خواتین کے قومی کمیشن نے بامبے ہائی کورٹ کی ناگپور بینچ کے اس فیصلے کو نظر انداز کرنے کے سلسلے میں بھارت کے سپریم کورٹ کے اس حکم کا خیر مقدم کیا ہے جس میں براہ راست جسم سے جسم یعنی جلد سے جلد کے مَس ہونے پر ہی ارتکاب جرم کا مانا  جاتا  تھا یعنی بچوں کو جنسی جرائم سے تحفظ فراہم کرنے کے سلسلے میں ان پر کئے گئے جسمانی حملوں کے معاملے میں جلد سے جلد کا مَس ہونا ضروری تھا اور پوکسو ایکٹ کا اطلاق صرف اسی صورت میں ہوناتھا اب عدالت عالیہ یعنی سپریم کورٹ کے اس فیصلے کا خیر مقدم کرتے ہوئے کمیشن نے کہا ہے کہ اس معاملے میں عدالت عالیہ کا فیصلہ خواتین اور بچوں کے قانونی اور آئینی تحفظ کو یقینی بنائے گا۔

عدالت عالیہ نے اپنے اس فیصلے میں کہاہے کہ اس طرح کے معاملات میں جنسی ارادہ اہم ہے اور اسے اس ایکٹ کے دائرہ کار سے باہر نہیں لایا جاسکتا ۔قانون کا مقصد ہر گز یہ نہیں ہے کہ خطا کار کو قانون کی گرفت سے بچنے کا کوئی موقع فراہم کرایا جائے ۔فاضل عدالت نے کہا ہے کہ جرم کے معاملے میں جلد سے جلد کے مَس ہونے یعنی جسمانی رابطے کی محدود وضاحت یا تشریح پوکسو ایکٹ کے مقصد کی منافی ہوگی اور اسے تسلیم نہیں کیا جاسکتا ۔این سی ڈبلیو نے چار فروری 2021 کو معزز عدالت سپریم کورٹ کے روبہ رو بامبے ہائی کورٹ کی ناگپوربینچ کے مذکورہ فیصلے کو چیلنج کرتے ہوئے ایک ایس ایل پی داخل کی تھی جس میں یہ کہا گیا تھا کہ مذکورہ فیصلے کے اطلاق سے ملک میں خواتین کی سلامتی کی نقصان پہنچانے والی خطرناک نظیر قائم ہوسکتی ہے۔

************

 

ش ح ۔ ش ر۔ م ش

U. No.14035

(ریلیز آئی ڈی: 1773943) وزیٹر کاؤنٹر : 167