نئی دلّی ،24 ستمبر / سڑک ٹرانسپورٹ   اور شاہراہوں  کے مرکزی وزیر جناب نتن گڈکری 27 ستمبر  ، 2021 ء کو مرکز کے زیرِ انتطام علاقے جموں و کشمیر  میں مختلف قومی شاہراہوں  کا سنگِ بنیاد  رکھیں گے ۔ وزیر موصوف  28 ستمبر ، 2021 ء کو زیڈ – موڑ اور زوجیلا سرنگ  کا معائنہ کریں گے ۔

جناب گڈکری مندرجہ ذیل سڑک پروجیکٹوں کا سنگِ بنیاد رکھیں گے  :

1. بارہمولہ-گلمرگ: مرکز کے زیرِ انتظام علاقے جموں و کشمیر میں این ایچ – 701 اے  موجودہ راستے کو بہتر بنانا ۔ کل لمبائی 43 کلومیٹر ۔  لاگت 85 کروڑ روپئے ۔ اس سے گلمرگ جانے والے سیاحوں کے لئے قومی شاہراہ کی حالت بہتر ہو گی ۔
2. ویلو سے ڈونی پاوا ( پی – IV ) : جموں و کشمیر کے ضلع اننت ناگ میں این ایچ – 244 ۔  سڑک کی تعمیر اور اپ گریڈیشن ( 2 ایل + پی ایس ) ۔  کل لمبائی 28 کلو میٹر ، منظور شدہ لاگت 158 کروڑ روپئے ۔ یہ سڑک کوکرناگ اور ویلو کو درمیان رابطہ فراہم کرے گی۔
3. دونی پاوا سے اَشاجی پورہ  ( پی – VII ) : اننت ناگ ضلع سے این ایچ – 44 سے ملنے والے این ایچ – 244 ۔  نئے بائی پاس کی تعمیر (دو ایل + پی ایس) ۔ کل لمبائی 8.5 کلومیٹر ۔ لاگت 57 کروڑ روپئے۔ یہ اننت ناگ شہر کا بائی پاس ہوگا۔

وزیر موصوف مندرجہ ذیل پروجیکٹ مقامات کا دورہ کریں گے :

1. زیڈ – موڑ پورٹل علاقہ کا دورہ کریں گے اور زیڈ – موڑ اصل سرنگ  سے گذریں گے ۔ زیڈ – موڑ کی سرنگ کی لمبائی 6.5 کلومیٹر ہے ، جو سون مرگ شہر کو جوڑے گی ۔
2. نیل گرار – I اور II سرنگ کا دورہ کریں گے ۔ نیل گرار – I ، 433 میٹر طویل دوہری سرنگ ہے ، جب کہ نیل – گرار – II کی دو سرنگیں 1.95 کلو میٹر لمبائی کی ہیں ۔ ان سرنگوں پر کل لاگت 1900 کروڑ روپئے ہے ۔  
3. مغربی پورٹل کے راستے زوجیلا سرنگ کا دورہ کریں گے ۔  زوجیلا  سرنگوں کی کل لمبائی 14.15 کلو میٹر ہے ، جس کے لئے مختص لاگت 2610 کروڑ روپئے ہے ۔
4. مشرقی پورٹل کے راستے زوجیلا سرنگ کا دورہ کریں گے ۔ مغربی پورٹل سے سرنگ  کی کھدائی 123 میٹر ، جب کہ مشرقی پورٹل کی جانب سے کھدائی 368 میٹر تک کی جا چکی ہے ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

( ش ح  ۔ و ا ۔ ع ا )

U. No.  9361