হকশেল অমসুং য়াইফ-য়ুম্বাল মন্ত্রালয়গী মখাদা লৈরিবা ভারতকী মাংজিল থারিবা তেলিমেদিসিন সর্ভিস, ইসঞ্জীবনি অসি ঙসি কনসল্তেসন করোর ১.৪ শুখ্রে। মখল অনিদা ওপরেত তৌরিবা হায়বদি ইসঞ্জীবনি এ.বি.-ঐচ.দবল্যু.সি. অমসুং ইসঞ্জীবনি ও.পি.দি., ভারত সরকারগী থৌশিল অসিনা দিজিতেল প্লেতফোর্মশিংগী খুত্থাংদা হেল্থকিয়র সর্ভিসশিং ফংহনবা ঙম্বদা মতমগা ইরোইননা চাউনা পাম্নবা হেনগৎলকখি।

দোক্তর-তু-দোক্তর তেলিকন্সলতেসন সিস্তেম অমা ওইরিবা ইসঞ্জীবনি এ.বি.-ঐচ.দবল্যু.সি অসি হেল্থ সর্ভিসেসতা অর্বান-রুরেলদা লৈরিবা খেন্নবা অসি কোকহন্নবা হৌদোকখি অমদি হব-এন্দ-স্পোক মোদেলদা মথৌ তৌখি। ‘আয়ুশ্মান ভারত-হেল্থ এন্দ ৱেলনেস সেন্তরশিং’ (ঐচ.সি.দবল্যু.শিং) অসি রাজ্যগী থাক্তা লিংখৎখি, মসিনা স্পোকস ওইনা মথৌ তৌখি, জোনেল লেবেলদা হবকা (এম.বি.বি.এস/স্পেসিএলিতী/সুপর-স্পেসিএলিতী দোক্তরশিং য়াওবা) লোয়ননা মেপ তৌখি। মসিনা পেসেন্ত অমনা খুঙ্গংগী মফমশিংদা লৈদুনা ক্বালিতী লৈবা হেল্থ সর্ভিসেস ফংহনবা ঙম্মি। ইসঞ্জীবনি এ.বি.-ঐচ.দবল্যু.সিদা কন্সলতেসন ৮৫,০২,৯২৬ শুখ্রে। দোক্তর-তু-দোক্তর তেলিমেদিসিন প্লেতফোর্ম অসি পাম্নবগী চাং অমসুং খোঙজেল হেনগৎলক্লি।  ২০২২গী দিসেম্বর ফাওবদা হেল্থ এন্দ ৱেলনেস সেন্তর ১,৫৫,০০০না স্পোকস ওইনা মথৌ তৌরগনি। হৌজিক্কি ওইনা ঐচ.দবল্যু.সি. ২৮,৪৫০না স্পোকস ওইনা মথৌ তৌরি।

২০২১গী এপ্রিল ১৩দা হৌদোকখিবা ইসঞ্জীবনি ও.পি.দি. অসিনা দোক্তর-তু-পেসেন্ত কন্সলতেসন পীনবা পান্দম থমখি। মসিসু পাম্নবা হেনগৎলকখি মরমদি ঙাইবগী মতম, চত্থোক-চৎশিন তৌবা, লাইনা লৌনরকপগী খুদোংথিবা পুম্নমক অসি মায়োক্নহনদনা মসিনা প্রজাশিংনা নুংঙাইনা অমসুং মখোয়গী ময়ুমদগী দোক্তরশিং তান্নবা য়াহল্লি। সর্ভিস অসি মখা তানা খুমাং চাউশিল্লক্কনি হায়না পান্নরি। মসিনা প্রজাশিংনা নুংঙাইনা অমসুং মখোয়গী ময়ুমদগী দোক্তরশিং তান্নবা য়াহল্লি, ইসঞ্জীবনি ও.পি.দি. প্লেতফোর্ম অসিদা কন্সলতেসন ৫৫,৬২,৮৯৭ পাঙথোকখ্রে। ইসঞ্জীবনি ও.পি.দি. অসি আই.ও.এস. অমসুং এনদ্রোইদ স্মার্তফোনশিং অনিমক্রা মোবাইল এপ ওইনা ফংই।

ইসঞ্জীবনি অসি অপুনবা ওইনা গ্রাউন্দ লেবেলশিংদা দোক্তরশিং অমসুং স্পেসিএলিস্তশিংগী অৱাৎপা লৈরিবা অদু কোকহনবা ঙম্মি অমরোমদা সেকেন্দরী অমসুং তর্সিএরী লেবেলগী হোস্পিতালশিংদা পোৎলুম হন্থহল্লি। নৌনা হৌদোকখিবা আয়ুশ্মান ভারত দিজিতেল হেল্থ মিসনগা লোয়ননা দিজিতেল ইনিসিএতিব অসিনা লৈবাক্কী দিজিতেল হেল্থ ইনফ্রাস্ত্রকচর লেপ্তনা ফগৎহন্নবা পান্দম থমখি। সেন্তর ফোর দিবেলপমেন্ত ওফ এদভান্স কম্প্যুতিং (সি-দেক) মোহালিনা নেস্নেল তেলিমেদিসিন সর্ভিস অসিগী য়ুজরশিংদা হোলোস্তিক সপ্পোর্ত পীরি। হকশেল অমসুং য়াইফ-য়ুম্বাল মন্ত্রালয়গা লোয়ননা সি-দেক মোহালিগী তীমনা ইসঞ্জীবনিগী তোঙান-তোঙানবা মওং-মতৌশিং হাপচিন্দুনা সর্ভিস অসি থৱায় য়াওনা অমসুং কন্না হোৎনদুনা ফগৎহল্লি। রাজ্য অমদি য়ুনিয়ন তেরিতোরী পুম্নমক্তা পাকশন্না অমসুং মনুং হঞ্জিন্না য়ৌহন্নবসু হোৎনরি।

ইসঞ্জীবনি পাইখৎপগী মশিংদা(১৪৫০৭৩০৫) মাংজিল থারিবা রাজ্য ১০ অদুদি are অন্ধ্র প্রদেশ(৪৭২৮১৩১), কর্নাতকা (২৫৭৩৬০৯), তামিল নাদু (১৬৩০৭৯৫), উত্তর প্রদেশ (১৪১৩২৫৭), গুজরাত (৫১১৩৩৮), বিহার (৪৭৪৯৫৯), মধ্য প্রদেশ (৪৭১৫০৯), ৱেস্ত বেঙ্গল (৪৬০১৬৭), মহারাস্ত্র (৪২৯৫৫৮), উত্তরাখন্দ (২৮৬০১২) অসিনি।

****