ਪ੍ਰਮੁੱਖ ਵਿਸ਼ੇਸ਼ਤਾਈਆਂ :

·         ਖੇਡ ਮੰਤਰੀ ਨੇ ਕਈ ਖੇਡ ਪ੍ਰਤੀਨਿਧੀਆਂ ਨਾਲ ਮੁਲਾਕਾਤ ਕੀਤੀ, ਜਿਨ੍ਹਾਂ ਵਿੱਚ ਕਈ ਖੇਡਾਂ ਨਾਲ ਸੰਬੰਧਿਤ ਸਾਬਕਾ ਖਿਡਾਰੀ,  ਕੋਚ ,  ਮੌਜੂਦਾ ਖਿਡਾਰੀ ਅਤੇ ਉੱਭਰਦੇ ਖਿਡਾਰੀ ਸ਼ਾਮਿਲ ਸਨ

·         ਪੂਰੇ ਕੇਂਦਰ ਸ਼ਾਸਿਤ ਪ੍ਰਦੇਸ਼ ਜੰਮੂ ਤੇ ਕਸ਼ਮੀਰ ਵਿੱਚ ਖੇਡ ਦੇ ਮੈਦਾਨਾਂ ਅਤੇ ਇਨਡੋਰ ਸਟੇਡੀਅਮਾਂ ਦੇ ਵਿਕਾਸ ਲਈ ਕੇਂਦਰ ਸਰਕਾਰ ਨੇ ਪ੍ਰਧਾਨ ਮੰਤਰੀ ਵਿਕਾਸ ਯੋਜਨਾ  ਦੇ ਤਹਿਤ 200 ਕਰੋੜ ਰੁਪਏ ਦੀ ਰਕਮ ਤੈਅ ਕੀਤੀ ਹੈ: ਖੇਡ ਮੰਤਰੀ

·         ਕੇਂਦਰੀ ਸੂਚਨਾ ਅਤੇ ਪ੍ਰਸਾਰਣ ਅਤੇ ਯੁਵਾ ਮਾਮਲੇ ਅਤੇ ਖੇਡ ਮੰਤਰੀ ਸ਼੍ਰੀ ਅਨੁਰਾਗ ਠਾਕੁਰ ਦਾ ਦੋ ਦਿਨਾਂ ਗਾਂਦਰਬਲ ਦੌਰਾ ਅੱਜ ਪੂਰਾ ਹੋ ਗਿਆ ।

ਇਨ੍ਹਾਂ ਦੋ ਦਿਨਾਂ ਦੇ ਦੌਰਾਨ ਖੇਡ ਮੰਤਰੀ ਨੇ ਕਈ ਖੇਡ ਪ੍ਰਤੀਨਿਧੀਆਂ ਨਾਲ ਮੁਲਾਕਾਤ ਕੀਤੀ, ਜਿਨ੍ਹਾਂ ਵਿੱਚ ਕਈ ਖੇਡਾਂ ਨਾਲ ਸੰਬੰਧਿਤ ਸਾਬਕਾ ਖਿਡਾਰੀ ,  ਕੋਚ ,  ਮੌਜੂਦਾ ਖਿਡਾਰੀ ਅਤੇ ਉੱਭਰਦੇ ਖਿਡਾਰੀ ਸ਼ਾਮਿਲ ਸਨ ।

ਖੇਡ ਵਫ਼ਦ ਨੇ ਸ਼੍ਰੀ ਠਾਕੁਰ ਨੂੰ ਕੇਂਦਰ ਸ਼ਾਸਿਤ ਪ੍ਰਦੇਸ਼ ਵਿੱਚ ਉਪਲੱਬਧ ਮੌਜੂਦਾ ਖੇਡ ਸਹੂਲਤਾਂ ਦੀ ਜਾਣਕਾਰੀ ਦਿੱਤੀ ਅਤੇ ਪੂਰੇ ਕੇਂਦਰ ਸ਼ਾਸਿਤ ਪ੍ਰਦੇਸ਼ ਵਿੱਚ ਖੇਡਾਂ  ਦੇ ਹੋਰ ਵਿਕਾਸ ਲਈ ਕਈ ਮੰਗਾਂ ਪੇਸ਼ ਕੀਤੀਆਂ ।  ਇਨ੍ਹਾਂ ਮੰਗਾਂ ਵਿੱਚ ਜੰਮੂ ਤੇ ਕਸ਼ਮੀਰ  ਵਿੱਚ ਖੇਡ ਉਦਯੋਗਾਂ ,  ਮੌਜੂਦਾ ਖੇਡ ਬੁਨਿਆਦੀ  ਢਾਂਚੇ ਦੇ ਵਿਕਾਸ, ਬਲਾਕ ਪੱਧਰ ਉੱਤੇ ਇਨਡੋਰ ਬਹੁ-ਉਦੇਸ਼ੀ ਟ੍ਰੇਨਿੰਗ ਸੈਂਟਰਾਂ ਦੀ ਸਥਾਪਨਾ,  ਉਚਾਈ ਵਾਲੇ ਸਥਾਨਾਂ ਵਿੱਚ ਟ੍ਰੇਨਿੰਗ ਸੈਂਟਰਾਂ ਦੀ ਸਥਾਪਨਾ,  ਆਦਿ ਵਿਸ਼ੇ ਸਨ।

ਵਫ਼ਦ ਨਾਲ ਗੱਲ ਕਰਦੇ ਹੋਏ ਖੇਡ ਮੰਤਰੀ  ਨੇ ਕਿਹਾ ਕਿ ਕੇਂਦਰ ਸਰਕਾਰ ਯੁਵਾਵਾਂ ਦੀ ਖੇਡ ਪ੍ਰਤਿਭਾ ਅਤੇ ਦਿਲਚਸਪੀ ਨੂੰ ਮੱਦੇਨਜ਼ਰ ਰੱਖਦੇ ਹੋਏ ਖੇਡ ਬੁਨਿਆਦੀ ਢਾਂਚੇ  ਦੇ ਵਿਕਾਸ ਲਈ ਪ੍ਰਤੀਬੱਧ ਹੈ।  ਉਨ੍ਹਾਂ ਨੇ ਦੱਸਿਆ ਕਿ ਕੇਂਦਰ ਸਰਕਾਰ ਨੇ ਪੂਰੇ ਕੇਂਦਰ ਸ਼ਾਸਿਤ ਪ੍ਰਦੇਸ਼ ਜੰਮੂ ਤੇ ਕਸ਼ਮੀਰ  ਵਿੱਚ ਖੇਡ  ਦੇ ਮੈਦਾਨਾਂ ਅਤੇ ਇਨਡੋਰ ਸਟੇਡੀਅਮਾਂ  ਦੇ ਵਿਕਾਸ ਲਈ ਪ੍ਰਧਾਨ ਮੰਤਰੀ ਵਿਕਾਸ ਯੋਜਨਾ  ਦੇ ਤਹਿਤ 200 ਕਰੋੜ ਰੁਪਏ ਦੀ ਧਨਰਾਸ਼ੀ ਨਿਰਧਾਰਿਤ ਕੀਤੀ ਹੈ ।

ਉਨ੍ਹਾਂ ਨੇ ਕਿਹਾ ਕਿ ਕੇਂਦਰ ਸ਼ਾਸਿਤ ਪ੍ਰਦੇਸ਼ ਲਈ ਖੇਲੋ ਇੰਡੀਆ ਯੋਜਨਾ  ਦੇ ਤਹਿਤ 40 ਸੈਂਟਰਾਂ ਨੂੰ ਮਨਜ਼ੂਰੀ ਦਿੱਤੀ ਗਈ ਹੈ,  ਜਿੱਥੇ ਕਿਸੇ ਖੇਡ - ਵਿਸ਼ੇਸ਼ ਵਿੱਚ ਪ੍ਰਤਿਭਾ ਅਤੇ ਰੁਚੀ ਨੂੰ ਵੇਖਦੇ ਹੋਏ ਯੁਵਾਵਾਂ ਨੂੰ ਟ੍ਰੇਂਡ ਕੀਤਾ ਜਾਵੇਗਾ ।  ਉਨ੍ਹਾਂ ਨੇ ਕਿਹਾ ਕਿ ਇਸ ਦੇ ਇਲਾਵਾ ਖਿਡਾਰੀਆਂ ਨੂੰ ਵਿਗਿਆਨਿਕ ਤਰੀਕੇ ਨਾਲ ਟ੍ਰੇਨਿੰਗ ਦੇਣ ਲਈ ਪ੍ਰੋਗਰਾਮਾਂ ਦੀ ਰੂਪ ਰੇਖਾ ਤਿਆਰ ਕੀਤੀ ਜਾ ਰਹੀ ਹੈ ।

ਆਪਣੇ ਸਾਹਮਣੇ ਪੇਸ਼ ਕੀਤੀਆਂ ਗਈਆਂ ਮੰਗਾਂ ਉੱਤੇ ਜਵਾਬ ਦਿੰਦੇ ਹੋਏ ਸ਼੍ਰੀ ਠਾਕੁਰ ਨੇ ਕਿਹਾ ਕਿ ਇਹ ਵੇਖਣਾ ਬਹੁਤ ਉਤਸਾਹਜਨਕ ਹੈ ਕਿ ਲੋਕ ਖੇਡਾਂ ਉੱਤੇ ਧਿਆਨ ਦੇਣ ਲੱਗੇ ਹਨ ।  ਇਹ ਪੂਰੇ ਦੇਸ਼ ਲਈ ਗੌਰਵ ਦੀ ਗੱਲ ਹੈ ।  ਉਨ੍ਹਾਂ ਨੇ ਭਰੋਸਾ ਦਿਵਾਇਆ ਕਿ ਖੇਤਰ ਵਿੱਚ ਵਿਨਟਰ (ਸ਼ੀਤਕਾਲੀਨ) ਅਤੇ ਸਮਰ ਗੇਮਜ  ਦੇ ਵਿਕਾਸ ਲਈ ਪੂਰਾ ਸਹਿਯੋਗ ਕੀਤਾ ਜਾਵੇਗਾ ।

ਇਸ ਮੌਕੇ ਉੱਤੇ ਉਪ ਰਾਜਪਾਲ ਦੇ ਸਲਾਹਕਾਰ ਸ਼੍ਰੀ ਫਾਰੂਕ ਅਹਿਮਦ ਖਾਨ,  ਜ਼ਿਲ੍ਹਾ ਵਿਕਾਸ ਪਰਿਸ਼ਦ,  ਗਾਂਦਰਬਲ ਦੀ ਚੇਅਰਪਰਸਨ ਸੁਸ਼੍ਰੀ ਨੁਜਹਤ ਅਸ਼ਫਾਕ ,  ਗਾਂਦਰਬਲ ਦੀ ਡਿਪਟੀ ਕਮਿਸ਼ਨਰ ਸੁਸ਼੍ਰੀ ਕ੍ਰਿਤਿਕਾ ਜਯੋਤਸਨਾ ,  ਜ਼ਿਲ੍ਹਾ ਵਿਕਾਸ ਪਰਿਸ਼ਦ  ਦੇ ਵਾਈਸ ਚੇਅਰਪਰਸਨ ਸ਼੍ਰੀ ਬਿਲਾਲ ਅਹਿਮਦ  ਅਤੇ ਜ਼ਿਲ੍ਹਾ ਪ੍ਰਸ਼ਾਸਨ  ਦੇ ਹੋਰ ਅਧਿਕਾਰੀ ਵੀ ਮੌਜੂਦ ਸਨ ।

ਇਸ ਦੇ ਪਹਿਲਾਂ ਸ਼੍ਰੀ ਅਨੁਰਾਗ ਠਾਕੁਰ  ਨੇ ਤੁਲਾਮੁਲਾ ਸਥਿਤ ਖੀਰ ਭਵਾਨੀ ਮੰਦਿਰ  ਵਿੱਚ ਦਰਸ਼ਨ ਕੀਤੇ ਅਤੇ ਸਭ ਦੇ ਸੁਖ ,  ਸਮ੍ਰਿੱਧੀ ਅਤੇ ਸਲਾਮਤੀ ਦੀ ਅਰਦਾਸ ਕੀਤੀ ।

 *******

ਐੱਨਬੀ/ਓਏ