مخصوص خفیہ معلومات کی بنیاد پر، سنٹرل گڈس اینڈ سروس ٹیکس (سی جی ایس ٹی) کمشنریٹ، دہلی (ایسٹ) کی چوری مخالف برانچ کے افسران نے 34 کروڑ روپے (تقریباً) کے سامان کی حقیقی نقل و حرکت کے بغیر، جعلی جی ایس ٹی انوائسز کے ذریعے ناقابل قبول ان پٹ ٹیکس کریڈٹ (آئی ٹی سی) کو حاصل کرنے/ استعمال کرنے اور منتقل کرنے کے معاملے کو بے نقاب کیا ہے۔

سامان کی حقیقی نقل و حرکت کے بغیر اور حکومت کو حقیقی جی ایس ٹی ادا کیے بغیر جعلی آئی ٹی سی پاس کرنے کے ارادے سے جعلی جی ایس ٹی انوائسز بنانے کے لیے 7 فرموں کی تشکیل کی گئی تھی۔ ان اداروں نے 220 کروڑ روپے (تقریباً) کی قیمت سے کم GST رسیدیں تیار کیں اور 34 کروڑ روپے (تقریباً) کی ناقابل قبول آئی ٹی سی پاس کی۔ جعلی فرم بنانے اور جعلی جی ایس ٹی انوائسز بنانے/ بیچنے کے اس ریکیٹ کو چلانے کے پیچھے کا ماسٹر مائنڈ رشبھ جین تھا۔

طریقہ کار میں ناقابل قبول کریڈٹ کا فائدہ اٹھانے/استعمال کرنے اور اسے منتقل کرنے کے ارادے سے متعدد فرمیں بنانا شامل تھا۔ اس نیٹ ورک میں شامل فرمیں ہیں میسرز بلیو اوشین، میسرز ہائی جیک مارکیٹنگ، میسرز کانہا انٹرپرائزز، میسرز ایس ایس ٹریڈرز، میسرز ایورنیسٹ انٹرپرائزز، میسرز گیان اوورسیز اور میسرز وہارش ایکسپورٹرز پرائیویٹ لمیٹڈ۔

جناب رشبھ جین نے اپنا جرم تسلیم کرتے ہوئے رضاکارانہ بیان دیا ہے۔ انھوں نے اعتراف کیا کہ سنٹرل بینک آف انڈیا کے اوور ڈرافٹ اکاؤنٹ کے خلاف ادائیگی نہ کرنے کی وجہ سے بینکرز نے کاروباری احاطے کو سیل کر دیا تھا۔ اس کے بعد، وہ سامان کی حقیقی نقل و حرکت کے بغیر جعلی جی ایس ٹی انوائس جاری کرنے میں ملوث ہوئے۔

رشبھ جین نے جان بوجھ کر سی جی ایس ٹی ایکٹ، 2017 کی دفعہ 132(1)(b) کے تحت جرائم کا ارتکاب کیا ہے جو سیکشن 132(5) کی دفعات کے مطابق قابل سماعت اور ناقابل ضمانت جرم ہے اور ذیلی شق (i) کے تحت قابل سزا ہے۔ اس کے مطابق، رشبھ جین کو 13.11.2021 کو سی جی ایس ٹی ایکٹ کی دفعہ 132 کے تحت گرفتار کیا گیا ہے اور ڈیوٹی میٹروپولیٹن مجسٹریٹ نے 26.11.2021 تک عدالتی تحویل میں بھیج دیا ہے۔

                                               **************

ش ح۔ ف ش ع- ف ک   

U: 12846