উপ-রাস্ত্রপতিগী লোইশঙ
ইন্দিয়ন হেন্দিক্রাফতশিং অমদি হেন্দলুমশিং য়োকখৎনবা অমসুং লৈবিনবা উপ রাস্ত্রপতিনা মীয়ামদা তকশিনখ্রে
উপ রাস্ত্রপতিনা ‘বোকেল ফোর লোকেল’দা হকচিন্না হায়খ্রে
আর্তিসনশিংদা ক্রেদিৎ চৎনবা য়াবা মওংদা অমসুং মতম চানা ফংহন্নবা অমদি মার্কেতিং এভেন্যুশিং শেমগৎনবগীদমক উপ রাস্ত্রপতিনা হায়খ্রে
অগর্তলাদা উপ রাস্ত্রপতিনা হেন্দলুমশিং অমসুং হেন্দিক্রাফত পোত্থোকশিংগী এগজিবিসন অমা হৌদোকখ্রে
Posted On:
06 OCT 2021 6:56PM by PIB Imphal
মীয়াম্না মরু ওইনা নহাশিংনা মপান লমগী পোৎলমশিং শিজিন্নবগী মহুৎতা আর্তিসনশিংনা শাজরিবা ভারতকী হেন্দলুমশিং, হেন্দিক্রাফতশিং অসি লৈবিনবা অমসুং য়োকখৎপিনবা ঙসি উপ রাস্ত্রপতি শ্রী এম. ভেনকিয়া নাইদুনা মীয়ামদা হায়খ্রে৷
অৱাং-নোংপোক রাজ্যশিংদা খোঙচৎ অমা চৎলিবা উপ রাস্ত্রপতিনা ত্রিপুরাগী অগর্তলাদা হেন্দলুম অমসুং হেন্দিক্রাফত পোত্থোকশিংগী এগজিবিসন অমা হৌদোকখ্রে, স্তোলশিং কোইনা চৎতুনা য়েংশিনখ্রে অমদি আর্তিসনশিং, ফিশাবীশিং অমদি অতোপ্পা মীওইশিংগা ৱারি-ৱাতায় শানখ্রে৷
‘বোকেল ফোর লোকেল’গীদমক মীয়ামদা তকশিল্লদুনা, এগজিবিসন অদুদা উৎখিবা ৱাগী বোত্তলশিং, ৱাগী হেন্দবেগশিং, খুৎশেমগী লৈশিং, অগর্বতি, রিশা (ত্রেদিস্নেল স্তোল), মলবরী সিল্ক পোত্থোকশিং অমসুং অগর পাম্বীগী পর্ফ্যুম ওইলগুম্বা তোঙান তোঙানবা পোত্থোকশিংনা মহাকপু অদুক্কী মতিক শুমহৎখি হায়না মহাক্না ফোংদোকখি৷
আর্তিসনশিং, ফিশাবীশিং অমসুং অতোপ্পা ত্রেদিস্নেল প্রদক্তশিং শেম্লিবা মীওইশিংগী তেলেন্ত অমদি খুৎ-শা হৈবগী মওং মতৌ অদুবু থাগৎলদুনা, মখোয় অসি হেন্না পুক্নিং থৌগৎপিবা দরকার ওই হায়না মহাক্না ফোংদোকখি৷
ভারত মচাশিংগী মরক্তা য়াম্না তেলেন্ত লৈবা অমসুং ৱাখল লৈবা মীওই কয়া অমা লৈরি হায়না উপ রাস্ত্রপতিনা ফোংদোকখি৷ ভারত্তা অখন্নবা দেমোগ্রাফিক দিবিদেন্দ অমা লৈ, ভারত্তা লৈরিবা মীয়ামগী ৬৫%দি চহি ৩৫গী মখাদা লৈরিবা মীওইশিংনি অমসুং ৫০%না চহি ২৫গী মখাদা লৈ৷ আর্তিসনশিং অমসুং খুৎ-শা হৈবা মীওইশিংগী তেলেন্ত খন্দোক্তুনা অমসুং মখোয়দা ত্রেনিং পীদুনা মখোয়গী হৈজরিবা স্কিলশিং অদু অপগ্রেদ তৌবা অসিনা হৌজিক হৌজিক্কী ওইনা তঙাই ফদে হায়না মহাক্না ফোংদোকখি৷
আর্তিসনশিং অমসুং ফিশাবীশিংনা চাগা হেন্না তাবা ঙম্নবা অমসুং মশা মরোমদোম লেপচবা ঙম্নবা মখোয়দা ক্রেদিৎ চৎনবা য়াবা মওংদা অমসুং মতম চানা ফংহনবা অমদি মার্কেতিং এভেন্যুশিং শেমগৎপদা হেন্না মরু ওইনা খন্নবা কেন্দ্র অমসুং তোঙান তোঙানবা রাজ্য সরকারশিংদা মহাক্না তকশিনখি৷
এগজিবিসন অসি শিনবগীদমক শ্রী নাইদুনা ওর্গনাইজরশিং, রাজ্য সরকার অমসুং নোর্থ ইস্তর্ন কাউন্সিলবু থাগৎপা ফোংদোকখি৷
ত্রিপুরাগী ইকাই খুম্নরবা মুখ্য মন্ত্রী, শ্রী বিপলাব কুমার দেব, ইন্দস্ত্রী অমসুং কম্মর্স(ঐচ.ঐচ.এস.) অমদি ত্রাইবেল এফিয়র্সকী ইকাই খুম্নরবা মন্ত্রী, শ্রী মেবর কুমার জমতিয়া, নোর্থ ইস্তর্ন কাউন্সিলগী সেক্রেতরী, শ্রী কে. মোসেস চলাই অমসুং অতোপ্পা মশক নাইবা মীওইশিংনা থৌরম অসিদা শরুক য়াখি৷
******
(Release ID: 1761808)
Visitor Counter : 126