হ্যুমেন রিসোর্স চাউখৎ-থৌরাংগী মন্ত্রালয়
এজুকেসনগী কেন্দ্রগী মন্ত্রী শ্রী ধর্মেন্দ্র প্রধান্না গুৱাহাতীদা নোর্থ-ইস্ত এজুকেসন কনক্লেব হৌদোকখ্রে
ভারত্তা মফম-মফমগী ওইবা লোলদা য়ুমফম ওইবা এজুকেসনগী লেবোরেতরী আসমদা ওইরগনি: ধর্মেন্দ্র প্রধান
এন.ই.পি.না ঐখোয়গী দাইবর্সিতী মশক তাক্নবা য়ুনিফাইয়র অমনি: ধর্মেন্দ্র প্রধান
থাগৎখিবা:
20 NOV 2021 4:44PM by PIB Imphal
এজুকেসনগী কেন্দ্রগী মন্ত্রী শ্রী ধর্মেন্দ্র প্রধান অমদি আসমগী মুখ্য মন্ত্রী দাঃ হিমন্তা বিস্বা সর্মানা ঙসি আসম সরকারগী এজুকেসন দিপার্তমেন্ত অমসুং শঙ্করদেব এজুকেসন এন্দ রিসর্স ফাউন্দেসন (এস.ই.আর.এফ.)না গুৱাহাতী মেদিকেল কোলেজ অমসুং হোস্পিতাল ওদিতরিয়মদা শিনবা নোর্থ-ইস্ত এজুকেসন কনক্লেব হৌদোকখ্রে। কেন্দ্রগী মন্ত্রীনা হায়খি মদুদি ভারত্তা লৈরিবা এজুকেসন সিস্তেম অসি মমাংদা অমুক্তা থোকখিদ্রিবা মওংদা অহোংবা অমা লাক্লি সরকার অসিনা প্রধান মন্ত্রী শ্রী নরেন্দ্র মোদীগী মখাদা হৌদোকখিবা এজুকেসন পোলিসী ২০২০ অসিনা পান্দম থম্লিবা অসি নহারোলশিং অসি তুংগীদমক শেম-শাবা, সমাজবু মশক খঙবা, ২১শুবা চহিচাগীদমক মালেমগী ওইবা নাগরীক অমা ওইনবগীদমক শেম শাবনি।
কেন্দ্রগী এজুকেসন মন্ত্রীনা স্তেত এজুকেসন দিপার্তমেন্ত অমসুং শঙ্করদেব এজুকেসন এন্দ রিসর্স ফাউন্দেসন (এস.ই.আর.এফ.)পু লৈবাক অসিদা অসিগুম্বা অহানবা ওইরিবা এজুকেসন কনক্লেব শিন্নবা খোঙথাং লৌখৎলিবা অসিবু থাগৎপা ফোংদোকখি। থৌরম অসিদা ৱা ঙাংলদুনা, কেন্দ্রগী মন্ত্রীনা হায়খি মদুদি এন.ই.পি. ২০২০ অসি লৈবাক অসিদা এজুকেসন সিস্তেম অসিবু হোংদোক্নবা চংশিনবা খোঙজং অমনি। মহাক্না মসি অমসু হায়খি মদুদি এন.ই.পি. অসিনা ঐখোয়গী দাইবর্সিতী অমসুং খুনাই অমা চাউখৎপগী পুনশিন্নবা মচাক অমনি। এন.ই.পি. অসিবু শন্দোক্না তাক্লদুনা, মহাক্না হায়খি এন.ই.পি. অসি মহৈ মশিং তম্বদা চাউখৎনবা পাম্দম থম্লি, মহৈরোইশিংবু ২১শুবা চহিচা অসিদা লৌশিং হৈ-শিংবা অমসুং নহা ওইরিবশিংবু মালেমগী ওইবা নাগরীক অমা ওইনবা পান্দম থম্বনি।
মহাক্না হায়খি মদুদি নোর্থ ইস্ত এজুকেসন কনক্লেবনা থম্লিবা পান্দম অসি এন.ই.পি. ২০২০গী মচাক কয়া অসিদা খন্ন-নৈনদুনা হায়রিবা অসিনা অৱাং-নোংপোক মফমশিংদা লম্বী অমা য়াৎপদা মতেং ওইবা অমসুং মায় পাক্না হাপ্নবা লালোং শেম্নবা পান্দম থম্বনি।
মহাক্না মখা তানা হায়খি মদুদি লোল খেন্নবা মখল কয়া অমা লৈরিবা অসি অৱাং-নোংপোক্কী লমদমদা লৈরিবা অসিদগী হেল্লোই হায়রিবা মফম অসিদা লৈরিবা ত্রাইবশিংনা লোল ১৮০গী মথক্তা ঙাংলি। ইন.ই.পি.-২০২০না ইমা লোল অমসুং মফম-মফমগী ওইবা লোলদা মহৈ তম্নবা অমসুং সরকারনা মসি অশেংবা ওন্থোক্নবা কন্না হোৎনরি। রাজ্য অসিদা খেন্নবা লোল কয়া অসিগী মতাংদা ৱা ঙাংলদুনা মহাক্না হায়খি আসম অসি ভারত্তা লৈরিবা মফম-মফমগী ওইবা লোলদা য়ুমফম ওইবা লেবোরেতরী অমা ওইবা য়াই।
আসমগী মুখ্য মন্ত্রী দাঃ হিমন্তা বিস্বা সর্মানা হায়খি মদুদি এ.ই.পি. ২০২০ অসিনা মার্কশীত্তগী হেন্দোক্তুনা লৌশিং হেন্না তান্দুনা ভারত অসিবু হেন্না শক্তি লৈননবা, লৈবক অসিবু অৱাংবা থাক অমদা থম্বা, মহৈরোইশিংবু শক্তি পীবা অমসুং মখোয়দা চাফখৎনবগী খুদোংচাবা অমা পীরি।
মুখ্য মন্ত্রীনা খঙহনখি মদুদি নুমিৎ নিনিগী দেলিবেরেসন অসিনা মফম অসিদা এন.ই.পি. হাপ্পগী লম্বী লোইশিন্নবগী মরম অমা ওইরগনি হায়িবা অসিদা পোলিসীশিং থবক্তা ওন্থোক্তুনা অমসুং প্রধান মন্ত্রী নরেন্দ্র মোদীনা মিৎয়েং থম্লিবা অনৌবা অমসুং শক্তি লৈবা ভারত অমগী মংলান মংফাওনরগনি। মহাক্না এজুকেসনগী কেন্দ্রগী মন্ত্রীবু কনক্লেব অসিবু শরুক য়াবগীদমক থাগৎপা ফোংদোকখি অমসুং মহাক্কী তৌবা ঙম্বা লুচিংবা অসিনা এন.ই.পি.-২০২০বু হাপ্পদা লমজিং লমতাক্কনি।
আসমগী এজুকেসন মন্ত্রী, দাঃ রনোজ পেগু, ভি.সি. সি.এস.এস. য়ুনিভর্সিতী, মীরুত, য়ু.পি. প্রোফেসর নরেন্দ্র কুমার তনেজা, য়ু.জি.সি. চেয়রমেন, প্রোফেসর দি.পি. সিংহ, এন. ই. রাজ্য নিপালগী এজুকেসন মন্ত্রী, প্রোফেসর. নানী কোপাল মহন্তা, এজুকেসন এদভাইজর, আসম সরকার, স্তেকহোল্দর অমসুং একাদেমিসিয়ানশিংনা হৌদোকপগী সেসন অসিদা শরুক য়াখি।
*****
(রিলিজ আই.দি.: 1773623)
ভিজিতর কাউন্তর : 174