ਕੇਂਦਰੀ ਐਮਐਸਐਮਈਜ਼ ਮੰਤਰੀ ਸ਼੍ਰੀ ਨਾਰਾਇਣ ਰਾਣੇ ਨੇ ਅੱਜ ਨਵੀਂ ਦਿੱਲੀ ਵਿੱਚ ਵਰਚੁਅਲ ਰੂਪ ਵਿੱਚ ਇੰਡੀਆ ਐਕਸਪੋਰਟ ਇਨੀਸ਼ੀਏਟਿਵ ਅਤੇ ਇੰਡੀਆਐਕਸਪੋਰਟਸ 2021 ਪੋਰਟਲ ਆਫ਼ ਇੰਡੀਆ ਐਸਐਮਈ ਫੋਰਮ ਦਾ ਉਦਘਾਟਨ ਕੀਤਾ। ਉਨ੍ਹਾਂ ਦੇ ਨਾਲ ਰਾਜ ਮੰਤਰੀ ਸ਼੍ਰੀ ਭਾਨੂ ਪ੍ਰਤਾਪ ਸਿੰਘ ਵਰਮਾ ਅਤੇ ਮੰਤਰਾਲਾ ਦੇ ਸੀਨੀਅਰ ਅਧਿਕਾਰੀ ਵੀ ਸਨ।

ਇਸ ਮੌਕੇ ਬੋਲਦਿਆਂ, ਸ਼੍ਰੀ ਰਾਣੇ ਨੇ ਐਮਐਸਐਮਈਜ਼ ਦੀ ਸਹਾਇਤਾ ਨਾਲ ਬਰਾਮਦ ਵਿੱਚ ਵਾਧੇ ਨੂੰ ਅੱਗੇ ਵਧਾਉਣ ਅਤੇ ਇਸ ਵਿੱਤੀ ਸਾਲ ਤੱਕ 400 ਬਿਲੀਅਨ ਡਾਲਰ ਦੇ ਟੀਚੇ ਨੂੰ ਪ੍ਰਾਪਤ ਕਰਨ ਅਤੇ 2027 ਤੱਕ ਬਰਾਮਦ ਵਿੱਚ 1 ਟ੍ਰਿਲੀਅਨ ਦੇ ਚੁਣੌਤੀਪੂਰਨ ਟੀਚੇ ਨੂੰ ਪ੍ਰਾਪਤ ਕਰਨ ਦਾ ਵਿਸ਼ਵਾਸ ਪ੍ਰਗਟਾਇਆ। ਉਨ੍ਹਾਂ ਕਿਹਾ ਕਿ ਬਰਾਮਦ ਨੂੰ ਵਧਾਉਣ ਅਤੇ ਸਥਾਨਕੀਕਰਨ ਨੂੰ ਯਕੀਨੀ ਬਣਾਉਣ ਲਈ ਇਹ ਜਰੂਰੀ ਹੈ ਕਿ ਭਾਰਤ  ਦੇ ਨਿਰਮਾਣ ਅਧਾਰ ਵਿੱਚ ਸੁਧਾਰ ਕਰਕੇ ਦੇਸ਼ ਨੂੰ ਇੱਕ ਵਿਸ਼ਵਵਿਆਪੀ ਪਾਵਰ ਹਾਊਸ ਬਣਾਇਆ ਜਾਵੇ। ਇਹ ਭਾਰਤ ਦੇ ਪ੍ਰਤੀਯੋਗੀ ਲਾਭ ਨੂੰ ਵਧਾ ਕੇ ਜਾਂ ਐਮਐਸਐਮਈਜ਼ ਦੀ ਪ੍ਰਤੀਯੋਗਤਾ ਨੂੰ ਵਧਾ ਕੇ ਪ੍ਰਾਪਤ ਕੀਤਾ ਜਾ ਸਕਦਾ ਹੈ ਅਤੇ ਭਾਰਤ ਨੂੰ ਵਿਸ਼ਵ ਲਈ ਨਿਰਮਾਣ ਦਾ ਇੱਕ ਪਸੰਦੀਦਾ ਦੇਸ਼ ਬਣਾ ਸਕਦਾ ਹੈ। ਮੰਤਰੀ ਨੇ ਕਿਹਾ, ਵਪਾਰ ਸੰਤੁਲਨ ਘਟਾਉਣ ਅਤੇ ਦਰਾਮਦ ਘਟਾਉਣ ਲਈ, ਐਮਐਸਐਮਈ ਇੱਕ ਮਹੱਤਵਪੂਰਨ ਭੂਮਿਕਾ ਨਿਭਾਏਗਾ ਅਤੇ ਅਜਿਹਾ ਆਪਣੀਆਂ ਨਿਰਮਾਣ ਸਮਰੱਥਾਵਾਂ ਨੂੰ ਵਧਾਉਣ ਰਾਹੀਂ ਹੀ ਕੀਤਾ ਜਾ ਸਕਦਾ ਹੈ। ਉਨ੍ਹਾਂ ਕਿਹਾ ਕਿ ਇੱਕ ਸਮੁੱਚੀ ਪਹੁੰਚ ਭਾਰਤ ਨੂੰ ਇੱਕ ਵਿਸ਼ਵਵਿਆਪੀ ਨਿਰਮਾਣ ਅਤੇ ਲੀਡਿੰਗ ਬਰਾਮਦ ਕੇਂਦਰ ਬਣਾਏਗੀ।  

ਰਾਜ ਮੰਤਰੀ ਸ੍ਰੀ ਭਾਨੂ ਪ੍ਰਤਾਪ ਸਿੰਘ ਵਰਮਾ ਨੇ ਉਸ ਸਮੇਂ ਨੂੰ ਯਾਦ ਕੀਤਾ ਜਦੋਂ ਦੇਸ਼ ਦੇ ਸ਼ਕਤੀਸ਼ਾਲੀ ਵਪਾਰ ਅਤੇ ਬਰਾਮਦ ਕਾਰਨ ਵਿਸ਼ਵਵਿਆਪੀ ਵਪਾਰ ਵਿੱਚ ਭਾਰਤ ਦੀ ਵੱਡੀ ਹਿੱਸੇਦਾਰੀ ਸੀ। ਉਨ੍ਹਾਂ ਕਿਹਾ, ਐਮਐਸਐਮਈ ਬਰਾਮਦਾਂ ਭਾਰਤੀ ਅਰਥ ਵਿਵਸਥਾ ਦੀ ਮਜ਼ਬੂਤੀ ਨੂੰ ਬਹਾਲ ਕਰਨ ਵਿੱਚ ਇੱਕ ਉਤਪ੍ਰੇਰਕ ਦੀ ਭੂਮਿਕਾ ਨਿਭਾਉਣ ਜਾ ਰਹੀਆਂ ਹਨ। ਭਾਰਤ ਦੇ ਭੂਗੋਲਿਕ ਵਿਸਥਾਰ ਵਿੱਚ ਫੈਲੇ 63 ਮਿਲੀਅਨ ਤੋਂ ਵੱਧ ਐੱਮਐੱਸਐੱਮਈ 40 % ਦਾ ਯੋਗਦਾਨ ਪਾ ਰਹੀਆਂ ਹਨ , ਇਸ ਤਰ੍ਹਾਂ ਦੇਸ਼ ਦੀ ਨਿਰਮਾਣ ਜੀਡੀਪੀ ਵਿੱਚ ਤਕਰੀਬਨ 6.11 % ਅਤੇ ਸੇਵਾ ਖੇਤਰ ਤੋਂ ਜੀਡੀਪੀ ਦਾ 24.63% ਯੋਗਦਾਨ ਹੈ। 

ਇੰਡੀਆਐਕਸਸਪੋਰਟਸ ਦਾ ਉਦੇਸ਼ ਐਮਐਸਐਮਈਜ਼ ਨੂੰ ਮੁਫਤ ਦਿਸ਼ਾ ਪ੍ਰਦਾਨ ਕਰਨਾ ਹੈ, ਜਿਸਦਾ ਉਦੇਸ਼ ਮੌਜੂਦਾ ਟੈਰਿਫ ਲਾਈਨਾਂ ਵਿੱਚ ਅਣਵਰਤੀ ਬਰਾਮਦ  ਸੰਭਾਵਨਾ 'ਤੇ ਧਿਆਨ ਕੇਂਦਰਤ ਕਰਨਾ ਹੈ ਅਤੇ ਐਮਐਸਐਮਈਜ਼ ਦੀ ਸਹਾਇਤਾ ਕੀਤੇ ਜਾਣ ਨਾਲ ਬਰਾਮਦ ਕਰਨ ਵਾਲੇ ਐਮਐਸਐਮਈਜ਼ ਦੀ ਸੰਖਿਆ ਵਿੱਚ ਵਾਧਾ ਕਰਨ ਅਤੇ ਐਮਐਸਐਮਈ ਬਰਾਮਦਾਂ ਨੂੰ 2022 ਤਕ 50% ਵਧਾਉਣਾ ਅਤੇ ਪ੍ਰਧਾਨ ਮੰਤਰੀ ਦੇ 5 ਟ੍ਰਿਲੀਅਨ ਅਮਰੀਕੀ ਡਾਲਰ ਦੀ ਅਰਥਵਿਵਸਥਾ ਦੇ ਸੁਪਨੇ ਵਿੱਚ ਯੋਗਦਾਨ ਪਾਉਣਾ ਹੈ।

 ਇਸ ਪਹਿਲਕਦਮੀ ਵਿੱਚ ਇੱਕ ਜਾਣਕਾਰੀ ਪੋਰਟਲ ਹੈ ਜੋ ਭਾਰਤੀ ਐਮਐਸਐਮਈਜ਼ ਵੱਲੋਂ ਬਰਾਮਦ ਲਈ ਸਾਰੀਆਂ 456 ਟੈਰਿਫ ਲਾਈਨਾਂ ਦੇ ਨਾਲ ਨਾਲ ਸੰਭਾਵਤ ਬਾਜ਼ਾਰਾਂ ਸਮੇਤ ਬਰਾਮਦ ਪ੍ਰਕਿਰਿਆਵਾਂ ਅਤੇ ਹੋਰ ਬਹੁਤ ਕੁਝ ਦੇ ਨਾਲ ਬਰਾਮਦ ਸੰਬੰਧੀ ਲੋੜੀਂਦੀ ਜਾਣਕਾਰੀ ਦੇ ਨਾਲ ਇੱਕ ਗਿਆਨ ਅਧਾਰ ਦੇ ਰੂਪ ਵਿੱਚ ਕੰਮ ਕਰਦਾ ਹੈ। ਇੱਕ ਬਰਾਮਦ ਸਹਾਇਤਾ ਡੈਸਕ ਤੋਂ ਇਲਾਵਾ, ਅੰਤਰਰਾਸ਼ਟਰੀ ਬਾਜ਼ਾਰਾਂ ਵਿੱਚ ਵਿਸ਼ੇਸ਼ ਉਤਪਾਦਾਂ ਦੇ ਮੌਕਿਆਂ ਨੂੰ ਉਜਾਗਰ ਕਰਨ ਵਾਲੇ ਖਾਸ ਖੇਤਰਾਂ ਲਈ ਲੜੀਵਾਰ ਸੈਸ਼ਨਾਂ ਰਾਹੀਂ ਐਮਐਸਐਮਈਜ਼ ਨੂੰ ਇੰਸਟ੍ਰਕਟਰ ਦੀ ਅਗਵਾਈ ਵਾਲੀ ਸਥਿਤੀ ਵੀ ਪ੍ਰਦਾਨ ਕੀਤੀ ਜਾਏਗੀ। ਇਸ  ਪਹਿਲਕਦਮੀ ਦਾ ਟੀਚਾ ਬਰਾਮਦ ਬਾਰੇ ਜਾਣਕਾਰੀ ਹਾਸਲ ਕਰਨ ਦੀਆਂ  ਇੱਛੁਕ 1 ਲੱਖ ਤੋਂ ਵੱਧ ਐਮਐਸਐਮਈਜ਼ ਨੂੰ ਜਾਣਕਾਰੀ ਮੁਹਈਆ ਕਰਾਉਣਾ ਅਤੇ 30, 000 ਤੋਂ ਵੱਧ ਐਮਐਸਐਮਈਜ ਨੂੰ ਬਰਾਮਦਾਂ ਸ਼ੁਰੂ ਕਰਨ  ਅਤੇ ਸਰਗਰਮ ਬਰਾਮਦਕਾਰਾਂ ਦੇ ਆਧਾਰ ਨੂੰ ਦੁਗਣਾ ਕਰਨਾ ਹੈ। 

------------------------------

ਐਮਜੇਪੀਐਸ/ਐਮਐਸ/ਜੇਕੇ