উপ-রাস্ত্রপতিগী লোইশঙ
অৱাং-নোংপোক লমদমগী মমল লৈরবা বাইও-রিসোর্সশিং অমদি লাইবস্তোক ঙাক শেন্নবা অমদি য়োকখৎনবা ইন্নোবেতিব রিসর্সকা লোইননা থোক্লকউ- সাইন্তিস্তশিংদা উপ রাস্ত্রপতি
উপ রাস্ত্রপতিনা নাগালেন্দদা লৈরিবা আই.সি.এ.আর.-নেস্নেল রিসর্স সেন্তর ওন মিথুন অমদি আই.সি.এ.আর. রিসর্স কমপ্লেক্স ফোর এন.ই.ঐচ. রিজনদা চৎখ্রে অমদি সাইন্তিস্তশিংগা ৱারি-ৱাতায় শানখ্রে
লমদম অসিগী ত্রাইবেল কল্চরগা চুনবা লোকেসন-স্পেসিফিক তেক্নোলোজীশিং শিজিন্ননবা উপ রাস্ত্রপতিনা হায়খ্রে
গ্লোবেল ৱার্মিংনা মরম ওইদুনা লৌমীশিংনা থেংনবা য়ারিবা প্রোব্লেমশিংদা মীৎয়েং চংনবা উপ রাস্ত্রপতিনা সাইন্তিস্তশিংদা তকশিনখ্রে
Posted On:
07 OCT 2021 2:42PM by PIB Imphal
ঙসি, উপ রাস্ত্রপতিনা শ্রী এম ভেনকিয়া নাইদুনা নাগালেন্দগী দিমাপুরদা লৈরিবা আই.সি.এ.আর.-নেস্নেল রিসর্স সেন্তর ওন মিথুনদা চৎখি অমদি অৱাং-নোংপোক লমদমগী মমল লৈরবা বাইও-রিসোর্সশিং অমদি লাইবস্তোক অসি ঙাক শেন্নবা অমদি য়োক্তুনা থম্নবা ইন্নোবেতিব রিসর্সকা লোইননা থোক্লক্নবা সাইন্তিস্তশিংদা হায়খ্রে৷
অৱাং-নোংপোক ভারত অসি য়াম্না মরু ওইবা বাইওদাইবর্সিতী হোতস্পোত অমনি হায়না পল্লদুনা, “ঐখোয়গী সাইন্তিফিক ইন্সতিত্যুসনশিংনা সস্তেনেবল , ক্লাইমেত রিসাইলেন্ত ওইবা অমদি লমদম অদুগী ত্রাইবেল কল্চরশিংগা চুনবা লোকেল স্পেসিফিক তেক্নোলোজীশিং শেমগৎনবা হোৎনগদবনি” হায়না উপ রাস্ত্রপতিনা ফোংদোকখি৷
খোঙচৎ অদুদা আই.সি.এ.আর.-নেস্নেল রিসর্স সেন্তর ওন মিথুন অমদি আই.সি.এ.আর. রিসর্স কমপ্লেক্স ফোর এন.ই.ঐচ. রিজনগী সাইন্তিস্তশিং অমদি রিসর্চরশিংগা ৱারি-ৱাতায় শানরদুনা, অৱাং-নোংপোক রাজ্য অসি চাওখৎহন্নবগীদমক খ্বাইদগী নৌবা তেক্নোলোজীশিং শিজিন্নদুনা লৌউ-শিংউ অসি মোদর্নাইজ তৌনবা হোৎনগদবনি হায়না মহাক্না সাইন্তিস্তশিংদা তকশিনখি৷
থৌরম অসিদা, সেমি-ইন্তেন্সিব মিথুন ফার্মিংদা মিথুন ফার্মরশিংগী প্রোমোস্নেল ভিদিও অমা উপ রাস্ত্রপতিদা উৎখি৷ সেমি-ইন্তেন্সিব সিস্তেমশিংগী মখাদা মিথুন লোইবগী অল্তরনেতিব সিস্তেম অসিগা লোইননা থোক্লকপগীদমক নেস্নেল রিসর্স সেন্তর ফোর মিথুনবু মহাক্না থাগৎখি অমদি মতিক চাওরবা শা অসি ঙাক শেন্নবা অমদি য়োকখৎনবা কেন্দ্রনা কা-হেন্না ফরবা থবক পাংথোকখ্রে হায়না মহাক্না ফোংদোকখি৷
মিথুন সেন্তরদা চৎখিবগী খোঙৎতা, শ্রী নাইদুনা সেন্ত্রেল ইন্সত্রুমেন্তেসন ফেসিলিতী(সি.আই.এফ.) লেবোরতরীদসু চৎখি অমদি তাংলবা শা অসিগা মরী লৈনবা লাইনাশিং অমসুং লাইয়েং-পথাপশিং মঙোন্দা শন্দোক্না খঙহল্লকখি৷ তোঙান তোঙানবা জিওগ্রাফিকেল লোকেসনশিংদা লৈরিবা মহাক্কী ইবোলুসনরী পুৱারি অদু খঙনবা মিথুনগী মপুং ওইবা জিনোম সিক্বেন্সিং রিসর্স সেন্তরনা তৌখ্রে হায়না পল্লদুনা, শ্রী নাইদুনা অসুম্না ফোংদোকখি “লৌমীশিংগীদমক মিথুন মিত্র মোবাইল এপ অমা শেমগৎপদা অমদি মফম অদুদা লৈরিবা মিথুন ফার্মশিংদা হেল্থকেয়র সর্ভিসশিং ফংহন্নবা চাং মান্ননবা হোৎনবা অসিনা নখোয়গী থৌদাংনিংহন্নবা ৷
রাজ্যগী শা অসি নাগালেন্দ প্রজাগী ওইনদি ইকোনোমিকেল্লী, সোসিএল্লী অমদি ইমোস্নেল্লী য়াম্না মরু ওই হায়না পল্লদুনা, শা অসি য়োক্তুনা থম্নবা মহৈ-মশিং হৈরবা নহাশিংগী পুক্নিং চিংশিনগদবনি হায়না উপ রাস্ত্রপতিনা ফোংদোকখি৷
মহৈ-মরোং মখল ৫৬ শেমগৎপা য়াওনা শিন্থাবা য়াবা এচিবমেন্ত কয়াগীদমক আই.সি.এ.আর. রিসর্স কমপ্লেক্স ফোর নোর্থ ইস্ত হিল(এন.ই.ঐচ.) রিজনবু থাগৎলদুনা, মহৈ-মরোং, শা-ষন লোইবা, য়েন লোইবা, ঙা য়োকপা অমদি হোর্তিকল্চর য়াওরিবা ইন্তিগ্রেতেদ ফার্মিং সিস্তেমশিং অসি য়োকখৎনবা ইন্সতিত্যুত অসিনা হোৎনরিবা অসি থাগৎনিংঙাইনি হায়না শ্রী নাইদুনা ফোংদোকখি৷ “রাজ্য অসিদা লোইরিবা য়েন ব্রীদকী ৫০%দি সেন্তর অসিদগী পুথোক্তুনা মফম খুদিংদা লৈরিবা লৌমীশিংগী অৱাৎপশিংদা পীরিবা বনরাজা অমদি শ্রীনিধিনি হায়না খঙলকপদা ঐ অপেনবা ফাওই,” হায়না মহাক্না মখাতাখি৷
ভারতকী খুঙ্গংশিংদা লৈরিবা য়ুমথোংশিংগী চাগাগী শরুক অহুম থোকপগী অমরোমগী চাংদি ষন লোইবা অসিনা ওই হায়বসি খঙলদুনা ফিল্দ অসিনা খ্বাইদগী নৌনা তেক্নোলোজী এদভান্স ওইরিবশিং অসি শিজিন্নদুনা ষন লোইবা অসি য়োকখৎনবা পাংথোকপা য়াবা পুম্নমক পাংথোক্কদবনি হায়না মহাক্না ফোংদোকখি৷“আই.সি.এ.আর. রিসর্স কমপ্লেক্স ফোর এন.ই. রিজননা শা-ষনগী হকশেল অমদি লাইবস্তোক প্রদক্সন সিস্তেমশিংগী ফিভম অসি ফগৎনবা হোৎনরি হায়বসিদা ঐ নুংঙাইবা ফাওই,” হায়না মহাক্না মখাতাখি৷
অৱাং-নোংপোক লমদমদা লৈরিবা মীওইশিংগী ৭০% হেনবদি মখোয়গী পুন্সিগীদমক লৌউ-শিংউবদা হকথেংননা মখা পোন্দুনা লৈরি হায়না পল্লদুনা, সস্তেনেবল, ক্লাইমেত-রিসাইলেন্ত ওইবা অমদি লমদম অসিগী ত্রাইবেল কল্চরশিংগা চুনবা লোকেসন স্পেসিফিক তেক্নোলোজীশিং শেমগৎনবা হোৎনগদবনি হায়না মহাক্না সাইন্তিফিক ইন্সতিত্যুসনশিংদা তকশিনখি৷
ওর্গানিক এগ্রীকল্চরদা অৱাং-নোংপোক রাজ্যশিংনা মীৎয়েং চংলক্লিবা অসিগীদমক মখোয়বু থাগৎলদুনা, মহাক্না হায়খি “মসিগী ফিল্দ অসিদা, নখোয়না লম্বী অদু ভারত পুম্বদা উৎলি৷ অৱাং-নোংপোক রাজ্যশিংগী ওর্গানিক ফার্মিংদা মাই পাকপগী ৱারিশিং অসিদগী অতোপ্পা ভারতকী রাজ্যশিংনা মতৌ তম্ননবা মহাক্না তকশিনখি৷
লেবোরেতরী অমদা পুথোক্লিবা তেক্নিকেলগী ওইবা খঙজ-হৈজবশিং অসি লৌমীশিংদা য়ৌহনদবা তারবদি মদু পুথোক্লুবগী আর্থ থোক্তে হায়না হঞ্জিন-হঞ্জিন পল্লদুনা, উপ রাস্ত্রপতিনা হায়খি “ ‘লেবতগী লম’দা নোলেজ লেপ্প-লৈতনা ত্রান্সফর তৌনবা ঐখোয়না মতম পুম্বদা হোৎনগদবনি”৷
লৌমীশিংগী চাগা হেনগৎহন্নবা অমদি ত্রাইবেল কম্ম্যুনিতীশিং মশা মরোমদোম লেপচবা ঙম্নবা ইন্সতিত্যুত অনিমক্না মখোয়গী ইনিসিয়েতিবশিং লৌখৎখিবা অসিগীদমক মহাক্না থাগৎখি৷
নাগালেন্দ অমদি অসামগী রাজ্যপাল,প্রোফেসর জগদিশ মুখি, নাগালেন্দগী দিপুতী মুখ্য মন্ত্রী, শ্রী ৱাই. পেত্তোন, নাগালেন্দগী লৌউ-শিংউ মন্ত্রী, শ্রী জি. কাইতো আই, আই.সি.এ.আর.-নেস্নেল রিসর্স সেন্তর ওন মিথুনগী দাইরেক্তর, দা. মিরাজ হাইদর খান, আই.সি.এ.আর.-রিসর্স কমপ্লেক্স ফোর এন.ই.ঐচ. রিজনগী জোইন্ত দাইরেক্তর, দা. দি.জে. রাজখোৱা, হায়রিবা ইন্সতিত্যুসনশিংগী সাইন্তিস্তশিং অমদি স্তাফনা থৌরম অসিদা শরুক য়াখিবা মীওইশিংগী মনুংদা খরনি৷
মখাগী অসি ৱারোল অদুগী মপুং ওইবা অইবনি –
“ভারতকী অৱাং-নোংপোক রাজ্যশিংদা ফংলিবা মিথুনগী ঙাক শেন্নবা, শন্দোক্নবা অমদি চাওখৎহন্নবা কৎথোক্তুনা হোৎনরিবা মালেম অসিদা ইন্সতিত্যুত মখল অসিগী অমা খক্তা ওইনা লৈরিবা আই.সি.এ.আর.-নেস্নেল রিসর্স সেন্তর ওন মিথুনগী মফম অসিদা নখোয়গা লৈমিন্নবা অসি ঐ য়াম্না নুংঙাই৷
ইন্সতিত্যুত অসিনা মিথুন অসি ঙাক শেনবদা, মচা পোকহনবদা, মচিঞ্জাক পীজবদা অমদি হেল্থ মেনেজমেন্তদা য়াম্না মরু ওইবা থৌদাং অমা লৌদুনা লাক্লি হায়বসি খঙলকপদা ঐ য়াম্না নুংঙাই৷ মিথুননা অরুনাচল অমদি নাগালেন্দগী রাজ্য শা ওইরি, অমদি ভারত্তা ফংলিবা মিথুন মশিং লাখ ৩.৮গী ৯৬% রাজ্য অনি অসিদা ফংলি৷ ২০শুবা লাইবস্তোক সেন্সস(২০১৯)কী মতুং ইন্না, মিথুনগী মশিং অসি পুন্না ৩০.৬% হেনগৎলকখ্রে হায়বসি পেন্নিংঙাই ওইবা মশক অমনি৷
মসিগী বোবাইন স্পেসিস অসি অৱাং-নোংপোক্কী খ্বাইদগী মরু ওইবা কল্চরেল রিসোর্সশিংগী মনুংদা অমনি হায়না খন্নৈ অমদি লমদম অসিদা লৈরিবা ত্রাইবশিংগী কল্চরেল লাইফকী ফোল্কলোর অমদি মাইথোলোজীদা চেৎনা মরা তারি৷ নাগাগী সমাজতা মিথুন অসি সোসিএল স্তেতসকী সিম্বোল অমনি অমদি মসিনসু শান্তি অমদি কম্মুনেল হার্মোনী উৎলি৷ মিথুনা ‘য়ুনিতী ইন দাইবর্সিতী’গী ভারতকী স্পিরিতকী সিম্বোল অমা ওইখ্রে৷ ঐখোয়গী মমল লৈরবা কল্চরেল হেরিতেজ উৎলিবা অসিগুম্লবা অখন্নরবা সিম্বোলশিং অসি ঙাক শেন্নবা অমদি য়োকখৎনবা ঐখোয়না হোৎনবা য়াবা হোৎনগদবনি৷ সেমি-ইন্তেন্সিব সিস্তেমশিংগী মখাদা মিথুন লোইবগী আল্তরনেতিব সিস্তেম অমা য়াওনা পেক্তিসশিং অমদি তেক্নোলোজী কয়া অমা মসিগী সেন্তর অসিনা শেমগৎখ্রে হায়বসিদা ঐ নুংঙাইবা ফাওই৷
মসিগী মগুল লৈরবা শা অসি ঙাক শেনবদা অমদা য়োকখৎপদা নেস্নেল রিসর্স সেন্তর ওন মিথুননা য়াম্না শিন্থানিংহাই ওইবা থবক পাংথোকখ্রে হায়বসি থাগৎনিংঙাইনি৷ তোঙান তোঙানবা জিওগ্রাপিকেল লোকেসনশিংদা মহাক্কী ইবোলুসরী পুৱারী অসি খঙদোক্নবা নখোয়না মিথুনগী জিনোম সিক্বেন্সিং মপুং ফানা তৌখ্রে৷ নখোয়গী পনবা য়ারিবা এচিবমেন্তশিংগী মনুং চল্লিবশিং অদুদি পেতর্নশিং শিন-লাংদুনা মিথুনগী চহি পাথোক্নবগী অচম্বা তেক্নোলোজী শেমগৎপা অমদি লমদম অসিদা ফংলিবা উশিং-পাম্বী মচাশিং অমদি ইন্দস্ত্রিএল বাই-প্রদক্তশিং শিজিন্নদুনা মমল হোংবা মচিঞ্জাক শেমগৎপা অসিনি৷ সেন্তর অসিনসু মিথুনগীদমক আর্তিফিসিএল ইন্সেমিনেসন প্রোতোকোলশিং শেমখ্রে অমদি ২০১২ চহিদা হায়রিবা তেক্নোলোজীশিং অসি শিজিন্নদুনা মচা অহুম পোকখ্রে হায়না ঐঙোন্দা হায়রকখ্রে৷ লৌমীশিংগীদমক মিথুন মিত্র মোবাইল এপ শেমগৎপা অমদি মফম অসিদা লৈরিবা মিথুন ফার্মশিদা হেল্থকেয়র সর্ভিসশিং পীনবা নখোয়না হোৎনরিবা অসি থাগৎনিংঙাইনি৷
ঙসি, আই.সি.এ.আর.গী নেচরেল রিসোর্স মেনেজমেন্ত দিবিজনগী মখাদা প্রিমিয়র রিসর্স ইন্সতিত্যুত অমা ওইনা লৈরিবা আই.সি.এ.আর. রিসর্স কমপ্লেক্স ফোর নোর্থ ইস্ত হিল(এন.ই.ঐচ.) রিজনগী সাইন্তিস্তশিংদা উনবা অসি ঐ য়াম্না নুংঙাই৷
১৯৭৫দা ইন্সতিত্যুসন অসি লিংখৎখিবদগী অৱাং-নোংপোক রাজ্যশিংগী চিংগী ইকোসিস্তেমগীদমক লৌউ-শিংউদা অমদি মরী লৈনবা সেক্তরশিংদা রিসর্স, এক্সতেন্সন অমদি হ্যুমেন রিসোর্স দিবেলপমেন্ত এক্তিবিতীশিং পাংথোক্তুনা অমদি য়োকখৎতুনা লাক্লি হায়না ঐঙোন্দা হায়রক্লি৷ মেঘালয়গী উমিয়মদা হেদক্বাতরশিং লৈদুনা অমদি রাজ্য তরুক্তা রিজনেল সেন্তরশিং থমদুনা, মসিনা আই.সি.এ.আর.গী খ্বাইদগী চাওবা ইন্সতিত্যুতশিংগী মনুংদা অমনি৷ মহৈ-মরোং মখল য়াংখৈ-তরুক শেমগৎপা য়াওনা শান্থানিংঙাই ওইরবা এচিবমেন্তশিং ইন্সতিত্যুত অসিগী লৈখ্রে হায়না খঙলকপদা ঐ য়াম্না নুংঙাই৷
অৱাং-নোংপোক্তা লৈরিবা লৌমী অয়াম্বা অসি অপিকপা অমদি মর্জিনেল লেন্দ হোল্দরশিং ওইবনা, ইন্সতিত্যুত অসিনা মহৈ-মরোং, শা-ষন লোইবা, য়েন লোইবা অমদি হোর্তিকল্চর য়াওরিবা ইন্তিগ্রেতেদ ফার্মিং সিস্তেমশিং য়োকখৎনবা হোৎনরিবা অসি য়াম্না থাগৎনিংঙাইনি৷ রাজ্য অসিদা লোইরিবা য়েন ব্রীদকী ৫০%দি সেন্তর অসিদগী পুথোক্তুনা মফম খুদিংদা লৈরিবা লৌমীশিংগী অৱাৎপশিংদা পীরিবা বনরাজা অমদি শ্রীনিধিনি হায়না খঙলকপদা ঐ অপেনবা ফাওই ৷
খুঙ্গংগী য়ুমশিংদা চংলক্লিবা চাগাগী চাওরাক্না শরুক অহুম থোকপগী অমগী চাংদি ষন লোইবা অসিদগী লাকপনা ভারত্তা ষন লোইবা অসি য়াম্না মরু ওইবা এক্তিবিতী অমনি৷ লৌমী মিলিয়ন ৭০রোম, অয়াম্বনা নুপীশিংনা লৈবাক অসিদা ষন লোইবদা হকথেংননা য়াওরি অমদি ফাইনেল মার্কেৎ ভেল্যু চাদা ৭০-৮০রোমগী চাং লৌমীশিংগা সেয়র তৌরিবা এগ্রী-প্রদক্ত মসি খক্তনি৷ মরম অদুনা, ফিল্দ অসিদা খ্বাইদগী নৌবা তেক্নোলোজীশিং শিজিন্নদুা ষন লোইবা য়োকখৎনবা ঐখোয়না হোৎনবা য়াবা হোৎনগদবনি৷ ত্রান্স-বাউন্দরী লাইনাশিং য়াওনা শাশিংগী হকশেল অমদি লাইবস্তোক প্রদক্সন সিস্তেমশিং ফৎগহন্নবা আই.সি.এ.আর. রিসর্স কমপ্লেক্স ফোর এন.ই.ঐচ. রিজননা হোৎনরি হায়বসিদা ঐ য়াম্না নুংঙাই৷
লৌউ-শিংউবা অসিনা ভারতকী শেল-থুমগী পুন্সি লম্বী ওই হায়না ঐনা মতম পুম্নমক্তা হায়৷ অৱাং-নোংপোক্তা লৈরিবা মীয়ামগী ৭০% হেনবনা মখোয়গী পুন্সি হিংননবা লৌউ-শিংউবদা হকথেংননা মখা পোন্না লৈদুনা লমদম অসিগী ওইনদি মসিনা অমুক্কা হেন্না চুমহল্লে৷ মরম অদুনা, অৱাং-নোংপোক লমদমগী রাজ্য নিপানদা চাওখৎপা পুরক্নবা লৌউ-শিংউবা অসিদা অওনবা পুরক্কদবনি৷ সস্তেনেবল, ক্লাইমেত-রিসাইলেন্ত ওইবা অমদি লমদম অসিগী ত্রাইবেল কল্চরশিংগা চুনবা লোকেসন স্পেসিফিক তেক্নোলোজীশিং শেমগৎনবা ঐখোয়গী সাইন্তিফিক ইন্সতিত্যুসনশিংনা হোৎনগদবনি৷
নখোয়না খঙলিবা অদুমক ঙাই, অৱাং-নোংপোক্কী চিংগী লমদম লৌউ-শিংউ তৌবনা চিংমাই মান্নদবা, ইশিং-ইচাউশিং, লৈবাক হাজিনবা অমদি চিং-নিংখাইবগুম্বা অয়েৎ-অপন কয়া অমা থেংনৈ৷ মরম অদুনা, গ্লোবেল ৱার্মিংনা মরম ওইদুনা থোকহনবা য়ারিবা লৌমীশিংগী প্রোব্লেমশিং অসিগী সোলুসনশিং পুথোকপদা হেন্না মীৎয়েং চংবিনবা ঐনা ঐখোয়গী সাইন্তিস্তশিং অমদি রিসর্চরশিংদা তকশিল্লি৷
ঐখোয়না পোত্থোক হেনগৎহনবা খক্তদা মীৎয়েং থম্বদা নত্তনা ঐখোয়গী এগ্রীকল্চর প্রেক্তিসশিং অসি মতম শাংনা সস্তেনেবল ওইনা থম্নবা হোৎনগদবনি৷ ঝুম হেন্না নিংথিনা তৌনবা অমদি দিগ্রেদেদ লেন্দ রিস্তোর তৌনবগীদমক সস্তেনেবল ইন্তিগ্রেতেদ ফার্মিং সিস্তেমশিং লাকহন্নবা মসিগী আই.সি.এ.আর. রিসর্স কমপ্লেক্সনা হোৎনরি অসিদা ঐনা নুংঙাইবা ফাওই৷
অৱাং-নোংপোক রাজ্যশিংগী মতাংদা ঐনা মতম পুম্নমক্তা পামজবা অমা অদুদি ওর্গনিক এগ্রীকল্তচরদা মীৎয়েং চংবা অসিনি৷ মসিগী ফিল্দা অসিদা, নথোয়না লম্বী অসি ভারত পুম্বদা উৎলি৷ বাইওদাইবর্সিতী হোতস্পোত অমা ওইরুবনা, মসিগী লমদম অসিদা মহৌশাগী পোত্থোকশিং পুথোকপা অমদি য়োনবগী পোজিবিলিতী চাওনা লৈ৷ অৱাং-নোংপোক রাজ্যশিংগী ওর্গনিক ফার্মিংদা মাই পাকপগী ৱারিশিং অসিদগী ভারতকী অতোপ্পা রাজ্যশিংনা তমহৌনবা ঐনসু তকশিল্লগনি৷
মরুপশিং,
লেবোরেতরী অমদা পুথোক্লিবা তেক্নিকেলগী ওইবা খঙজ-হৈজবশিং অসি লৌমীশিংদা য়ৌহনদবা তারবদি মদু পুথোক্লুবগী আর্থ থোক্তে হায়না ঐনা মতম পুম্নমক্তা হায়নিংই৷ ‘লেবতগী লম’দা নোলেজ লেপ্প-লৈতনা ত্রান্সফর তৌনবা ঐখোয়না মতম পুম্বদা হোৎনগদবনি৷ মফম অসিদা লৈরিবা আই.সি.এ.আর. ইন্সতিত্যুত অনি-নেস্নেল রিসর্স সেন্তর ওন মিথুন অমসুং রিসর্স কমপ্লেক্স ফোর ওন.ই.ঐচ. রিজননা সর্ভিসেস অমদি আউত্রিচ প্রোগ্রামশিং হেন্না শিন্নবা হোৎনরি হায়না পনবদা ঐ নুংঙাইবা ফাওই৷ নখোয়না মিথুন মেলা কম তেক্নোলোজী এৱার্নেস প্রোগ্রামশিং শিন্দুনা লাক্লি অমদি নখোয়না শেমখিবা তেক্নোলোজীশিং অসি শন্দোক্নবগীদমক লমদম অসিদা লৈরিবা এন.জি.ও.শিং, লৌমীগী বোদীশিং অমদি কোওপরেতিব সোসাইতীশিংগা খুৎশম্নদুনা চৎলি হায়বসি তাবদা য়াম্না নুংঙাই৷ লৌমীশিংগী চাগা হেনগৎনবা অমদি মরোমদা লেপচবা ঙম্নবা অমসুং ত্রাইবেল কম্ম্যুনিতীশিং মশা মতোম্তা চাওখৎহন্নবা ইন্সতিত্যুত অনিমক্কী ইনিসিয়েতিবশিং অসি ঐনা থাগৎলি৷
নখোয়না তুংদা হোৎননিংনবগীদমক ঐনা য়াইফ-মঙ্গোল পীরি৷
নখোয়বু থাগৎচরি!
জয় হিন্দ!”
*****
(Release ID: 1762113)
Visitor Counter : 116