ਰੱਖਿਆ ਮੰਤਰਾਲਾ
ਏਅਰ ਫੋਰਸ ਕਬੱਡੀ ਚੈਂਪੀਅਨਸ਼ਿਪ
Posted On:
02 OCT 2021 4:05PM by PIB Chandigarh
ਹੈੱਡਕੁਆਰਟਰ ਐੱਮਸੀ ਰਿਪੇਅਰ ਡਿਪੂ, ਪਾਲਮ ਦੀ ਤਰਫੋਂ, ਏਅਰ ਫੋਰਸ ਸਪੋਰਟਸ ਕੰਟਰੋਲ ਬੋਰਡ ਦੀ ਸਰਪ੍ਰਸਤੀ ਹੇਠ 27 ਸਤੰਬਰ 21 ਤੋਂ 01 ਅਕਤੂਬਰ 21 ਤੱਕ ਏਅਰ ਫੋਰਸ ਕਬੱਡੀ ਚੈਂਪੀਅਨਸ਼ਿਪ ਦੀ ਮੇਜ਼ਬਾਨੀ ਕੀਤੀ ਗਈ। ਇਸ ਸਮਾਗਮ ਦਾ ਉਦਘਾਟਨ ਏਅਰ ਕੋਮੋਡੋਰ ਐਸਐਸ ਰੀਹਾਲ ਵੀਐਸਐਮ, ਏਅਰ ਆਫ਼ਿਸਰ ਕਮਾਂਡਿੰਗ ਬੇਸ ਰਿਪੇਅਰ ਡਿਪੂ, ਪਾਲਮ ਨੇ 27 ਸਤੰਬਰ 21 ਨੂੰ ਕੀਤਾ ਸੀ। ਸਾਰੀਆਂ ਕਮਾਂਡਾਂ ਅਤੇ ਏਅਰ ਹੈੱਡਕੁਆਰਟਰਾਂ ਦੇ 120 ਹਵਾਈ ਯੋਧਿਆਂ ਦੀਆਂ ਕੁੱਲ ਅੱਠ ਟੀਮਾਂ ਨੇ ਹਿੱਸਾ ਲਿਆ।
ਚੈਂਪੀਅਨਸ਼ਿਪ ਦਾ ਸਮਾਪਤੀ ਸਮਾਰੋਹ 01 ਅਕਤੂਬਰ 21 ਨੂੰ ਆਯੋਜਿਤ ਕੀਤਾ ਗਿਆ ਸੀ। ਏਅਰ ਕੋਮੋਡੋਰ ਐੱਸ ਐੱਸ ਰੀਹਾਲ, ਵੀਐੱਸਐੱਮ, ਏਅਰ ਆਫ਼ਿਸਰ ਕਮਾਂਡਿੰਗ ਬੇਸ ਰਿਪੇਅਰ ਡੀਪੋ, ਪਾਲਮ ਇਸ ਮੌਕੇ ਤੇ ਮੁੱਖ ਮਹਿਮਾਨ ਸਨ। ਮੁੱਖ ਮਹਿਮਾਨ ਨੇ ਆਪਣੇ ਸਮਾਪਤੀ ਭਾਸ਼ਣ ਵਿੱਚ ਜੇਤੂ ਟੀਮਾਂ ਨੂੰ ਵਧਾਈ ਦਿੱਤੀ ਅਤੇ ਖਿਡਾਰੀ ਦੀ ਸੱਚੀ ਭਾਵਨਾ ਨਾਲ ਖੇਡਣ ਲਈ ਭਾਗੀਦਾਰਾਂ ਦੀ ਸ਼ਲਾਘਾ ਕੀਤੀ। ਉਨ੍ਹਾਂ ਇਹ ਜਾਣ ਕੇ ਖੁਸ਼ੀ ਪ੍ਰਗਟ ਕੀਤੀ ਕਿ ਬਹੁਤ ਸਾਰੇ ਭਾਗੀਦਾਰਾਂ ਨੇ ਪ੍ਰੋ-ਕਬੱਡੀ ਲੀਗ ਪਲੇਟਫਾਰਮ 'ਤੇ ਆਪਣੀ ਪਛਾਣ ਬਣਾਈ ਹੈ। ਉਨ੍ਹਾਂ ਸਾਰੇ ਖਿਡਾਰੀਆਂ ਨੂੰ ਅਪੀਲ ਕੀਤੀ ਕਿ ਉਹ ਸਖਤ ਮਿਹਨਤ ਕਰਦੇ ਰਹਿਣ ਅਤੇ ਅੰਤਰਰਾਸ਼ਟਰੀ ਖੇਡ ਮੋਰਚੇ 'ਤੇ ਆਪਣੀ ਸੇਵਾ ਅਤੇ ਦੇਸ਼ ਦਾ ਨਾਂ ਰੌਸ਼ਨ ਕਰਨ ਦੀ ਕੋਸ਼ਿਸ਼ ਕਰਨ।
ਸਮਾਪਤੀ ਸਮਾਰੋਹ ਵਿੱਚ, ਆਈਏਐਫ ਏਅਰ ਵਾਰੀਅਰ ਡ੍ਰਿਲ ਟੀਮ (ਏਡਬਲਯੂਡੀਟੀ) ਨੇ ਦਰਸ਼ਕਾਂ ਨੂੰ ਉਨ੍ਹਾਂ ਦੀ ਨਿਰਵਿਘਨ ਸਿੰਕ੍ਰੋਨਾਈਜ਼ਡ ਡ੍ਰਿਲ ਗਤੀਵਿਧੀਆਂ ਨਾਲ ਆਨੰਦਿਤ ਕੀਤਾ। ਇਸ ਸਮਾਗਮ ਨੂੰ ਅਰਜੁਨ ਅਵਾਰਡੀ ਸ਼੍ਰੀ ਰਾਮ ਮੇਹਰ ਸਿੰਘ ਅਤੇ ਸ਼੍ਰੀ ਅਨੂਪ ਸਿੰਘ ਅਤੇ ਦਰੋਣਾਚਾਰੀਆ ਐਵਾਰਡੀ ਸ਼੍ਰੀ ਬਲਵਾਨ ਸਿੰਘ ਨੇ ਵੀ ਮਾਣ ਪ੍ਰਦਾਨ ਕੀਤਾ, ਜਿਨ੍ਹਾਂ ਨੇ ਸਮਾਪਤੀ ਸਮਾਰੋਹ ਦੇ ਸਾਰੇ ਨੌਜਵਾਨ ਪ੍ਰਤਿਭਾਸ਼ਾਲੀ ਕਬੱਡੀ ਖਿਡਾਰੀਆਂ ਸਮੇਤ ਸਾਰੇ ਪ੍ਰਤੀਭਾਗੀਆਂ ਦਾ ਮਨੋਬਲ ਵਧਾਉਣ ਵਾਲਿਆਂ ਵਜੋਂ ਕੰਮ ਕੀਤਾ।
---------------------------
ਏ ਬੀ ਬੀ /ਆਈ ਐੱਨ /ਐੱਮ ਐੱਸ
(Release ID: 1760519)
Visitor Counter : 135