ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ଭିଡିଓ କନଫରେନ୍ସିଂ ମାଧ୍ୟମରେ ୧୬ତମ ପୂର୍ବ ଏସିଆ ସମ୍ମିଳନୀରେ ଭାଗ ନେଇଥିଲେ । ୧୬ ତମ ପୂର୍ବ ଏସିଆ ସମ୍ମିଳନୀ ଇଏଏସ୍‍ ଏବଂ ଆସିଆନ ଅଧ୍ୟକ୍ଷ ଭାବରେ ବ୍ରୁନେଇ ଦ୍ୱାରା ଆୟୋଜିତ ହୋଇଥିଲା ।  ଏଥିରେ ଆସିଆନ ଦେଶ ସମେତ ଇଏଏସ୍‍ର ସହଯୋଗୀ ରାଷ୍ଟ ଯଥା ଅଷ୍ଟ୍ରେଲିଆ, ଚୀନ୍‌, ଜାପାନ, ଦକ୍ଷିଣ କୋରିଆ, ଋଷିଆ, ଆମେରିକା ଏବଂ ଭାରତ ଆଦି ଦେଶର ନେତାଙ୍କ ଅଂଶଗ୍ରହଣ ଦେଖିବାକୁ ମିଳିଥିଲା । ଭାରତ ଇଏଏସ୍‍ର ସକ୍ରିୟ ଅଂଶଗ୍ରହଣକାରୀ । ଏହା ଥିଲା ପ୍ରଧାନମନ୍ତ୍ରୀଙ୍କ ସପ୍ତମ ପୂର୍ବ ଏସିଆ ସମ୍ମିଳନୀ ।

ଶିଖର ସମ୍ମିଳନୀରେ ଦେଇଥିବା ମନ୍ତବ୍ୟରେ ପ୍ରଧାନମନ୍ତ୍ରୀ ଇଣ୍ଡୋ-ପାସିଫିକ୍‍ର ପ୍ରମୁଖ୍ୟ ନେତାଙ୍କ ନେତୃତ୍ୱାଧୀନ ଫୋରମ୍ ଭାବରେ ଇଏଏସ୍‍ର ଗୁରୁତ୍ୱକୁ ପୁନଃ ପ୍ରମାଣିତ କରିଛନ୍ତି । ଟିକା ଏବଂ ଚିକିତ୍ସା ସାମଗ୍ରୀ ଯୋଗାଣ ମାଧ୍ୟମରେ କୋଭିଡ -୧୯ ମହାମାରୀ ବିରୋଧରେ ଲଢିବା ପାଇଁ ଭାରତର ପ୍ରୟାସକୁ ପ୍ରଧାନମନ୍ତ୍ରୀ ଅଲୋକପାତ କରିଛନ୍ତି । ମହାମାରୀ ପରବର୍ତ୍ତୀ ପୁନରୁଦ୍ଧାର ତଥା ବିଶ୍ୱର ସ୍ଥିର ମୂଲ୍ୟ ଶୃଙ୍ଖଳା ସୁନିଶ୍ଚିତ କରିବା ପାଇଁ ପ୍ରଧାନମନ୍ତ୍ରୀ ଆତ୍ମନିର୍ଭର ଭାରତ ଅଭିଯାନ ବିଷୟରେ ମଧ୍ୟ କହିଥିଲେ । ସ୍ଥାୟୀ ଜୀବନଶୈଳୀ ମଧ୍ୟରେ ଅର୍ଥନୀତି, ପରିବେଶ ଏବଂ ଜଳବାୟୁର ଏକ ଉତ୍ତମ ସନ୍ତୁଳନ ପ୍ରତିଷ୍ଠା ଉପରେ ସେ ଗୁରୁତ୍ୱାରୋପ କରିଛନ୍ତି ।

୧୬ ତମ ଇଏଏସ୍‍ରେ ଇଣ୍ଡୋ-ପାସିଫ୍‌ିକ, ଦକ୍ଷିଣ ଚୀନ୍ ସାଗର, ୟୁଏନ୍‍ସିଏଲ୍‍ଓଏସ୍‍, ଆତଙ୍କବାଦ ଏବଂ କୋରିଆ ଉପଦ୍ୱୀପ ଏବଂ ମିଆଁମାରର ପରିସ୍ଥିତି ସହିତ ଗୁରୁତ୍ୱପୂର୍ଣ୍ଣ ଆଞ୍ଚଳିକ ତଥା ଆନ୍ତର୍ଜାତୀୟ ପ୍ରସଙ୍ଗ ଉପରେ ମଧ୍ୟ ଆଲୋଚନା ହୋଇଥିଲା । ପ୍ରଧାନମନ୍ତ୍ରୀ ଇଣ୍ଡୋ-ପାସିଫିକ ଇଲାକାରେ ଆସିଆନ କେନ୍ଦ୍ରୀୟତାକୁ ପୁନଃ ପ୍ରମାଣିତ କରିଛନ୍ତି ଏବଂ ଆସିଆନ ଆଉଟଲୁକ୍‍ ଅଫ୍‍ ଇଣ୍ଡୋ-ପାସିଫିକ୍ (ଏଓଆଇପି) ଏବଂ ଇଣ୍ଡିଆଜ ଇଣ୍ଡୋ-ପାସିଫିକ ଓସିଏନ୍ସ ଇନିସିଏଟିଭ (ଆଇପିଓଆଇ) ମଧ୍ୟରେ ଥିବା ସମନ୍ୱୟ ଉପରେ ଆଲୋକପାତ କରିଛନ୍ତି ।

ଇଏଏସ୍‍ ନେତାମାନେ ମାନସିକ ସ୍ୱାସ୍ଥ୍ୟ, ପର୍ଯ୍ୟଟନ ମାଧ୍ୟମରେ ଅର୍ଥନୈତିକ ପୁନରୁଦ୍ଧାର ଏବଂ ନିରନ୍ତର ପୁନରୁଦ୍ଧାର ଉପରେ ତିନୋଟି ବିବୃତ୍ତି ଗ୍ରହଣ କରିଛନ୍ତି, ଯାହା ଭାରତ ଦ୍ୱାରା ପ୍ରାୟୋଜିତ ହୋଇଛି । ମୋଟ ଉପରେ, ଏହି ସମ୍ମିଳନୀରେ ପ୍ରଧାନମନ୍ତ୍ରୀ ଏବଂ ଅନ୍ୟ ଇଏଏସ୍‍ ନେତାଙ୍କ ମଧ୍ୟରେ ଫଳପ୍ରଦ ମତ ବିନିମୟ ହୋଇଛି ।

HS