ٹوٹی کورین میں وی او چدمبرانر پورٹ میں، ہندوستان کی آزادی کے 75  ویں سال کی تقریبات میں حکومت ہند کے اقدام ’آزادی کا امرت مہوتسو‘  کے ساتھ مطابقت میں اور  ہندوستان کے بابائے قوم مہا تما گاندھی کی یوم پیدائش  کی سالگرہ  کی یاد گار میں، آج  شجر  کاری  کی ایک مہم  کا انعقاد کیا۔

اس تقریب کا آغاز  پورٹ کے  اسکول کے احاطے میں ، وی او چدمبرانر پورٹ ٹرسٹ کے چیئر مین جناب ٹی کے راما چندرن کے ذریعے ایک  پودہ  لگانے کے ساتھ ہوا۔ پورٹ کے محکمے کے سربراہا ن ، افسران  اور  عملے  نیز   پورٹ کے اسکول کے اساتذہ کے  ذریعہ 100  سے زیادہ  پودے  لگائے گئے۔ کووڈ – 19  وبا کے  تناظر میں ، یہ پروگرام تمام احتیاطی تدابیر  کو  اختیار کرتے ہوئے منعقد کیا گیا، جن میں سماجی فاصلہ برقرار رکھنا اور ماسک پہننا شامل ہے۔

پورٹ پہلے ہی  620  ایکڑ اراضی   کے علاقے میں سبزہ زار  نیز  7.6 ایکڑ  کے رقبے میں  پورٹ  کی  مختلف  تنصیبات  کا  منظر  نامہ  تیار کر چکا ہے۔ بندر گاہوں، جہاز رانی  اور آبی گزر گاہوں کی وزارت  کے ’میری ٹائم انڈیا ویژن 2030‘ کے تئیں ایک  عزم کے طور پر پورٹ  نے بندر گاہ کے علاقے میں تقریبا 10000 پودوں کی  شجر کاری  کر کے  ایک  سبز بیلٹ  تیار کرنے کی  تجویز  دی ہے، تاکہ  کاربن  کے اثرات  کو کم کیا جا سکے، صوتی آلودگی  میں کمی لائی جا سکے اور ہوا کے معیار  کو بہتر بنا یا جاسکے۔

۔۔۔۔۔۔۔۔۔۔۔۔۔۔۔۔۔۔

۰۰۰۰۰۰۰۰

(ش ح- اع- ق ر)

U-12066