উপ রাস্ত্রপতি, শ্রী এম. ভেঙ্কয়া নাইদুনা ঙসি অৱাং-নোংপোক লমদমদা হীরম খুদিংগী চাউখৎপা পুরক্নবগীদমক্তা ইনফ্রাস্ত্রকচর চাউখৎহনবা অমসুং কন্নেক্তিভিতী প্রোজেক্তশিংগী খোংজেল য়াঙহল্লসি হায়খ্রে।

শ্রী নাইদুনা হায়খিবদা, ইনফ্রাস্ত্রকচর চাউখৎপা হায়বসি পুন্সি মহিং, লল্লোন-ইতিক, মহৈ-মশিং তম্বগী ফল, হেল্থ ইন্দিকেতর, ঙাক-শেলগী ফিভম অমসুং লমদমসিদা লমকোইবশিংগী পুক্নিং চিংশিনবগী ফিভম হেন্না ফগৎহন্নবগীদমক্তা য়াম্না মরু ওইবনি। “ইনফ্রাস্ত্রকচর ফগৎহনবনা শেন্মিৎলোন্দা কান্নবা কয়া পীগনি”, হায়না মহাক্না হায়খি।

উপ রাস্ত্রপতিনা নাগালেন্দগী তোঙান-তোঙানবা বিলদিং অমদুং কমপ্লেক্স – আই.তি. অমসুং সি. দাইরেক্তোরেৎ, কোহিমাগী বিলদিং; সরকারগী স্কুল খরগী বিলদিং অমসুং কোহিমাদা লৈবা মিনিস্তরশিংগী রেসিদেন্সিএল কমপ্লেক্স কয়া ভর্চুএলগী খুত্থাংদা শঙ্গাবগী থৌরমদা ৱা ঙাংখিবনি। অৱাং-নোংপোক্কী খোঙচৎ চৎলিবা শ্রী নাইদুনা ঙসি কোহিমাদা থুংখিবনি।

এস.দি.জি. ইদিয়া ইন্দেক্স, ২০২১গী সস্তেনেবল দিভেলপমেন্ত গোল ইন্দিকেতরশিং পল্লদুনা, শ্রী নাইদুনা নাগালেন্দনা ‘জেন্দর ইক্বেলিতী’, ‘দিসেন্ত ৱর্ক এন্দ ইকোনোমিক গ্রোথ’, অমদুং ‘লাইফ ওন লেন্দ’গুম্বা অখন্নবা ইন্দাইসশিংগী মতাংদা পাংথোকখিবশিংবু থাগৎখি। মহাক্না হকশেল অমসুং নুংঙাই য়াইফনা লৈবা, ইন্দস্ত্রী, অনৌবা থৌওং পাংথোকপা অমসুং ইনফ্রাস্ত্রকচরগুম্বা ইন্দিকেতরশিংসু হেন্না ফগৎহন্নবা হোৎননবা হায়খি। উপ রাস্ত্রপতিনা নাগালেন্দবু লৈবাক পুম্বগী ওইনা নুপীগী মাইয়োক্তা লৈবা ক্রাইম খ্বাইদগী নেম্বগীদমক্তসু থাগৎখি।

ইনফ্রাস্ত্রকচর প্রোজেক্তশিং পায়খৎপদা মপুং ফাবা নুং-পান উবগী ফিভম লৈহন্নবা হায়রদুনা, শ্রী নাইদুনা “শেঞ্জা থুমজানা চাউখৎপগী য়েক্নবা ওইবনিনা, শেঞ্জা থুমজাগী মাইয়োক্তা লেপ্পা” হায়বা ৱাখল্লোন চেনগদবনি হায়খি।

সরকারগী সেবাশিংবু মতম চানা ফংহনবদা মরু ওইবা পীরদুনা, শ্রী নাইদুনা হায়খি, “বত্তন অমা নম্বদা সেবা কয়া ফংলবা ইন্তর্নেৎকী য়ুগ অসিদা সরকারনা মনিংদা লৈরোইদবনি”। সেবা কয়াবু অকক্নবা মতমগী মনুংদা পরিং নাইবা মওংদা ফংহনবগী ৱাফমসু মহাক্না থমখি।

শ্রী নাইদুনা সোসিএল ওদিৎকুম্বা মীয়াম পুন্না শরুক য়াবগী থৌওংশিংনা সরকারগী স্কিমশিংগী মগুন অমসুং থাজবা হেনগৎহনগনি হায়না পল্লদুনা সেবাশিং ফংহনবদা লৈবাক মীয়ামসু শরুক য়াফম থোকই হায়খি।

লাইচৎ মনুংদা লৌউ-শিংউবগী সেক্তরনা মতৌ করম্না মাই-পাকপা ঙম্লিবনো পল্লদুনা, উপ রাস্ত্রপতিনা লৌউ-শিংউববু হেন্না কান্নবা অমসুং শেন্থোক লৈহন্নবগীদমক্তা তেক্নোলোজী শিজিন্নবগী ৱাফমসু ফোংদোকখি। লৌমীশিংদা কান্নবা কয়া ফংহন্নবগীদমক্তা হন্দক্তা কোহিমাদা শঙ্গাখিবা লৈবাক-লৈহাও তেস্ত তৌবগী লেবোরেতরীগুম্বা খুদোংচাবা কয়া শিজিন্ননবা লৌমীশিংবু পুক্নিং থৌগৎফম থোকই হায়নসু মখা তানা পনখি।

চাউখৎপা পুরকপদা শান্তি লৈবগী তঙাই ফদবা লৈ হায়না পল্লদুনা, শ্রী নাইদুনা মসিনা মখা তানা চঙশিনবগী অমত্তা ঙাইরবা পাম্বৈনি হায়খি। “অয়েৎপা লৈবা খুদিংমক ‘ৱা তান্নবা, অফ-ফত্তা খন্নবা অমসুং ৱারেপ’ লৌদুনা ৱারোইশিন পুরকপা য়াই” হায়না শ্রী নাইদুনা হায়খি। রাজ্য, লমদম অসিবু অমসুং লৈবাকপু হীরম খুদিংদা অৱাংবা থাক্তা পুখৎনবগদীদমক্তা কেন্দ্র, রাজ্য অমসুং লোকেল গবর্নমেন্তনা তীম ইন্দিয়াগী ৱাখল্লোনগা লোয়ননা থবক তৌমিন্নসি হায়নসু ফোংদোকখি। চাউখৎপা পুরক্নবা রাজ্যশিংগী খ্বাইদগী অফবা থবকশিং অমগা-অমগা থৱাই য়াওনা লান্নবগী ৱাফমসু মহাক্না হৌদোকখি।

উপ রাস্ত্রপতিনা মখা তারকপদা নাগালেন্দগী ঐচ.এস.এস.এল.সি. ২০২১গী মকোক-মথং তাখিবা অমসুং রাজ্য অসিগী নেস্নেল তীচর এৱার্দ ফংখিবশিংগসু উন্নদুনা ৱারী শাখি। মখোয়গী মাই-পাকপবু থাগৎলদুনা, শ্রী নাইদুনা মখোয়বু অৱাংবা পান্দম থমদুনা মহৈ-মশিং তম্বগী লমদা মীথোয়-মীহেনবা ওইনা হোৎনৌ হায়নসু মখোয়গী মপুক্নিং থৌগৎখি। মখোয়না লিচৎ-শাজৎ নাইবা পুন্সি অমসুং মশা-মউ ফনা লৈগদবনি হায়বগী মহাক্না পাউতাকসু পীখি। ভারতকী দেমোগ্রাফিক্কী ফিভম্না পীরিবা কান্নবশিং পলদুনা, শ্রী নাইদুনা ঐখোয়না নহাশিংবু স্কিল নীংথিনা লৈহল্লবদি, ঐখোয়না মালেমগী কৈথেলগী অপাম্বা পীবা ঙম্বা থৌগল্লোই কয়া শেম্বা ঙমগনি হায়না পনখি।

শ্রী নাইদুনা থৌরম অসিদা সহিত্য, কলচর অমসুং পর্ফোরমিং আর্ৎসকী লমদা গবর্নর এৱার্দ ফংখ্রবা মীওইশিংগসু ৱারী শাখি। মখোয়গী মাই-পাকপবু থাগৎলদুনা, শ্রী নাইদুনা আর্ত অমসুং ম্যুজিক্না ঐখোয়গী কলচর অমসুং হেরিতেজকী তৎন-থানবা য়াদ্রবা মচল ওইবগা লোয়ননা ঐখোয়না মখোয়শিংবুসু থম্মোই শেংনা য়োকখৎপগী তঙাই ফদবা লৈ হায়নসু ফোংদোকখি।

নাগালেন্দগী রাজ্যপাল, প্রোফঃ জে. জগদিশ মুখী; মুখ্য মন্ত্রী, শ্রী নৈফ্যু রাইও; চীফ সেক্রেতরী, শ্রী জে. আলম অমসুং অতোপ্পা মীথুংলেনশিংনা থৌরমসিদা শরুক য়াখি।

মহাক্কী মপুং ফাবা ৱারোল মখাদা পীরিঃ

“ইচিল-ইনাওশিং,

ঐহাক্না নাগালেন্দগী পুক্নিং হুনা ফজরবা রাজ্য অসিদা নখোয়গা পুনবা অসিদা য়াম্না নুংঙাইবা ফাওই।

বিলদিং অমসুং কমপ্লেক্সশিং অসি ঙসি শঙ্গাবা অসিনা নাগালেন্দগী চাউখৎপগী মশক থোকপা থৌওং অমা ওইবসিদা ঐহাক্কী পুক্নিংদা য়াম্না নুংঙাইবা ফাওহল্লি।

বিলদিংশিংগী মনুংদা কোহিমাগী ওফিস ওফ দাইরেক্তোরেৎ ওফ ইনফোর্মেসন তেক্নোলোজী অমসুং কম্ম্যুনিকেসনগী অমা য়াওবসিসু ঐহাক্না নুংঙাইবা পোকই। বিলদিং অসিদা নাগালেন্দগী খ্বাইদগী অহানবা সোফৱেয়র তেক্নোলোজী পার্ক লৈদুনা নহাশিংদা মতমগা চান্নবা ফেসিলিতী ফংহন্দুনা মখোয়বু মাই-পাকপা ওন্তোপ্রিনর ওইহনগনি।

ঐহাক্না ঙসি তোঙানবা খুঙ্গংশিংগী সরকারগী হাই স্কুলগী বিলদিং কয়া শঙ্গাখিবা অসিনা সরকারনা নাগালেন্দগী প্রাইমরী অমসুং সেকন্দরী এজুকেসনগী ফিভম ফগৎহন্নবা হোৎনরিবা অসিদা তেংবাংলগনি। ঐখোয়না ঙসি উরিবা বিলদিংশিংনা লাক্কদবা মতমদা নাগালেন্দগী নহাশিংনা অফবা তুংলমচৎ অমা ফংহন্নবা য়ুম্ফম থোল্লবনি।

অরোইবদা, চাউরবা একর ২৩দা শারিবা মিনিস্তরিএল রেসিদেন্সিএল কমপ্লেক্সতা সরকারগী মেছিনরীশিংনা নীংথিনা মথৌ পাংথোকপদা মথৌ তাবা ইনফ্রাস্ত্রকচর খুদিংমক লৈগনি।

ইনফ্রাস্ত্রকচরশিং অসি শেম-শাবা অমসুং মথৌ তৌহনবা ঙম্নবা হোৎনবগা মরী লৈনবা ওফিস অমসুং রাজ্য সরকারদা ঐহাক্না থাগৎপগা লোয়ননা য়াইফ পাউজেল পীজরি।

ঐহাকপু তরাম্না ওকপীবগীদমক্তসু ঐহাক্না খ্বাই পুম্নমকপুসু থাগৎচরি। নাগালেন্দ অসি হোস্পিতালিতী, ফ্রেন্দলিনেস অমসুং পুকচেল ফবগী ইথিলগা ৱাহন্থোক মান্নৈ। লমদম অসিদি ইনাক খুল্লবা নাৎকী চৎনবী অমসুং তোঙানবা লোলগী শেংলবা লৈফম্নি।

মরুপশিং,
শান্তি লৈবা হায়বসি চাউখৎপা অমসুং নুংঙাই য়াইফবগী তঙাই ফদবা মচলনি হায়না ঐহাক্না হন্না-হন্না হায়দুনা লাক্লি। ঙসিদি, হীরম খুদিংদা চাউখৎপা পুরক্নবা তোঙানবা ত্রাইব কয়া লৈবা খুন্নাইগী কাংলুপ খুদিংনা অমত্তা ওইনা পুল্লে হায়না নাগালেন্দনা চাউথোকচবা য়ারে হায়না পনজনীংই। অপুনবা পান্দম অমগী ৱাখল্লোন্না ইথিল পীদুনা, নাগালেন্দগী মীয়াম্না রাজ্য অসিবু অথুবা মতমদা চাউখৎপদা তেংবাংগনি হায়বগী ঐহাক্না থাজবা লৈরে। রাজ্য, লমদম অসিবু অমসুং লৈবাকপু হীরম খুদিংদা অৱাংবা থাক্তা পুখৎনবগদীদমক্তা কেন্দ্র, রাজ্য অমসুং লোকেল গবর্নমেন্তনা তীম ইন্দিয়াগী ৱাখল্লোনগা লোয়ননা ঐখোয় পুন্না থবক তৌমিন্নসি।

কেন্দ্র সরকারনসু নাগালেন্দবু মাইকৈ খুদিংদা চাউখৎহন্নবা পায়খৎফম থোকপা খুদিংমক পায়খৎলি। অৱাং-নোংপোক লমদম্বু পাক-শন্না চাউখৎহন্নবা ইনফ্রাস্ত্রকচর চাউখৎহনবদা কেন্দ্র সরকারনা মিৎয়েং চঙলি হায়বসি অদোম পুম্নমক্না খঙনরবনি। প্রধান মন্ত্রী, শ্রী নরেন্দ্র মোদীনা থৌরম কয়াদা কেন্দ্র সরকারনা এক্ত ইস্ত পোলিসীগী মখাদা চাউখৎপগী শাফু পীবগী মতাংদা ৱাফম কয়া ফোংদোকখ্রবনি। থৌশিল অসিনা লমদম অসিবু গ্রোথ ইঞ্জিন অমা ওইহল্লগনি হায়বসি পুম্নমক্না খঙনরবনি। রেল, লম্বী-শোরোক, নোংথক্কী লম্বী অমসুং কন্নেক্তিবিতীগী নেৎৱর্ককুম্বা তঙাই ফদবা ইনফ্রাস্ত্রকচরগী মথক্তা, লদম অসিদা শান্তি পুরক্নবা হোৎনবগী থৌওংশিংসু রাজ্য কয়াদা মাই পাকপা ঙম্লে।

লমদম অসি চাউখৎহন্নবগীদমক্তা কন্নেক্তিবিতী অমসুং ইনফ্রাস্ত্রকচর ফগৎহনবগী মরু ওইবসি পঙহায়দা হায়বা ৱাফম নত্তে। নাকল অমদা, নাগালেন্দ অসি তোঙানবা মওং চেনবা, হেন্দিক্রাফতা য়াম্না লিঙবা, এগ্রোগী পোত্থোক অমসুং লমদম অসিগী শুবা-নোম্বা কনবা মীওইশিংনি। অদুগা নাকল অমদনা, নাগালেন্দগী হীরম খুদিংদা চাউখৎপা ঙমগদবা তোঙানবা সেক্তরশিংগী তৌবা ঙমবগী মতিক কয়া অমা শিজিন্নদনা লৈরিবা। করিগুম্বা, ইনফ্রাস্ত্রকচর প্রোজেক্ত খদিংমকপু অহানবা মিৎয়েং চঙদুনা থুনা চাউখৎহল্লবদি, লাক্কদোউরিবা চহিশিংদা নাগালেন্দগী কান্নবা কয়া লৈগনি।

ইনফ্রাস্ত্রকচর চাউখৎহনবা অসি পুন্সি মহিং নুংঙাইহনবা, লল্লোন-ইতিক হেনগৎহনবা, স্কুলগী মহৈ ফগৎহনবা, হেল্থ ইন্দিকেতর, ঙাক-শেলগী ফিভম অমসুং রাজ্যসিদা লমকোইবশিংগী পুক্নিং চিংশিনবগীদমক্তা য়াম্না মরু ওই। ইনফ্রাস্ত্রকচর ফগৎহনবনা শেন্মিৎলোন্দা কান্নবা কয়া পীগনি।

ইচিল-ইনাওশিং,

এস.দি.জি. ইদিয়া ইন্দেক্স, ২০২১গী সস্তেনেবল দিভেলপমেন্ত গোল ইন্দিকেতরশিংদা নাগালেন্দনা দিভেলপমেন্তকী ইন্দাইস খরদা নীংথিনা পাংথোক্লি, অদুগা ইন্দিকেতর খরদা থবক হেন্না পাংথোকপগী মথৌ তাবসু লৈ। ‘জেন্দর ইক্বেলিতী’, ‘দিসেন্ত ৱর্ক এন্দ ইকোনোমিক গ্রোথ’, অমদুং ‘লাইফ ওন লেন্দ’গুম্বা অখন্নবা ইন্দাইসশিংগী মতাংদা নীংথিনা পাংথোক্লি। নাগালেন্দবু লৈবাক পুম্বগী ওইনা নুপীগী মাইয়োক্তা লৈবা ক্রাইম খ্বাইদগী নেম্বগীদমক্তসু থাগৎনীংঙাইনি।

নাকল অমদা, রাজ্য অসিনা হকশেল অমসুং নুংঙাই য়াইফনা লৈবা, শেল চঙদবা অমসুং ক্লিন ইনর্জী, সস্তেনেবল সিতী অসুং কম্ম্যুনিতী, ইন্দস্ত্রী, অনৌবা থৌওং পাংথোকপা অমসুং ইনফ্রাস্ত্রকচরগুম্বা ইন্দিকেতরশিংসু হেন্না ফগৎহন্নবা হোৎনবগী মথৌ তারি। রাজ্য অসিগী তৌবা ঙম্বগী মতিক অসুক য়াম্না লৈ হায়বা অদোম্নসু খঙলি অমসুং রাজ্যসিনা ইং ২০৩০ ফাওবগী মনুংদা হৌজিক লৈরিবা থাক্তগী হেন্না ফবা থাক্তা কাখৎকনি হায়বগী ঐহাক্না থাজবা থম্লি।

অফবা লৈঙাক্কী মরু ওইবা থৌওং অমদি সেবাশিংবু মতম চানা  অমসুং লায়না ফংহনবনি। বত্তন অমা নম্বদা সেবা কয়া ফংলবা ইন্তর্নেৎকী য়ুগ অসিদা সরকারনা মনিংদা লৈরোইদবনি। সেবা কয়াবু অকক্নবা মতমগী মনুংদা পরিং নাইবা মওংদা ঐখোয়না ফংহন্নবা হোৎনগদবনি।

ইনফ্রাস্ত্রকচর প্রোজেক্তশিং পায়খৎপদা দিজিতেল তেক্নোলীজী শিজিন্নবা পুক্নিং থৌগৎকদবনি অমসুং তোঙানবা প্রোজেক্ত পায়খৎপদা মপুং ফাবা নুং-পান উবগী ফিভম লৈহনগদবনি। শেঞ্জা থুমজানা চাউখৎপগী য়েক্নবা ওইবনিনা, শেঞ্জা থুমজাগী মাইয়োক্তা লেপ্পগী ৱাখল্লোন্সু চেনগদবনি।

সোসিএল ওদিৎকুম্বা মীয়াম পুন্না শরুক য়াবগী থৌওংশিংনা সরকারগী স্কিমশিংগী মগুন অমসুং থাজবা হেনগৎহনগনি অমসুং সেবাশিং ফংহনবদা লৈবাক মীয়ামসু শরুক য়াফম থোকই।

মরুপশিং,
ঐহাক্কী ৱারোল লোইশিন্দ্রিঙৈদা, ঐখোয়গী ভারতকী শেন্মিৎলোনগী সেক্তর কয়াগী মনুংদগী, লাইচৎ মনুংদা ফাওবা নীংথিনা মথৌ পাংথোকখিবা সেক্তর অমা য়াওরি হায়বা ৱাফম থমজনীংই। ৪%দহী হেনা শাহৌ লৌদুনা, লাইচৎ অসিনা ঐখোয়গী লৌমীশিংগী নীংহন্নদবা অমসুং শুবা-নোম্বা কনবগী মগুনবু খুদম ওইনা উৎখ্রে। মখোয়বু ইকায় খুম্নফম থোকই।

নোর্থ-ইস্তর্ন রিজন মন্ত্রালয়না শেল থাদদুনা হন্দক্তা কোহিমাদা শঙ্গাখিবা লৈবাক-লৈহাও তেস্ত তৌবগী লেবোরেতরীদগী নাগালেন্দগী লৌমীশিংনা কান্নবা কয়া ফংগনি। ঐহাক ইশামকসু লৌউ-শিংউদা মরু ওইনা মখা পোনবা খুঙ্গংগী লৌমী ওইবনিনা, মসিদা হেন্না কান্নবা অমসুং শেন্থোক লৈহনবদা তেক্নোলোজীনা লৌবা থৌদাংশিং ঐহাক্না ময়েক শেংনা খঙই।

লৌউ-শিংউনা নাগালেন্দগী শেন্মিৎলোন্দা য়াম্না মরু ওইবা থৌদাং লৌরি। লেবোরেতরী অসিনা পীরিবা কান্নবশিংবু লৌমীশিংনা লৌদুনা মখোয়গী লৌরোক য়াম্না হেনগৎহনবা য়াই। নাগালেন্দগী কোফী অসি মমিং য়াম্না চৎপা হেনগৎলক্লি অমসুং মীরম লৈবাক্তা থাদোকপসু হৌরে খঙবদা য়াম্না নুংঙাইবা ফাওই।

অৱাং-নোংপোক লমদম অসি হীরম খুদিংদা তৌবা ঙম্বগী মতিক য়াম্না লৈ। মখোয়শিং অসিবু মপুং ফানা শিজিন্নবা ঙম্লবদি, লমদম অসিনা ভারতকী চাউখৎপগী ৱারীদা মাং থাদুনা চৎকনি।

ঐহাক্না ঙসি নাগালেন্দদা লৈবসিদা য়াম্না নুংঙাইবা ফাওই অমসুং ঐহাকপু তরাম্না ওকপীবগীদমক্তা পুম্নমকপু অমুক্কা হন্না থাগৎচরি।

নমস্কার।

জয় হিন্দ!!!”

*****