ఈశాన్య రాష్ట్రమైన మేఘాలయలో అభివృద్ధికి మరింత ఊతం ఇయ్యడానికి కేంద్రం అనేక చర్యలు చేపడుతోంది. దీనిలో భాగంగా  కేంద్ర ప్రభుత్వం, మేఘాలయ ప్రభుత్వం, ప్రపంచ బ్యాంక్ 40 మిలియన్ డాలర్ల ఆరోగ్య ప్రాజెక్ట్‌పై 28 అక్టోబర్ 2021న సంతకం చేశాయి. ఈ ప్రాజెక్ట్ ఆరోగ్య సేవల నాణ్యతను మెరుగుపరుస్తుంది. అలాగే కోవిడ్‌తో సహా భవిష్యత్తులో ఆరోగ్య అత్యవసర పరిస్థితులను నిర్వహించగల రాష్ట్ర సామర్థ్యాన్ని బలోపేతం చేస్తుంది. 

'మేఘాలయ ఆరోగ్య వ్యవస్థల పటిష్ఠత ప్రాజెక్ట్' రాష్ట్రం, దాని ఆరోగ్య సౌకర్యాల నిర్వహణ, పాలనా సామర్థ్యాలను మెరుగుపరుస్తుంది; రాష్ట్ర ఆరోగ్య బీమా కార్యక్రమం రూపకల్పన, కవరేజీని విస్తరించడం; ధృవీకరణ మరియు మెరుగైన మానవ వనరుల వ్యవస్థల ద్వారా ఆరోగ్య సేవల నాణ్యతను మెరుగుపరచడం; మందులు మరియు రోగనిర్ధారణలకు సేవలు అందుబాటులో ఉండడాన్ని ఈ ప్రాజెక్ట్ తగు అవకాశాలను కల్పిస్తుంది. 

రాష్ట్రంలోని మొత్తం 11 జిల్లాలు ఈ ప్రాజెక్టు ద్వారా లబ్ధి పొందుతాయి. ఇది వారి ప్రణాళిక మరియు నిర్వహణ సామర్థ్యాలను బలోపేతం చేయడం మరియు వారి వైద్య నైపుణ్యాలను పెంపొందించడం ద్వారా ప్రాథమిక, ద్వితీయ స్థాయిలలో ఆరోగ్య రంగ సిబ్బందికి కూడా ప్రయోజనం చేకూరుస్తుంది. ఈ ప్రాజెక్ట్ మహిళలు కమ్యూనిటీ స్థాయిలో ఆరోగ్య సంరక్షణ సేవలను మెరుగ్గా ఉపయోగించుకునేలా చేస్తుంది.

“ఆరోగ్య సంరక్షణ వ్యవస్థలను బలోపేతం చేయడం, విస్తరించడం కేంద్ర ప్రభుత్వ ప్రాధాన్యత. ఈ ప్రాజెక్ట్ రాష్ట్రంలో ఆరోగ్య సేవల నిర్వహణ, నాణ్యతను పెంచుతుంది. ఇది ఆరోగ్య సేవల కవరేజీని విస్తరించడంలో సహాయపడుతుంది, రాష్ట్రంలోని పేద, బలహీన వర్గాలకు అందుబాటులో ఉండేలా చేస్తుంది" అని ఆర్థిక మంత్రిత్వ శాఖకు చెందిన ఆర్థిక వ్యవహారాల శాఖ పేర్కొంది 

ఈ ఒప్పందంపై భారత ప్రభుత్వం తరపున ఆర్థిక మంత్రిత్వ శాఖ ఆర్థిక వ్యవహారాల శాఖ అదనపు కార్యదర్శి శ్రీ రజత్ కుమార్ మిశ్రా సంతకం చేశారు;  మేఘాలయ ప్రభుత్వం తరపున ఆరోగ్య మరియు కుటుంబ సంక్షేమ శాఖ జాయింట్ సెక్రటరీ  శ్రీ రామ్‌కుమార్ ఎస్,   భారతదేశం కంట్రీ డైరెక్టర్  జునైద్ అహ్మద్,   ప్రపంచ బ్యాంకు తరపున సంతకం చేశారు.  

ప్రస్తుతం 56% కుటుంబాలను కవర్ చేసే మేఘా హెల్త్ ఇన్సూరెన్స్ స్కీమ్ (ఎంహెచ్ఐఎస్)గా పిలవబడే మేఘాలయ ఆరోగ్య బీమా కార్యక్రమం ప్రభావాన్ని బలోపేతం చేయడంలో ఈ ప్రాజెక్ట్ సహాయపడుతుంది. ప్రధాన మంత్రి జన్ ఆరోగ్య యోజన (పీఎంజెఏవై)లో విలీనం చేయడంతో,  ఎంహెచ్ఐఎస్ ఇప్పుడు మరింత సమగ్రమైన ప్యాకేజీని అందించాలని మరియు 100% కుటుంబాలను కవర్ చేయాలని యోచిస్తోంది. ఇది ఆసుపత్రి సేవలను పొందడంలో అడ్డంకులను తగ్గిస్తుంది మరియు పేద కుటుంబాలకు ఖర్చు లేకుండా సంక్షోభం నుండి నివారిస్తుంది.

మెరుగైన ఆరోగ్య సేవలు బయో-మెడికల్ వ్యర్థాల పెరుగుదలకు కూడా దారితీయవచ్చు. బయో-మెడికల్ వ్యర్థాలు మరియు ప్లాస్టిక్ వ్యర్థాలు, ఇ-వ్యర్థాలు వంటి ఇతర ప్రమాదకర వ్యర్థాలతో సహా వ్యర్థాల ఏదైనా అక్రమ నిర్వహణ పర్యావరణ ప్రమాదాలను కలిగిస్తుంది. బయో-మెడికల్ వ్యర్థ నిర్వహణ (ఘన మరియు ద్రవ వ్యర్థాలు రెండూ) కోసం మొత్తం పర్యావరణ వ్యవస్థను మెరుగుపరచడంలో ప్రాజెక్ట్ పెట్టుబడి పెడుతుంది. 

***