হৌখিবা পুং ২৪দা ভেক্সিন দোজ ৩০,২৬,৪৮৩ কাপ্তুনা লৈবাকসিগী কোবিদ-১৯ ভেক্সিনেসন কভরেজকী অপুনবা মশিং ঙসি অয়ুক পুং ৭ ফাওবগী প্রোভিজনেল রিপোর্তকী মতুং ইন্না করোর ৯৭.১৪ (৯৭,১৪,৩৮,৫৫৩) লানখ্রে‍। মসি সেসন ৯৫,৬৬,৮৭৩ পাঙথোক্তুনা য়ৌবা ঙমখিবনি‍।

ঙসি অয়ুক পুং ৭ ফাওবগী প্রোভিজনেল রিপোর্তকী তুং ইন্না লৈখিবা অপুনবা মশিংগী ব্রেক-অপতা য়াওরিবশিংদি:

মীওই ১৯,৩৯১ হৌখিবা পুং ২৪সিদা ফগৎলক্তুনা অপুনবা ফগৎলকখ্রবা মীশিং (লাইচৎ অসি হৌরকপদগী) ৩,৩৩,৮২,১০০ য়ৌখ্রে‍।

মসিগা লোয়ননা ভারতকী ফগৎলকপগী চাং ৯৮.০৭%দা লৈরি‍।‍ হৌজিক লৈরিবা ফগৎলকপগী চাং অসি মার্চ ২০২০দগী হৌজিকফাওবগী খ্বাইদগী ৱাংবনি‍।

কেন্দ্র অমদি স্তেত/য়ু.তি. লৈঙাকশিংগী লেপ্পা নাইদনা অমদি পুন্না হোৎনমিন্নবগী মহৈনা থংন-থংননা নুমিৎ ১১০নিসিদা নোংমদা নৌনা থেংনবা কেস মশিং ৫০,০০০দগী তানা চৎলি‍।

হৌখিবা পুং ২৪দা নোংমগী ওইবা অনৌবা কেস ১৬,৮৬২ থেংনখি‍।

হৌজিক এক্তিব কেসলোদ ২,০৩,৬৭৮দা লৈদুনা নুমিৎ ২১৬দা খ্বাইদগী নেমবা ওইরি‍। এক্তিব কেস মশিং অসি লৈবাকসিগী অপুনবা পোজিতিব কেস মশিংগী ০.৬০% খক্তা ওইরি‍।

লৈবাক শিনবা থুংনা তেস্তিং কেপাসিতী লেপ্পা লৈতনা হেনগৎলক্লি‍। হৌখিবা পুং ২৪সিদা লৈবাকসিদা পুন্না তেস্ত মশিং ১১,৮০,১৪৮ তৌখি‍। হৌজিক ফাওবদা ভারতনা পুন্না তেস্ত মশিং করোর ৫৮.৮৮ (৫৮,৮৮,৪৪,৬৭৩) হেন্না তৌখ্রে‍।

নাকল অমরোমদা লৈবাক শিনবা থুংনা তেস্তিং কেপাসিতী হেনগৎহনখিবগা লোয়ননা চয়োলগী ওইবা পোজিতিবিতী রেত ১.৪২%দা লৈদুনা হৌখিবা নুমিৎ ১১২নিসিদা ৩%গী মখাদা লৈরি‍। নোংমগী ওইবা পোজিতিভিতী রেত ১.৪৩দা লৈরে‍। নোংমগী ওইবা পোজিতিবিতী রেত হৌখিবা নুমিৎ ৪৬নিদা ৩%গী মখাদা অদুগা হৌখিবা নুমিৎ ১২৯সিদনা ৫%গী মখাদা লৈরি‍।

****