இந்தியாவில் செலுத்தப்பட்டுள்ள கொவிட் தடுப்பூசியின் மொத்த எண்ணிக்கை 87.66 கோடியைக் கடந்து, புதிய சாதனையைப் படைத்துள்ளது. கடந்த 24 மணி நேரத்தில் 54,13,332 தடுப்பூசிகள் செலுத்தப்பட்டுள்ளன. இன்று காலை 7 மணிக்குக் கிடைத்த முதற்கட்ட தகவலின்படி, மொத்தம் 85,33,076 முகாம்களில் 87,66,63,490  தடுப்பூசிகள் போடப்பட்டுள்ளன.

கடந்த 24 மணி நேரத்தில் 28,178 பேர் குணமடைந்தனர். இதன் மூலம் குணமடைந்தவர்களின் மொத்த எண்ணிக்கை 3,29,86,180. ஆக உயர்ந்துள்ளது.

நம் நாட்டில் குணமடைந்தவர்களின் விழுக்காடு, 97.83 சதவீதமாக உள்ளது. இது கடந்த மார்ச் 2020-க்குப் பிறகு மிக அதிகமாகும்.

தொடர்ந்து 94 நாட்களாக புதிய பாதிப்புகளின் எண்ணிக்கை 50,000க்கும் குறைவாக ஏற்பட்டு வருகிறது.

இந்தியா தொடர்ச்சியாக இரண்டாவது நாளுக்கு 20,000 க்கும் குறைவான தினசரி புதிய வழக்குகளைப் பதிவு செய்கிறது. கடந்த 24 மணி நேரத்தில் 18,870 புதிய வழக்குகள் பதிவாகியுள்ளன.

இந்தியாவில் கொவிட் தொற்றுக்கு சிகிச்சை பெறுவோரின் எண்ணிக்கை  2,82,520 ஆக உள்ளது. இது, நாட்டின் மொத்த பாதிப்பில் 0.84 சதவீதம் ஆகும். இது 194 நாட்களில் மிகக் குறைவானது.

கடந்த 24 மணி நேரத்தில் 15,04,713 பரிசோதனைகளும், இந்தியாவில் இதுவரை மொத்தம் 56,74,50,185 பரிசோதனைகளும் மேற்கொள்ளப்பட்டுள்ளன.

வாராந்திர தொற்று உறுதி விழுக்காடு தொடர்ந்து 96 நாட்களாக 3 சதவீதத்திற்கும் குறைவாக, 1.82 சதவீதமாகவும், தினசரி தொற்று உறுதி விகிதம் 1.25 சதவீதமாகவும் இன்று பதிவாகியுள்ளது. இந்த எண்ணிக்கை 30 நாட்களாக 3 சதவீதத்திற்குக் குறைவாகவும், தொடர்ந்து 113 நாட்களாக 5 சதவீதத்திற்குக் குறைவாகவும் ஏற்பட்டுள்ளது.

மேலும் விவரங்களுக்கு இந்த ஆங்கில செய்திக் குறிப்பைக் காணவும்: https://pib.gov.in/PressReleasePage.aspx?PRID=1759137

******

(Release ID: 1759137)