পিক সিলভর মেদালিস্ত সাইখোম মিরাবাই চনুগী পোক্নফম খুঙ্গংদা অচৌবা হেন্দলুম ক্লস্তর অমা শেমগৎনবা শ্রী গোয়লনা লাওথোকখি৷ অচৌবা হেন্দলুম ক্লস্তর অদুগী ইস্তিমেতেদ কোস্ত অসি লুপা কোতি ৩০নি অমসুং নেস্নেল হেন্দলুম দিবেলপমেন্ত প্রোগ্রাম (এন.ঐচ.দি.পি.)গী মখাদা শেমগৎলগনি৷

আই.এন.এ.না ভারতকী লৈহাউদা ইহান-হানবা ওইনা মচু অহুমগী ফিরাল চিংখৎখিবা বিষ্ণুপুর জিলাদা লৈরিবা মাইরাংদা হেন্দলুম অমসুং হেন্দিক্রাফত খুঙ্গং অমা শেমগৎনবসু মহাক্না লাওথোকখি৷ মসিনা নিংতম-লান্মীশিং মরু ওইনা আই.এন.এ.গী লান্মীশিংদা ইকাই খুম্নবা উৎলগনি হায়না মহাক্না ফোংদোকখি৷

ইম্ফালদা তেক্সতাইল্সকী কেন্দ্র মন্ত্রালয় অমসুং মনিপুর সরকারগী দিবেলপমেন্ত কম্মিশনার(হেন্দিক্রাফত)না খুৎশম্নরগা শিল্লিবা ক্রাফতসকী থিমেতিক একজিবিসন হৌদোকপগী থৌরমদা এনাউন্সমেন্তশিং অসি শ্রী গোয়লনা লাওথোকখিবনি৷

মনিপুর অমসুং গুৱাহতিদা আইকোনিক ৱীক্কী মখাদা পাংথোক্লিবা 'জনজাতিয়া গৌরব দিৱস'তা মহাক্না শরুক য়াখি৷

চয়োলমুক শাংলিবা থৌরম অসিগী মনুংদা পাংথোক্লিবা থৌরম কয়ামরোমদা কঞ্জুমর এফিয়র্স, ফুদ অমসুং পব্লিক দিস্ত্রিব্যুসন অমদি এনবাইরোনমেন্ত, ফোরেস্ত অমসুং ক্লাইমেত চেঞ্জকী রাজ্য মন্ত্রী, শ্রী অশ্বিনী কুমার চৌবেসু শরুক য়াখি৷

প্রোক্যোরমেন্ত ওপরেসনশিং অমসুং দি.বি.তি.গী ৱেবিনার অমদা শরুক য়াবগা লোইননা দি.বি.তি. ওপরেসনশিং য়াওনা প্রোক্যোরমেন্ত ওপরেসনশিংদা সোর্ত ফিল্ম অমা মহাক্না লোঞ্চ তৌখি৷

শ্রী চৌবেনা বিহারদা চৎখি অমদি ‘অজাদি কা অমিৃত মহোতসব’কী প্রোগ্রামশিং শরুক য়াখি৷

অসামগী চংসারিদা শারিবা ৫০,০০০ এম.তি.শিং মোদর্ন রেল-লিঙ্ক গ্রান্দ সিলো অদুসু মহাক্না শঙ্গাখি৷ থৌরম অদুদা ৱা ঙাংলদুনা, ফুদ গ্রেনশিং ৱাৎলিবা অমসুং মহাক্কী সস্তেনেবিলিতীগীদমক অসামদা অসিগুম্লবা অচৌবা সিলো অমা শেমগৎপা হায়বসি অচৌবা ইনিসিয়েতিব অমনি হায়না মহাক্না ফোংদোকখি৷

গুরুগ্রামদা ফুদ গ্রেন সেম্পলশিং ইন হাউস তেস্তিং তৌনবগীদমক ফুদ কোর্পোরেসন ওফ ইন্দিয়াগী(এফ.সি.আই.)অহানবা স্তেত-ওফ-দি-আর্ত ক্বালিতী কন্ত্রোল লেবোরেতরী শ্রী চৌবেনা শঙ্গাখি৷

অসিগীসু মথক্তা, দি.এফ.পি.দি.গী তোঙান তোঙানবা দিবিজনশিংনা অতোপ্পা থবক-থৌরমশিং শিনখি৷

দিল্লিগী জর্নেলিস্তশিং অমসুং মেদিয়াগী মীওইশিংগীদমক উত্তর প্রদেশতা ফেয়র প্রাইস সোফশিংদা ফিল্দ বিজিৎ অমা দি.এফ.পি.দি.না শিনখি৷ এফ.সি.আই.গী তোঙান তোঙানবা থবক থৌরমশিং, প্রোক্যোর্মেন্তগী মতাংদা অমদি পব্লিক দিস্ত্রিব্যুসন সিস্তেম অসি মতৌ করম্না তৌরিবনো হায়বা অসিগী মতাংদা জর্নেলিস্তশিং অসিবু তাকপি-তম্বিখি৷

য়ুনাইতেদ নেসন্স ৱার্ল্দ ফুদ প্রোগ্রামগা মরী লৈননা ‘ফুদ সেক্যুরিতী লৈহন্নবা পি.দি.এস. রিফোর্মশিংদা ভারতকী খোঙচৎ’ হায়রিবা অসিদা ৱাবিনার অমা শিনখি৷ ৱেবিনার অসিদা অৱাংবা থাক্কী এক্সপর্তশিংনা শরুক য়াখি অমদি ভারত্তা তেক্নোলেজীদা বেজ তৌবা তেক্নোলোজী রিফোর্মশিংগী খোঙচৎতা, কোবিদ-১৯ ক্রাইসিসকী মতমদা ফুদ সেক্যুরিতী লৈহন্নবা হোৎনবদা ভারতকতী এক্সপরিয়েন্স, ফুদ ৱেস্তেজ অমসুং স্তোরেজ লোসশিং থেংনবগী সপ্লাই চেন রিফোর্মশিং অমসুং ইন্নোবেসনশিং অমদি তি.পি.দি.এস. ত্রান্সফোর্ম তৌবদা ওপরেসন রিসর্স, আর্তিফিসিয়েল ইন্তিলিজেন্স অমসুং অতোপ্পা অনৌবা তেক্নোলোজীশিংগী রোল অদু খন্নখি৷

‘সুগরকেন ফার্মিংদা খ্বাইদগী ফবা প্রেক্তিসশিং’দা লৌমীশিং, সেল্ফ হেল্প গ্রুপিংগা ইন্তরেক্সন তৌবগী অতোপ্পা ৱেবিনার অমা শিনখি৷ ‘সুগরকেন ফার্মিংদা খ্বাইদগী ফবা প্রেক্তিসশিং’দা মীৎয়েং চংদুনা চু থারিবা লৌমীশিংগা লোইননা হকথেংননা ৱারি শাননবা দি.এফ.পি.দি.না শিনখি৷ অদুগা, হেন্না ফবা কেস ফ্লো লৈহন্নবগীদমক ইথানোল হেন্না পুথোক্নবা সুগর মিলশিংদা হায়খ্রে, মসিনা সস্তেনেবল ওইবা ইন্দস্ত্রী লৈহনবা ঙম্লগনি৷ দিপার্তমেন্তগা খুৎশম্নরগা লৌমীশিংনা হাই য়িল্দিং বেরাইতীশিং শিজিন্নবগা লোইননা, দ্রিপ ইরিগেসন, সোইল হেল্থ ইমপ্রুবমেন্ত তৌদুনা মখোয়গী খ্বাইদগী ফরবা প্রেক্তিসশিং অদু মখোয়না সেয়র তৌরকখি৷

ই-এন.দবল্যু.আর.গী কান্নবা অমসুং ৱেয়রহাউজেস রেজিস্ত্রেসনগী কান্নবগী মতাংদসু খন্ন-নৈননবা ৱেবিনার শিনখি৷ ৱেবিনার অদুদা মীওই ১২০ হেনবনা শরুক য়াখি৷ থৌরম অদুদা, দিবিজন অদুনা দবল্যু.দি.আর.এ.গা লোইননা রেজিস্ত্রেসন ফী অসি অতোপ্পা কনবেন্সনেল ৱেয়রহাউজেসকী লুপা ৫০০০দগী লুপা ৩০,০০০ ফাওবা ওইরিবা অসিগা চাংদম্নবা মতমদা এফ.পি.ও.শিং/পি.এ.সি.শিং/এস.ঐচ.জি.শিংগী ওইনা লুপা ৫০০দা হন্থখ্রে হায়না সেয়র তৌরকখ্রে৷

ভর্চুএল ইভেন্তশিং অসিদগী হেন্দোক্তুনা, ফিজিকেল ইভেন্তশিংসু শিনখি৷ ইফিসিয়েন্ত স্তোরেজ অমসুং ক্বালিতী কন্ত্রোলগী মতাংদা লৌমীশিংগীদমক এৱার্নেস জেনেরেসন প্রোগ্রাম অমা শিন্দুনা লৌমী ৩০না শরুক য়াখি৷ থৌরম অদু ইন্দিয়ন গ্রেন মেনেজমেন্ত অমসুং রিসর্স ইন্সতিত্যুত (আই.জি. এম.আর. আই.), হাপুরনা শিনখিবনি৷ লৈবাক অসিদা হৌখিবা চহি ৭৫দা ফুদ সেক্যুরিতী মেনেজমেন্তদা দিপার্তমেন্তনা লৌখিবা থৌদাং, ফুদগ্রেনশিংগী তোঙান তোঙানবা রিফ্রাক্সনশিং অমসুং ফোর্তিফাইদ রাইস সেয়র তৌবা অসিনা প্রোগ্রাম অসিগী থীম ওইখি৷

অদুগা, এন.এফ.এস.এ. দিবিজননা বরানাসিদা অজাদি কা অমিৃত মহোতসবকী আইকোনিক ৱীক্কী মখাদা প্রোগ্রাম অমা শিনখি৷ এৱার্নেস প্রোগ্রাম অসিনা নুপী অমসুং অঙাংশিং তার্গেৎ তৌখি অমদি ফোর্তিফাইদ রাইসকী মরু ওইরিবা অদুগী মতাংদা শরুক য়ারিবা মীওইদা খঙহনখি৷

মথক্তা পল্লিবা থৌরম অসিদগী হেন্দোক্তুনা, ফুদ কোর্পোরেসন ওফ ইন্দিয়া(এফ.সি.আই.)না লৈবাক অসিগী রেভেন্যু জিলাশিংদা প্রোগ্রাম ৬২৪ প্লান তৌখি, মসিদা প্রোগ্রাম ১৪০রোমদি মাংজৌননা পাংথোকখ্রে অমদি লেমহৌরিবশিং অসিনা চহি অসিদা শিল্লগনি৷

******