ਸ਼ਹਿਰੀ ਹਵਾਬਾਜ਼ੀ ਮੰਤਰੀ ਸ਼੍ਰੀ ਜਯੋਤਿਰਾਦਿੱਤਿਆ ਸਿੰਧੀਆ ਨੇ ਅੱਜ ਕਿਹਾ ਕਿ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਦੀ ਅਗਵਾਈ ਵਿੱਚ ਸਰਕਾਰ ਦੀ ਭੂਮਿਕਾ ਬਦਲ ਗਈ ਹੈ ਅਤੇ ਇਹ ਡਰੋਨ ਲਈ ਸਬੂਤ ਅਧਾਰਤ ਨੀਤੀ ਨਿਰਮਾਣ ਦੀ ਨਵੀਂ ਪਹੁੰਚ ਨੂੰ ਵੇਖਦੇ ਹੋਏ, ਇੱਕ ਰੈਗੂਲੇਟਰ ਦੀ ਬਜਾਏ ਇੱਕ ਯੋਗਕਰਤਾ ਦੇ ਰੂਪ ਵਿੱਚ ਕੰਮ ਕਰ ਰਹੀ ਹੈ।
ਫਿੱਕੀ ਵਲੋਂ ਆਯੋਜਿਤ ਲੋਕ ਚੰਗਿਆਈ ਲਈ ਡਰੋਨ - ਜਨਤਕ ਜਾਗਰੂਕਤਾ ਪ੍ਰੋਗਰਾਮ ਦੇ ਸੈਸ਼ਨ ਨੂੰ ਸੰਬੋਧਨ ਕਰਦਿਆਂ ਸ਼੍ਰੀ ਸਿੰਧੀਆ ਨੇ ਕਿਹਾ ਕਿ ਟੈਕਨਾਲੌਜੀ ਦਾ ਪ੍ਰਚਾਰ ਮਹੱਤਵਪੂਰਨ ਹੈ ਅਤੇ ਡਰੋਨ ਟੈਕਨਾਲੌਜੀ ਹਾਸ਼ੀਏ 'ਤੇ ਰਹਿਣ ਵਾਲਿਆਂ ਨੂੰ ਵਿਕਾਸ ਦੇ ਕੇਂਦਰ ਵਿੱਚ ਲਿਆਏਗੀ। ਉਨ੍ਹਾਂ ਕਿਹਾ, “ਡਰੋਨ ਦੇਸ਼ ਦੀ ਲੰਬਾਈ ਅਤੇ ਚੌੜਾਈ ਤੋਂ ਲੋਕਾਂ ਨੂੰ ਜੋੜਨ ਵਿੱਚ ਅਹਿਮ ਭੂਮਿਕਾ ਨਿਭਾਉਂਦੇ ਹਨ।
ਸ਼੍ਰੀ ਸਿੰਧੀਆ ਨੇ ਕਿਹਾ ਕਿ ਭਾਰਤ ਇੱਕ ਦੇਸ਼ ਦੇ ਰੂਪ ਵਿੱਚ, ਆਮ ਤੌਰ 'ਤੇ ਨਵੀਨਤਾਕਾਰੀ ਜਾਂ ਟੈਕਨਾਲੋਜੀ ਦੇ ਵਿਕਾਸ ਵਿੱਚ ਇੱਕ ਅਨੁਯਾਈ ਰਿਹਾ ਹੈ। ਸ਼ਹਿਰੀ ਹਵਾਬਾਜ਼ੀ ਮੰਤਰੀ ਨੇ ਕਿਹਾ ਕਿ ਇਹ ਪਹਿਲੀ ਵਾਰ ਹੈ ਜਦੋਂ ਅਸੀਂ ਨੇਤਾ ਬਣਨ ਵੱਲ ਵੇਖ ਰਹੇ ਹਾਂ।
ਡਰੋਨ ਲਈ ਪੀਐੱਲਆਈ ਸਕੀਮ ਦੇ ਨਾਲ ਬਹੁਤ ਘੱਟ ਸਮੇਂ ਵਿੱਚ ਨਵੇਂ ਡਰੋਨ ਨਿਯਮ, ਘਰੇਲੂ ਨਿਰਮਾਣ ਦੇ ਨਵੇਂ ਉਦਯੋਗ ਨੂੰ ਬਹੁਤ ਹੁਲਾਰਾ ਦਿੰਦੇ ਹਨ। ਸ਼੍ਰੀ ਸਿੰਧੀਆ ਨੇ ਕਿਹਾ, “ਸੈਕਟਰ ਲਈ 40 ਪ੍ਰਤੀਸ਼ਤ ਮੁੱਲ ਵਾਧੇ ਦੀ ਸੀਮਾ ਉਡਾਣ ਭਰਨ ਦੀ ਸ਼ੁਰੂਆਤ ਕਰਨ ਦਾ ਇੱਕ ਅਨੋਖਾ ਲਾਭ ਦਿੰਦੀ ਹੈ।”
ਉਨ੍ਹਾਂ ਅੱਗੇ ਕਿਹਾ ਕਿ ਕਿਸੇ ਵੀ ਟੈਕਨਾਲੋਜੀ ਨੂੰ ਸਫਲ ਬਣਾਉਣ ਲਈ ਤਿੰਨ ਕਦਮਾਂ ਦੀ ਲੋੜ ਹੁੰਦੀ ਹੈ- ਨੀਤੀਗਤ ਢਾਂਚਾ, ਫੰਡਿੰਗ ਪ੍ਰੋਤਸਾਹਨ ਅਤੇ ਮੰਗ ਢਾਂਚਾ। ਉਨ੍ਹਾਂ ਅੱਗੇ ਕਿਹਾ ਕਿ ਭਾਰਤ ਸਰਕਾਰ ਸਵਾਮਿਤਵ (ਪਿੰਡਾਂ ਦਾ ਸਰਵੇਖਣ ਅਤੇ ਪਿੰਡਾਂ ਦੇ ਖੇਤਰਾਂ ਵਿੱਚ ਸੁਧਰੀ ਤਕਨੀਕ ਨਾਲ ਮੈਪਿੰਗ) ਯੋਜਨਾ ਹਜ਼ਾਰਾਂ ਪਿੰਡਾਂ ਦਾ ਨਕਸ਼ਾ ਬਣਾਉਣ ਲਈ ਡਰੋਨ ਦੀ ਵਰਤੋਂ ਕਰਨ ਦੀ ਯੋਜਨਾ ਬਣਾ ਰਹੀ ਹੈ, ਜਿਸ ਨਾਲ ਭਾਰਤ ਦੇ ਡਰੋਨ ਉਦਯੋਗ ਨੂੰ ਬਹੁਤ ਹੁਲਾਰਾ ਮਿਲੇਗਾ।
ਮੰਤਰੀ ਨੇ ਕਿਹਾ ਕਿ ਭਾਰਤ ਵਿੱਚ ਕੁਝ ਬਹੁਤ ਹੀ ਮੁਸ਼ਕਲ ਪਹੁੰਚ ਵਾਲੇ ਖੇਤਰ ਹਨ ਅਤੇ ਟੀਕੇ ਮੁਹੱਈਆ ਕਰਵਾਉਣ ਵਿੱਚ ਡਰੋਨ ਪ੍ਰਭਾਵਸ਼ਾਲੀ ਹੋਣਗੇ, ਨਤੀਜੇ ਵਜੋਂ ਟੀਕਾਕਰਣ ਮੁਹਿੰਮ ਵਿੱਚ ਵਾਧਾ ਹੋਵੇਗਾ। ਸ਼੍ਰੀ ਸਿੰਧੀਆ ਨੇ ਕਿਹਾ, “ਸਰਕਾਰ ਪਹਿਲਾਂ ਹੀ ਟੀਕੇ ਅਤੇ ਮੈਪਿੰਗ ਦੀ ਵਰਤੋਂ ਅਤੇ ਭਾਰਤ ਵਿੱਚ ਡਰੋਨ ਟੈਕਨਾਲੋਜੀ ਦੀ ਮੰਗ ਢਾਂਚਾ ਤਿਆਰ ਕਰਕੇ ਇੱਕ ਸਹਾਇਕ ਗਾਹਕ ਵਜੋਂ ਕੰਮ ਕਰ ਰਹੀ ਹੈ।” ਮੰਤਰੀ ਨੇ ਕਿਹਾ ਕਿ ਡਰੋਨ ਉਦਯੋਗ ਲਈ ਸਰਕਾਰ ਵਲੋਂ ਮਨਜ਼ੂਰ ਕੀਤੀ ਪੀਐੱਲਆਈ ਸਕੀਮ ਭਾਰਤ ਵਿੱਚ ਨਵੇਂ ਨਿਵੇਸ਼ ਲਿਆਏਗੀ ਅਤੇ ਰੋਜ਼ਗਾਰ ਨੂੰ ਉਤਸ਼ਾਹਤ ਕਰੇਗੀ। ਉਨ੍ਹਾਂ ਕਿਹਾ ਕਿ ਡਰੋਨ ਟੈਕਨਾਲੌਜੀ ਅੱਗੇ ਵਧ ਰਹੀ ਹੈ ਅਤੇ ਉਦਯੋਗ ਸੰਸਥਾਵਾਂ ਨੂੰ ਟੈਕਨਾਲੌਜੀ ਨੂੰ ਉਤਾਰਨ ਵਿੱਚ ਸਹਾਇਤਾ ਕਰਨ ਦੀ ਅਪੀਲ ਕੀਤੀ।
ਵਿਸ਼ਵ ਆਰਥਿਕ ਫੋਰਮ, ਏਰੋਸਪੇਸ ਅਤੇ ਡਰੋਨਸ ਦੇ ਸ਼੍ਰੀ ਵਿਗਨੇਸ਼ ਸੰਥਾਨਮ ਨੇ ਕਿਹਾ ਕਿ ਡਰੋਨਾਂ ਨੂੰ ਖੇਤੀ ਉਤਪਾਦਨ ਪ੍ਰਣਾਲੀ ਲਈ ਅੱਗੇ ਵਧਾਉਣਾ ਚਾਹੀਦਾ ਹੈ ਤਾਂ ਜੋ ਵਧ ਰਹੀ ਪੈਦਾਵਾਰ, ਪੇਂਡੂ ਆਬਾਦੀ ਨੂੰ ਸੁਰੱਖਿਅਤ ਰੋਜ਼ੀ -ਰੋਟੀ ਲਈ ਉੱਨਤੀ ਦੇ ਨਾਲ ਸੈਕਟਰ ਦਾ ਸਮਰਥਨ ਕੀਤਾ ਜਾ ਸਕੇ, ਜੋ ਕਿ ਚੌਥੀ ਆਈਆਰ ਟੈਕਨਾਲੌਜੀ ਲਈ ਇੱਕ ਰਾਹ ਦਿਸੇਰਾ ਹੈ।
ਸ੍ਰੀ ਸਮਿਤ ਸ਼ਾਹ, ਡਾਇਰੈਕਟਰ - ਪਾਰਟਨਰਸ਼ਿਪਸ, ਡੀਐਫਆਈ ਨੇ ਕਿਹਾ, ਅਸੀਂ ਇਸ ਉਦਯੋਗ ਦੇ ਸਹਿਭਾਗੀ ਵਜੋਂ ਮੰਤਰੀ ਦੇ ਯਤਨਾਂ ਦਾ ਸਵਾਗਤ ਕਰਦੇ ਹਾਂ।
ਫਿਕੀ ਦੀ ਡ੍ਰੋਨਸ ਕਮੇਟੀ ਦੇ ਚੇਅਰ ਅਤੇ ਰਿਲਾਇੰਸ ਇੰਡਸਟਰੀਜ਼ ਲਿਮਟਿਡ ਦੇ ਵਿਸ਼ੇਸ਼ ਪ੍ਰਾਜੈਕਟ ਮੁਖੀ ਸ਼੍ਰੀ ਰਾਜਨ ਲੂਥਰਾ ਨੇ ਕਿਹਾ ਕਿ ਖੇਤੀਬਾੜੀ ਭਾਰਤ ਵਿੱਚ ਬਹੁਤ ਮਹੱਤਵਪੂਰਨ ਖੇਤਰਾਂ ਵਿੱਚੋਂ ਇੱਕ ਹੈ, ਜਿਸਦੀ ਵੱਡੀ ਬਾਜ਼ਾਰ ਸੰਭਾਵਨਾ ਹੈ ਅਤੇ ਖੇਤੀਬਾੜੀ ਲਈ ਡਰੋਨਾਂ ਦੀ ਵਰਤੋਂ ਕਿਸਾਨਾਂ ਅਤੇ ਆਮ ਆਦਮੀ ਨੂੰ ਮਹੱਤਵਪੂਰਨ ਲਾਭ ਪ੍ਰਦਾਨ ਕਰੇਗੀ।

************

ਆਰਕੇਜੇ/ਐੱਮ