নাকল অনিমক্কী ওইনা মশক খঙদোক্লবা লমশিংদা চুংশিন্নদুনা রিসর্চ পাঙথোক্নবা অমসুং রিসর্চকী থবক-থৌরমশিং পুক্নীং থৌগৎনবা রিজনেল আয়ুর্বেদ রিসর্চ ইন্সতিত্যুত (আর.এ.আর.আই.)না সিক্কিম মনিপাল য়ুনিভর্সিতী (এস.এম.য়ু.)গা লোয়ননা মেমোরেন্সম ওফ অন্দর্স্তেন্দিং অমা খুৎয়েক পীনখ্রে।

আর.এ.আর.আই., গেংতোক্কী এসিস্তেন্ত দিরেক্তর-ইনচার্জ, দা. শ্রীপ্রকাশ অমসুং এস.এম.য়ু.গী ভাইস চাঞ্চেলর, দা. (লেফতনেন্ত জেনরেল) রাজন এস গ্রেৱলনা মখোয় মশাগী ইন্সতিত্যুসনশিংগী মহুৎ শিন্দুনা এম.ও.য়ু, অসি খুৎয়েক পীখি।

এম.ও.য়ু. খুৎয়েক পীনবগী থৌরম অদুদা, এস.এম.য়ু.গী ভি.সি., দা. (লেফতনেন্ত জেনরেল) গ্রেৱলনা আর.এ.আর.আই.দা গেংতোক্তা লৈবা সিক্কিম মনিপাল ইন্সতিত্যুত ওফ মেদিকেল সাইন্সেসকী সেন্ত্রেল রিফরেন্স হোস্পিতালদা য়ুনিত অমা হাংনবসু হায়খি। দা. শ্রীপ্রকাশনা নই দিল্লীদা লৈবা কম্পিতেন্ত ওথোরিতীদগী এপ্রুবেল অমা ফংলবা মতুংদা মদু শোইদনা পাঙথোক্কনি হায়না থাজবা পীখি।

এম.ও.য়ু. অসিনা সাইন্স, মেদিকেল অমসুং এলাইদ হেল্থ সাইন্সেসকী দিসিপ্লিন অমা নত্ত্রগা হেনবদা রিসর্চ অমসুং এজুকেসন্দা লৈরিবা মখোয়গী মপাঙ্গল অসি শক খঙদোক্নবা ইন্সতিত্যুসন অনিগী মরক্তা মরী ফগৎহন্নবা অমসুং অমনা অমবু মুন্না খঙবা হেনগৎহন্নবা পান্দম থম্লি।

আর.এ.আর.আই. অমসুং এস.এম.য়ু.না রিসর্চ অমসুং ত্রেনিং প্রোগ্রামশিং পুন্না পাঙথোক্তুনা অমসুং নাকল অনিমক্তা কান্নগদবা হীরমশিংদা পুন্না সেমিনারশিং, কনফরেন্সশিং অমসুং ৱর্কশোপশিং পাঙথোক্তুনা একাদেমিক কো-ওপরেসন্দা পুক্নীং থৌগৎনবা অমসুং দিবেলপমেন্ত লৈহন্নবসু য়ান্নখি। ইন্সতিত্যুসন অনিমক্না মখোয়গী এজুকেস্নেল অমসুং রিসর্চ এক্তিবিতীশিংগা মরী লৈনবা রিসর্চ, ত্রেনিং, লর্নিং মেতরিএল অমসুং অতৈ লিতরেচরদা এক্সচেঞ্জ তৌনবা খুদোংচাবশিং এক্সপ্লোর তৌনবা ৱারেপ লৌখি।

এম.ও.য়ু. খুৎয়েক পীনবগী থৌরমদা আর.এ.আর.আই.গী দা. রাহুল ধনরাজ ঘুস, রিসর্চ ওফিসর (আয়ুর্বেদ) অমসুং দা. অশোক সিনহা, রিসর্চ ওফিসর (আয়ুর্বেদ) অমসুং এস.এম.য়ু.গী রেজিস্ত্রার দা. কে.এস. শর্পা, দা. রেমোন চেত্রি, ও.এস.দি. তু ভি.সি. অমসুং দা. প্রাগ্যা কাফ্লে, আই/সি/ ব্লদ বেঙ্ক, সেন্ত্রেল রিফরেল হোস্পিতাল, এস.এম.আই.এম.এস. য়াওনা অতৈ ওফিসিএলশিং শরুক য়াখি।

**********