زندگی میں آسانی اور کاروبار کرنے میں آسانی کے لیے حکومت ہند کے مشن اور وژن کی طرف ایک اہم  پیش رفت کےطور پر ، کارپوریٹ امور کی وزارت (ایم سی اے) نے انوسٹر ایجوکیشن اینڈ پروٹیکشن فنڈ اتھارٹی (اکاؤنٹنگ) ، (آڈٹ ، ٹرانسفر اور ریفنڈ) رولز، 2016۔کے تحت مختلف تقاضوں کو معقول بنا کر دعوؤوں کے تصفیہ کے عمل کو مزید آسان بنایا ہے۔

دعویداروں کے لیے، ایڈوانس رسید کی شرط کو ختم کر دیا گیا ہے، وراثت  کے سرٹیفکیٹ/ وصیت کے  تصدیق نامے کی شرط میں جسمانی اور ڈیمیٹ دونوں حصص کے لیے 5,00,000 روپے (پانچ لاکھ) تک کی نرمی کی گئی ہے، دستاویزات کی تصدیق کرانے کے عمل کو  خودتصدیقی  سے بدل دیا گیا ہے۔ - حلف ناموں اور ضمانت کی تصدیق اور تقاضوں کو نسبتاً آسان کر دیا گیا ہے۔

کمپنیوں کے لیے، بے  دعوی سسپنس اکاؤنٹ سے متعلق دستاویزات کو منسلک کرنے کی  شرائط کو آسان کر دیا گیا ہے اور کمپنیوں کو ٹرانسمیشن دستاویز،  وراثت کا سرٹیفکیٹ، وصیت وغیرہ قبول کرنے کے لیے  رعایت دی گئی ہے ۔ ان کے داخلی منظور شدہ طریقہ کار کے مطابق اور فزیکل شیئر سرٹیفکیٹ کے نقصان کے لیے اخباری اشتہار کی ضرورت میں 5,00,000 روپے تک کی رعایت دی گئی ہے۔

 نئی تبدیلیوں میں خاص توجہ دعویداروں کے لیے عمل کو آسان اور تیز تر بنانے پر دی گئی ہے۔ نئی نظام میں شہریوں پر مرکوز تیز رفتار خدمات اور پروگرام کی تکمیل کے وقت کے لیے اعتماد پر مبنی ماڈل کا اہتمام ہے۔ توقع کی جاتی ہے کہ ان تبدیلیوں کے ساتھ بہت سے مزید دعویدار انویسٹر ایجوکیشن اینڈ پروٹیکشن فنڈ اتھارٹی ( آئی ای پی ایف اے) سے اپنے حصص اور رقم کا دعویٰ کرنے کے لیے آگے آئیں گے۔ آج تک  آئی ای پی ایف اے نے 1.29 کروڑ سے زیادہ شیئرز کی واپسی کے 20,000 سے زیادہ دعووں کی منظوری دی ہے۔ 1,011 کروڑ روپے سے زیادہ کی مارکیٹ ویلیو کے حصص اور ڈیویڈنڈ اور 20 کروڑ روپے سے زیادہ کی دیگر رقمیں واپس کر دی گئی ہیں۔

آئی ای پی ایف اے کے بارے میں

انویسٹر ایجوکیشن اینڈ پروٹیکشن فنڈ اتھارٹی (آئی ای پی ایف اے) کمپنیز ایکٹ 2013 کے سیکشن 125 کے تحت آئی ای پی ایف فنڈ کے انتظام کے لیے کمپنیز ایکٹ 2013 کے سیکشن 125 (3) کے تحت قائم کی گئی ہے۔ اتھارٹی کا بنیادی مقصد سرمایہ کاروں کی تعلیم کو فروغ دینا، آگاہی اور تحفظ، حقدار دعویداروں کو کمپنیز ایکٹ 2013 کے سیکشن 124 اور 125 کے تحت بےدعویٰ شدہ حصص، منافع اور دیگر رقوم کی واپسی  ہے۔آئی ای پی ایف اے ایم سی اے کے انتظامی کنٹرول کے تحت کام کرتا ہے۔

****************

(ش ح۔س ب ۔ رض)

U NO. 12782