محکمہ ڈاک، وزارت مواصلات نے آج نئی دہلی میں آزادی کا امرت مہوتسو کے موقع پر ایک تقریب میں پوسٹل لائف انشورنس اسکیم بانڈز کا ڈیجیٹل ورژن، جسے ”ای پی ایل آئی بانڈز“ بھی کہا جاتا ہے، لانچ کیا۔ پورے ہفتے جاری رہنے والے پوسٹل ویک جشن کے حصے کے طور پر 12 اکتوبر کو پوسٹل لائف انشورنس ڈے کے طور پر منایا جاتا ہے۔ سکریٹری، محکمہ ڈاک، جناب ونیت پانڈے، ڈائریکٹر جنرل، محکمہ ڈاک، جناب آلوک شرما، محترمہ سندھیا رانی، رکن پی ایل آئی، محترمہ منجو کمار، چیف جنرل منیجر پی ایل آئی اور ابھیشیک سنگھ، چیئرمین اور چیف ایگزیکٹو آفیسر (اضافی چارج ، نیشنل ای گورننس ڈویژن (این ای جی ڈی) نے اس تقریب میں حصہ لیا۔

سکریٹری، محکمہ ڈاک، جناب ونیت پانڈے نے ”ای پی ایل آئی بانڈ“ کا افتتاح کرتے ہوئے کہا کہ ای پی ایل آئی بانڈ ڈیجی لاکر کے ساتھ محکمہ ڈاک کا پہلا ڈیجیٹل انضمام ہے جو شہریوں کو با معنی انداز میں آسان رسائی اور فوری دعووں کے تصفیہ کی سہولت فراہم کرے گا۔

ای پی ایل آئی بانڈ ڈیجی لاکر، نیشنل ای گورننس ڈویژن (این جی ڈی)، وزارت الیکٹرانکس اور آئی ٹی (ایم ای آئی ٹی وائی)، حکومت ہند کے اشتراک سے دستیاب کیا گیا ہے۔ ڈیجی لاکر مختلف تنظیموں کے لیے دستاویزات اور سرٹیفکیٹس کے ذخیرہ، اشتراک اور تصدیق کے لیے ایک محفوظ کلاؤڈ مبنی پلیٹ فارم مہیا کر رہا ہے۔

ڈیجی لاکر میں محفوظ طریقے سے لاگ ان کرکے، صارف اپنے موبائل فون پر پالیسی بانڈ کی ڈیجیٹل کاپی ڈاؤن لوڈ کر سکتا ہے۔ پوسٹل لائف انشورنس (پی ایل آئی) اور دیہی پوسٹل لائف انشورنس (آر پی ایل آئی) پالیسی بانڈ دونوں ’الیکٹرانک فارم‘ میں دستیاب ہیں۔

اگر صارف کے پاس ایک سے زیادہ پوسٹل اور دیہی پوسٹل لائف انشورنس پلان ہیں جیسے انڈومنٹ انشورنس، پیشگی انڈومنٹ انشورنس، مکمل زندگی انشورنس، کنورٹیبل ہول لائف انشورنس، شیشو پالیسی، جوڑا تحفظ (پی ایل آئی میں) اور گرام پریا (آر پی ایل آئی میں)، تو محکمہ ڈاک کی طرف سے تمام پالیسی بانڈز جاری ہونے کے بعد فوراً بانڈز کو ڈاؤن لوڈ کیا جا سکتا ہے۔

ڈیجیٹل کاپی کو محکمہ ڈاک کے ذریعہ ایک درست پالیسی دستاویز کے طور پر مانا جائے گا۔ اسی طرح، پالیسی ہولڈر ای پی ایل آئی بانڈ کو بطور ثبوت استعمال کر سکتا ہے، تاکہ پالیسی دستاویز میں مطلوبہ تبدیلیاں جیسے ایڈریس کی تبدیلی، نامزدگی وغیرہ کے لیے اصل کاپی لے جانے کی پریشانی سے بچا جا سکے۔

محفوظ سرور توثیق، مرموز ڈیجیٹل دستخط اور خفیہ کردہ QR کوڈ انڈیا پوسٹ کے انشورنس سیکٹر میں انتہائی ضروری ڈیجیٹل تبدیلی لانے کے لیے محکمہ ڈاک کی طرف سے تیار کردہ کچھ منفرد طریقہ کار ہیں۔ یہ نہ صرف انتظامی بوجھ کو کم کرے گا بلکہ دستاویزات کی حقیقی وقت میں تصدیق بھی فراہم کرے گا۔

محکمہ ڈاک کا مقصد دعووں اور میچورٹی کے معاملوں کے لیے شہریوں کے لیے انتظار کے وقت کو کم کرنا ہے۔ مندرجہ بالا شہری دوست خصوصیات کے علاوہ پوسٹل لائف انشورنس کی طرف سے دشواریوں کے بغیر وقت پر دعووں کے طے شدہ تصفیہ کے لیے مختلف انتظامی طریقہ کار بھی اپنائے جا رہے ہیں۔

                                               **************

ش ح۔ ف ش ع-ک ا   

U: 9998