প্রধান মন্ত্রী শ্রী নরেন্দ্র মোদীনা ঙসি অয়ুক অঙনবদা ১৬শুবা ইস্ত এসিয়া সম্মিত্তা ভিদিও কনফরেন্সকী খুৎথাংদা শরুক য়াখ্রে। ১৬শুবা ইস্ত এসিয়া সম্মিত অসি ব্রুনৈনা ই.এ.এস. অমসুং এসিয়ন চেয়র ওইনা য়ুম্বু ওইখি। মসিদা এসিয়ন লৈবাকশিংগী লুচিংবশিং উবা ফংখি অমসুং অতৈ ই.এ.এস. লৈবাকশিং হায়বদি ওস্ত্রালিয়া, চাইনা, জাপান, খা কোরিয়া, রসিয়া, য়ু.এস.এ. অমসুং ইন্দিয়া য়াওনা শরুক য়াখি। ভারত অসি ই.এ.এস. তা য়াম্না এক্তিব ওইবা পার্তিসিপেন্তনি। মসি প্রধান মন্ত্রীগী ৭শুবা ইস্ত এসিয়া সম্মিতনি।     

সম্মিত্তা মহাক্না ৱা ঙাংবদা প্রধান মন্ত্রীনা হায় মদুদি ইন্দো-পেসিফিক্তা অহানবা লীদর-লিদ ফোরুম অমা ওইনা ই.এ.এস.গী মরুওইবা অসিনা লৈবাক কয়া অমা পুন্দুনী মরুওইবা লালোংশিংদা ৱা খন্নবা ঙম্মী। ভেক্সিন অমসুং মেদিকেল সপ্লাইগী মতেংনা কোবিদ-১৯ লায়চৎ লান্থেংননা ভারতনা হোৎনরিবা অসি প্রধান মন্ত্রীনা উৎখি। প্রধান মন্ত্রীনা লায়চৎ মতুংদা ফগৎলক্নবা “আত্মানির্ভর ভারত” কেমপেনগী মতাংদা ৱা ঙাংখি অমসুং মালেমগী ওইবা ভল্যু চেন কনখৎনবা শোইদনা থমগনি হায়না হায়খি। মহাক্না ইকোনোমী অমসুং ইকোলোজী অমসুং অইং অসাগী ওইবা লেঙদবা খল অমা থম্নবগী পুন্সি মহিং লিংখৎনবগী মরুওইবা পীখি।   

১৬শুবা ই.এ.এস. অসিদা ইন্দো-পেসিফিক, খা চাইনাগী শমুদ্র, য়ু.এন.সি.এল.ও.এস., তেরোরিজম অমসুং কোরিয়া পেনিসুলা অমসুং ম্যানমারগী ফিভম য়াওনা রিজনেল অমসুং মালেমগী ওইবা হিরমশিং মরুওইবশিংসু খন্নখি। পি.এম.না ইন্দো-পেসিফিক্তা “এসিয়ন সেন্ত্রেলিতী” হন্না হায়খি অমসুং এসিয়ন আউতলুক ওন ইন্দো-পেসিফিক (এ.ও.আই.পি.) অমসুং ইন্দিয়াগী ইন্দো-পেসিফিক ওসিন ইনিসিএতিব (আই.পি.ও.আই.) মরক্তা লৈরিবা সাইরর্জী উৎখি।

ই.এ.এস.কী লুচিংবশিংনা তুরিজম অমসুং সস্তেনেবল রিকোভরী খুৎথাংদা মেন্তেল হেলথ, ইকোনোমিক রিকভরীদা ৱারোল অহুম লৌখি হায়রিবা অসি ভারতনা কো-স্পোন্সর তৌবনি। পুম্নমক অসিদা, সম্মিত প্রধান মন্ত্রী অমসুং অতৈ ই.এ.এস. লুচিংবশিংগী মরক্তা মিৎয়েং পীনবগী মহৈ চাবা উবা ফংখি।

***