কেন্দ্রগী এজুকেসন মন্ত্রী শ্রী ধর্মেন্দ্র প্রধান্না ঙসি লৈবাক শিনবা থুংনা লৈরিবা ওজাশিংগী কাপথোকখ্রবা ভেক্সিনেসনগী ফিভম অমসুং স্কুলশিং অমুক হন্না হাংননবা ফিভম য়েংশিনখ্রে।মহাক্না  স্কিলিং ইকোসিস্তেমগী ভেক্সিনেসনগী ফিভমসু য়েংশিনখ্রে। স্কীল দিবলপমেন্তগী রাজ্যগী মন্ত্রী,  শ্রী রজীব চন্দ্রসেখর অমসুং এজুকেসনগী রাজ্যগী মন্ত্রী শ্রী রাজকুমার রঞ্জনসু মীফম অসিদা শরুক য়াখি।

স্কুলশিং অমুক হন্না হাংবা য়ানবা তীচিং স্তাফ অমসুং নন-তীচিং স্তাফশিং ভেক্সিনেসন কাপথোকপা শ্রী প্রধান্না চাং নাইনা য়েংশিল্লি। লৈবাক অসিদা য়াম্না থুনা ভেক্সিন কাপথোক্তুনা মহৌশাগী ফিভমদা হঞ্জিন্নবা মহাক্না মরুওইবা পীখি।

হায়খিবা তারিক্কী মতুং ইন্না, রাজ্য অয়াম্বা ক্লাস খুদিংমক্কী ওইনা হান্ননা স্কুলশিং হাংখ্রে। লৈবাক অসিগী স্কুলগী ওজা ৯২% ভেক্সিন কাপথোকখ্রে। কেন্দ্র সরকারগী মখাদা লৈবা ইন্সতিত্যুসনশিংদা ওজাশিং ৯৬% ভেক্সিন কাপথোকখ্রে।

*******