হকশেল অমসুং য়াইফ য়ুম্বাল অমদি কেমিকেল অমসুং ফর্তিলাইজরগী কেন্দ্র মন্ত্রী, দা. মনশুখ মন্দাবিয়ানা চেন্নৈগী অয়াপক্কমদা লৈবা আই.সি.এম.আর.-নেস্নেল ইন্সতিত্যুৎ ওফ ইপিদেমিওলোজী (এন.আই.ই.)দা আই.সি.এম.আর. স্কুল ওফ পব্লিক হেল্থকী অনৌবা বিলদিং অমগী ভর্চুএলগী খুত্থাংদা ঙসি উরুপ-উয়ুং তমখ্রে। ঙসিগী উরুপ-উয়ুং তম্বগী থৌরমদা তমিল নাদু সরকারগী হকশেল অমসুং য়াইফ য়ুম্বালগী প্রিন্সিপাল সেক্রেতরী, দাঃ জে. রাধাকৃষ্ণন্না শরুক য়াদুনা অমদি হেল্থ রিসর্চ বিভাগকী সেক্রেতরী অমসুং ইন্দিয়ন কাউন্সিল ওফ মেদিকেল রিসর্চ (আই.সি.এম.আর.)কী দাইরেক্তর জেনেরেল, পদ্মাশ্রী, প্রোফঃ বলরাম ভার্গবানা অথোয়বা মীথুংলেন ওইখি।

আই.সি.এম.আর. স্কুল ওফ পব্লিক হেল্থকী অনৌবা বিলদিংনা আই.সি.এম.আর.-এন.আই.ই.না মথংগী চহি অহুমদা য়ামদ্রবদা মিদ-লেভেল পব্লিক হেল্থ প্রোফেস্নেল ১৫০দা ত্রেনিং পীনবা পান্দম থম্লিবা অসিগী অহানবা খোংথাং ওইগনি। ত্রেনিং মতিক চাদনা ফংবা ৱর্কফোর্স লৈবা রাজ্যশিংদা অখন্নবা মিৎয়েং চঙলি।

থৌরম অসিদা ৱা ঙাংবদা, দাঃ মনশুখ মন্দাবিয়ানা স্কুল ওফ পব্লিক হেল্থনা লৈবাক অসিগী প ব্লিক ৱর্কফোর্স্তা অহেনবা মপাঙ্গল হাপকনি হায়খি। আই.সি.এম.আর.না হীরম অসিদা মাংজিল থারি অমসুং খোঙথাং অসিনা মখোয়না লৈবাক্কী হেল্থ ইনফ্রাস্ত্রকচর হেনগৎহন্নবা হোৎনরিবা অসিদা মখা তানা মপাঙ্গল হাপকনি।

হৌজিক থোক্লিবা ইরাং মনুংদা ভারতনা মাই-পাকখিবশিং পল্লদুনা, দাঃ মন্দাবিয়ানা হ্যুমেন রিসোর্স নত্ত্রগা তীকা থাবগী থৌওংদা ইন্দিজিনিয়স কেপাসিতী বিলদিং তৌদুনা ভারতনা হেল্থ ইনফ্রাস্ত্রকচরশিং খোঙজেল থুনা ফগৎহল্লি অমসুং মসিনা মরম ওইদুনা মালেমগী থাক্তা ভারতকী ফমসু থাক য়াম্না ৱাংখৎহল্লে হায়না মহাক্না মখা তানা ফোংদোকখি। ঙসিদি, লৈবাক কয়ানা ভারতকী ভেকিন পাম্নরি অমসুং মসিনা ঐখোয়বু অমসুং ঐখোয়গী লৈবাক মীয়াম্বু ঐখোয়গী হোৎনজমন্দা চাউথোকচহল্লি।

হেল্থ প্রোফেস্নেলশিংনা লৌরিবা মরু ওইবা থৌদাং কয়াবু অমুক হন্না পল্লদুনা, দাঃ মন্দাবিয়ানা হায়খি, “হেল্থ ৱর্কফোর্সনা মীয়ামদা হকশেলগী তেংবাং ফংহনবগী পাম্বৈনি। হকশেলগী পথাপ শেন্নবদা মশিং য়াম্লবা হেল্থ প্রোফেস্নেলশিংগী মথৌ তাই অমসুং মসিনা মগুন লৈবা হকশেলগী সেবা পীবদা অয়াম্বা মতমদা অকক্নবা লৈহনবগী মরম ওইগল্লি”। মহাক্না মখা তানা অসুম্না ফোংদোকখি, “পাক চাউরবা পব্লিক হেল্থ এজুকেসন সীস্তেম অমা শেমদুনা পব্লিক হেল্থ কলচর অমা লৈবাক অসিনা শেম্বগী মতম য়ৌরবনি”। মহাক্না পব্লিক হেল্থ এজুকেসন সীস্তেম্না মালেমগী থাক্কা মান্নবগী মথৌ তারে হায়বদা মিৎয়েং চঙবতা নত্তনা লৈবাক অসিগী লোকেল লেভেলদা থেংনবা পব্লিক হেল্থ ইস্যু খুদিংমক মাইয়োক্নবা ঙমগদবনি হায়বদসু মিৎয়েং চঙখি।

অপুনবা হেল্থ এজুকেসন অমা লৈবা অমসুং খুন্নাইদা মসিগী থবক পায়খৎপগী তঙাই ফদবগী ৱাফম পল্লদুনা, মহাক্না মখা তানা হায়খি, “ত্রেন তৌরবা প্রোফেস্নেলশিংনা খুন্নাই অমগী শিংনবশিং মতি চানা থেংনবা ঙমহন্নবগীদমক্তা পব্লিক হেল্থ ত্রেনিং অমসুং খুন্নাইগী মরক্তা উবা ফংবা ইন্তর্ফেস শেম্বগী মথৌ তারে। পব্লিক হেল্থ প্রোফেস্নেলশিংদা হকশেলগী মরমদগী ওইরকপা য়াবা ফিভম কয়া মশক খঙদোকপা ঙমহন্দুনা সেক্তর কয়াগী খুত্থাংদা ফিভমশিং অসিগী ৱারোইশিন পুরক্নবা ইথিল পীবা ঙমহনগদবা ইন্তর্দিসিপ্লিনরী লর্নিংগী থৌওং খুমাং চাউশিলহনগদবনি। পব্লিক হেল্থকী মতাংদা তম্বসি হৌজিক থেংনরিবা তসেংবা ফিভমশিংদা য়ুম্ফম ওইগদবনি অমসুং মসিগীদমক্তা তম্লিবা মীওইশিংদা ৱারোইশিন পুরকপা ঙম্বগী স্কিল লৈহনগদবনি। পব্লিক হেল্থ এজুকেসন্না হেল্থ সীস্তেমগা পাউ ফাওনবা হেনগৎপগী মথৌ য়াম্না তারে, মরু ওইনা তোঙানবা থাকশিংগী হেল্থ সর্ভিসশিংগা, অমসুং মসিনা পব্লিক হেল্থ প্রোফেস্নেলশিংবু অহোংবা পুরকপা ঙম্বা এজেন্ত শোইদনা ওইহনবা ঙমগনি অমসুং হেল্থ সীস্তেম্বু হেন্না মতিক চাবা অমসুং থাজবা য়াবা থাক্তা পুখৎপা ঙমগনি”।

আই.সি.এম.আর.-এন.আই.ই.গী মতাংদাঃ

অনৌবা ফেসিলিতী অসিনা আই.সি.এম.আর.-এন.আই.ই.গী হৌজিক চত্থরিবা পব্লিক হেল্থ কেপাসিতী প্রোগ্রামশিংদা তেংবাংগনি। ইন্সতিত্যুৎ অসিনা ভারতকী পব্লিক হেল্থ ৱর্কফোর্স্পু মপাঙ্গল কনখৎহন্নবা পান্দম থম্বা ফিল্দ ইপিদেমিওলোজী ত্রেনিং প্রোগ্রাম (এফ.ই.তি.পি.) কয়া ইং ২০০১দগী পাংথোক্তুনা লাক্লি। ইন্সতিত্যুৎ অসিনা তমিল নাদুদগী ৯০ য়াওনা লৈবাক্কী রাজ্য/য়ু.তি. ৩০দগী পব্লিক হেল্থ প্রোফেস্নেল ৩০০ হেনবদা ত্রেনিং পীখ্রে। ভারতকী পব্লিক হেল্থ সীস্তেমগী এফ.ই.তি.পি. ত্রেনীশিংনা দিজাজতর অমসুং লাইনা শন্দোকপগুম্বা পব্লিক হেল্থ ইমর্জেন্সী কয়াদা তেংবাংদুনা, হকশেলগী প্রোগ্রামশিংনা করম্না থবক তৌই য়েংশিন্দুনা অমসুং মখোয়-মখোয়গী রাজ্যশিংগী অহানবদা মিৎয়েং চঙদবা য়াদবা মীয়ামগী হকশেলগী শিংনবা কয়াগী ৱারোইশিন পুথোকপা ঙম্নবগীদমক্তা ইপিদেমিওলোজীগী স্তদী কয়া পাংথোক্তুনা পব্লিক হেল্থকী স্কিল কয়া তম্লি। ইন্সতিত্যুৎনা অসিনা পাংথোকপশিংদি- (১) এম.পি.ঐচ. য়ৌরক্কদবা চহি অনিগী ইন্দিয়া এফ.ই.তি.পি., (২) ইন্দিয়া ইপিদেমিক ইন্তেল্লিজেন্স সর্ভিস (ই.আই.এস.)- সাউদর্ন হব, (৩) এফ.ই.তি.পি. -  নোন-কম্ম্যুনিকেবল দিজিজ অমসুং (৪) ইনত্ত্রমেদিএৎ এফ.ই.তি.পি. - নোন-কম্ম্যুনিকেবল দিজিজ।

****