মপুং-মরৈ ফারবা মীওই পুম্নমক কোবিদ ভেক্সিনগী অহানবা দোজ কাপথোকহন্নবা অমদি অনিশুবা দোজ কাপতনা লৈরিবা মীওইশিংবু অনিশুবা দোজ কাপথোকহন্নবগী পান্দমদা থামুক শাংবা ‘হর ঘর দস্তক’ কেম্পেন্দগী মরমদা এৱার্নেস মখাতানা শন্দোক্নবা ঙসি হকশেল অমদি য়াইফ-য়ুম্বালগী কেন্দ্রগী মন্ত্রালয়না মেদিয়াগী নেস্নেল ইন্তরেক্তিব ৱেবিনার অমা শিনখি৷ ‘হর ঘর দস্তক’কী ৱাহন্থোক্তি থোংজিল খুদিংদা থোং থিনবা হায়বনি, অহানবা দোজ কাপত্রিবা নত্রগা করিগুম্বা মরম খরনা অনিশুবা দোজ কাপতনা লৈরিবা ইলিজিবল ওইরবা মীওই পুম্নমক্তা য়ৌহন্নবা পান্দম থম্লি৷ হেল্থকেয়র ৱার্করশিংনা জিলাশিংদা অখন্ননা মীৎয়েং থমদুনা ভারত্তা লৈরিবা ভেক্সিন কাপ্পা য়ারবা মীওইশিংগী য়ুমথোং খুদিংদা চংদুনা ভেক্সিন কাপ্লগনি, ভেক্সিন কাপ্পা য়ারবা মীওইগী চাদা ৫০দগী হেন্না ভেক্সিন কাপখ্রে৷

ইন্তরেক্তিব ৱেবিনার অদু হকশেল অমসুং য়াইফ-য়ুম্বাল মন্ত্রালয়গী এদিস্নেল সেক্রেতরী, দা. মনোহর অগনানিনা ৱা ঙাংখি৷ হৌজিক হৌজিক চৎলিবা ভারতকী ভেক্সিন কাপ্পগী খোঙজেল অসিগুম্না চত্থরবদি, মালেমগী খ্বাইদগী চাওবা এদল্ত ভেক্সিনেসন প্রোগ্রাম অসি ২০২১গী জনুৱারি ১৬তা হৌদোকখিবদগী মশাগী ত্রেক্তা নিংথিনা চৎলি হায়না ঐখোয়না কনফিদেন্স লৈনা ক্লেম তৌবা য়াই হায়না মহাক্না ফোংদোকখি৷ ঙসি ফাওবদা, ভারত্তা লৈরিবা ভেক্সিন কাপ্পা য়ারবা মীওইগী চাদা ৭৯গী চাংদি কোবিদ-১৯গী অহানবা দোজ কাপখ্রে অদুগা অতোপ্পা চাদা ৩৮ অমনা মপুং ফানা ভেক্সিন কাপখ্রে৷ রাজ্য কয়া অমদা, মপুং-মরৈ ফারবা মীওইগী ১০০%দি ভেক্সিনগী অহানবা দোজ কাপখ্রে৷ ভারতকী হৌজিক হৌজিক ওইরিবা ভেক্সিন দেলিভরী কেপাসিতীগা লোইননা, মপুংম-মরৈ ফারবা মীওই পুম্নমক অথুবা মতমদা মনুং-চনবা ঙম্লগনি হায়না মহাক্না কনফিদেন্স লৈনা ফোংদোকখি৷

ভেক্সিনশিং কাপনিংবগী অপাম্বা অসি হেনগৎলক্তুনা, লাস্ত মাইল কোভরেজ অদু মশাগী অখন্নবা চেলেঞ্জশিংগী সেতকা লোইননা থোক্লক্লি৷ শহরদগী লাপ্ন মনুং হঞ্জিনবা মফমশিংদা লৈরিবা মীওইশিংগী এসেসিবিলিতী ইসুশিং, সাইদ ইফেক্তশিংগী অকিবা পোক্নরিবা অমদি কম্ম্যুনিতী খরদা ভেক্সিনবু নিংজিং মাংজিংনবা পোক্নরিবা য়াওনা মীওই খরনা ভেক্সিন কাপতবগী মরম খরা লৈরম্বা য়াই৷ কেম্পেন্দ অসিগী খুৎথাংদা, লৈবাক অসিগী ফ্রন্তলাইন হেল্থ ৱার্করশিংনা মীয়াম্বু কোবিদ১৯ ভেক্সিন কাপহন্দবগী গ্রাউন্দদা থেংনরিবা অসিগুম্বা ইসু কয়া অমা থেংনরি হায়বসি দা. অগনানিনা উবা ঙমখি৷ ভেক্সিন কাপত্রিবা মীয়ামগী পুক্নিং ওলহন্নবা কেম্পেন্দ অসিনা লোকেল রিলিজিয়র্স অমসুং কম্ম্যুনিতী লিদরশিং অমদি অতোপ্পা এজেন্সীশিং অমসুং ওর্গনাইজেসনশিং খুদম ওইনা সেন্ত্রেল স্তেতিস্তিক্স ওফিস(সি.এস.ও.), নন-গভর্মেন্ত ওর্গনাইজেসনশিং, এন.এস.এস.কা চেৎনা কোলাবোরেসন তৌদুনা চৎমিন্ননবসু খল্লি৷ এন্তি-ভেক্সিনগী মতাংদা লান্না পাউ শন্দোক্লিবা অি থেংননবা ; অমদি রাজ্যশিং/য়ু.তি.শিংদা হাই কভরেজ জিলাশিংনা মতুং ইল্লিবা প্রেক্তিসশিং অমদি ইন্নোবেতিব এপ্রোচশিং অদুগা চুননবা মল্তিমেদিয়া ইনফোর্মেসন, এজুকেসন অমসুং কম্ম্যুনিকেসন(আই.ই.সি.) কেম্পেন্দ অসি দিজাইন তৌরগনি৷

শরুক য়ারিবা মেদিয়াগী মীওইশিংদগী খঙনিংনা হংলক্লিবশিং অদুদা, ভেক্সিন দোজ অনিমক কাপথোকপা মরু ওইরিবা অদু দা. অগনানিনা পনখি৷ মীয়ামদা পোজিতিব ওইবা ৱারিশিং শাবিদুনা মীয়ামগী পুক্নিং ওলহন্নবা হোৎনবিয়ু হায়নসু মহাক্না মেদিয়াগী মীওইশিংদা তকশিনখি৷

ৱেবিনার অসিদা পি.আই.বি., দি.দি., এ.আই.আর., আর.ও.বি.এস., য়ুনিসেফ স্তেত ওফিসশিং, প্রাইভেৎ এফ.এম. রেদিও, লৈবাক অসিদা লৈরিবা  কম্ম্যুনিতী রেদিও স্তেসনশিং, ওনলাইন অমসুং প্রিন্ত মেদিয়াগী ওফিসরশিংনা শরুক য়াখি৷

******