بجلی کی وزارت
بجلی،نئی اور قابل تجدید توانائی کے مرکزی وزیر نے این ایچ پی سی دلہستی پاور اسٹیشن اور کشن گنگا پاور اسٹیشن کی ڈیم سائٹ کا دورہ کیا
Posted On:
15 OCT 2021 4:21PM by PIB Delhi
نئی دہلی ، 15اکتوبر،2021
نئی اور قابل تجدید توانائی اوربجلی کے مرکزی وزیر جناب آر کے سنگھ نے مرکز کے زیر انتظام علاقے جموں و کشمیر کے باندی پورا ضلع کے گریز علاقے میں آج 330 میگا واٹ والے این ایچ پی سی کشن گنگا پاور اسٹیشن کا دورہ کیا۔
معزز وزیر کے ہمراہ ،بجلی کی وزارت میں اڈیشنل سکریٹری جناب ایس کے جی رہاٹے،این ایچ پی سی میں سی ایم ڈی جناب اے کے سنگھ اور پاور ڈولپمنٹ محکمہ جموں و کشمیر میں پرنسیپل سکریٹری جناب روہت کنسل بھی تھے ۔
اپنے کے دورے کے دوران،وزیر موصوف نے ڈیم اور اسپل وے کے مختلف اجزا کا معائنہ کیا۔ انہوں نے ڈیم ٹو پاور ہاؤس کے تعمیراتی کام کا معائنہ بھی کیا اور کاموں کی پیش کش کے بارے میں بریفنگ بھی دی ۔اپنے دورے کے دوران معزز وزیر نے مقامی لوگوں کے نمائندوں سے بھی بات چیت کی۔
بجلی اور نئی اور قابل تجدید توانائی کے مرکزی وزیر جناب آر کے سنگھ نے دلہستی پاور اسٹیشن کے ڈیم کمپلکس کا بھی دورہ کیا۔کل ، بجلی کی وزارت میں اڈیشنل سکریٹری جناب ایس کے جی رہاٹے اور جموں و کشمیر میں پی ڈی ڈی کے پرنسیپل سکریٹری جناب روہت کنسل اور این ایچ پی سی میں سی ایم ڈی جناب اے کے سنگھ نے بھی ان کے ساتھ اسٹیشن کا دورہ کیا تھا ۔
جناب آر کے سنگھ اور دیگر معززین کا استقبال جناب نرمل سنگھ ، جنرل منیجر (انچارج) ، دلہستی پاور اسٹیشن، نے ڈیم کے احاطے میں آمد پر گلدستے کے ساتھ کیا۔ اس کے بعد ، تمام معززین کا دلہستی پاور اسٹیشن کے دیگر سینئر افسران اور ملازمین نے شاندار استقبال کیا۔ معزز وزیر کو سنٹرل انڈسٹریل سیکورٹی فورس کے اہلکاروں نے گارڈ آف آنر دیا۔
اس موقع پر وزیر نے ڈیم کمپلیکس کا معائنہ کیا اور بجلی گھر کے کام کا جائزہ لیا۔ جناب نرمل سنگھ ، جنرل منیجر (انچارج) ، دلہستی پاور اسٹیشن نے وزیر کو پاور اسٹیشن کے آپریشن کے بارے میں تفصیل سے بتایا۔
***
ش ح ۔ا م۔
U.NO:11002
(Release ID: 1764236)
Visitor Counter : 160