হকশেল অমসুং য়াইফ-য়ুম্বাল মন্ত্রালয়

কুহ্মৈ-হরাউগী মতমশিংদা কোবিদকা চুনবা চৎন-কাংলোনগী তঙাই ফদবশিংগী মতাংদা মরু ওইবা পাউজেলশিং শন্দোকপা দরকার ওইরিবা অদুদা কেন্দ্রগী হকশেল মন্ত্রীনা ভারত পুম্বদা লৈরিবা রেদিও স্তেসনশিংগা লোইননা ইন্তরেক্তিব ৱর্কশোপ অমা ওর্গনাইজ তৌরি

কুহ্মৈ-হরাউগী সিজনদা কোবিদকা-চুনবা চৎন-কাংলোন ইন্দুনা ভেক্সিন পাক-শন্না কাপ্পা দরকার ওই: শ্রী লাব অগর্ৱাল, জোইন্ত সেক্রেতরী, এম.ও.ঐচ.এফ.দবল্যু.

Posted On: 24 SEP 2021 7:37PM by PIB Imphal

লাক্কদৌরিবা কুহ্মৈ-হরাউগী সিজনদা কোবিদকা চুনবা চৎন-কাংলোনগী তঙাই ফদবশিংগী মতাংদা মরু ওইবা পাউজেলশিং শন্দোকপা দরকার ওইরিবা অদুদা য়ুনিসেফকা খুৎশম্নদুনা হকশেল অমসুং য়াইফ-য়ুম্বালগী কেন্দ্রগী মন্ত্রীনা ওল ইন্দিয়া রেদিও, প্রাইভেৎ এফ.এম.শিং অমদি কম্ম্যুনিতী রেদিও স্তেসনশিংগী মীহুৎশিংগীদমক ইন্তরেক্তিব ৱর্কশোপ অমা পাংথোকখি৷ সেসন অসিদা ভারত পুম্বদা শন্দোক্লিবা রেদিও প্রোগ্রামশিংগী প্রোগ্রামিং অমদি প্রজেন্তেসনদা শরুক য়াখিবা রেদিও রিপ্রজেন্তেতিব ১৫০রোম্না শরুক য়াখি৷ লৈবাক অসিগী শহরগী মফমশিংদা লৈরিবা প্রজা মীয়ামদগী হৌদুনা খুঙ্গংগী মফমশিংদা নত্রগা মনুং হঞ্জিনবা মফমশিংদা লৈরিবা মীয়াম য়াওনা হায়রিবা রেদিও স্তেসনশিং অসিগী য়াম্লবা অমদি পাক-চাওরবা ওদিয়েন্স অমা লৈ৷

থৌরম অদুদা এম.ও.ঐচ.এফ.দবল্যু.গী জোইন্ত সেক্রেতরী, শ্রী লাব অগর্ৱালনা ৱা ঙাংখি৷ মহাক্কী মরু ওইবা ৱারোলদা, শ্রী অগর্ৱালনা পব্লিক ইন্তরেস্ত মেসেজশিং পীবদা মেদিয়ম মরু ওইরিবা অদুগী মতাংদা ৱা ঙাংখি৷ ভারতনা মহাক্কী তেস্ত-ত্রেক-ত্রিত অমদি ভেক্সিন কাপ্পগী চাং হেনগৎহন্দুনা রেকোর্দ ওইবা মতমদা কোবিদ-১৯ কেসশিং মাই পাক্না লাকশিনখ্রে৷ মালেমগী খ্বাইদগী চাওবা ভেক্সিনেসন প্রোগ্রামদা মীয়াম্না শরুক য়াখিবা অসিগীসু মহাক্না থাগৎখি৷

অদুমওইনমক, ভারত্তা কোবিদ-১৯ কেসশিং হন্থরক্লবসু, ভাইরস অসিমক্তি অদুমক লেংদনা লৈরিবা অমদি মসিগী স্তেজ অসিদা ঐখোয়না চেকশিনহৌদবনা অতোপ্পা হেন্না শাথিবা মওং অমদা পুরকপা য়াই হায়না মহাক্না চেকশিন্নবা হায়খ্রে৷ “লৈবাক অসিনা অথুবা মতমদা ভেক্সিন কোতি ১০০ য়ৌনা কাপ্পা ঙম্বগী ইতিহাসিক ওইরবা লেন্দমার্ক অমা ফংলগনি৷ ভাইরস অসি মাই পাক্না লাকশিনবা ঙম্লে হায়না উনরিঙৈদা, ঐখোয়না কোবিদনা ৱাহল্লকপনা মরম ওইদুনা অসিগুম্লবা ঐখোয়না য়াম্না কন্না হোৎনদুনা ফংলক্লিবা মাই পাকপা অসি ঐখোয়গী খুৎতগী নান্থোকহল্লোইশি৷ মরম অদুনা, লাক্কদৌরিবা হরাউ-কুহ্মৈগী সিজনগী মতমদা মীয়াম্না চেকশিন্না লৈননবা ঐনা প্রজাদা তকশিল্লি”,হায়না শ্রী অগর্ৱালনা ফোংদোকখি৷ ঐখোয়না কোবিদকা চুনবা চৎন-কাংলোন ইন্দুনা কোবিদ লাইনা-লাইচৎনা পীরিবা ফৎত্রবা ফল অসি লাকশিনবসু দরকার ওই৷

ভেক্সিন দোজ অনিমক মরু ওইরিবা অসিগুম্লবা পব্লিক ইন্তরেস্ত মেসেজশিং শন্দোক্নবা অমদি হরাউ-কুহ্মৈশিংগী মতমদা লৈবাক অসিনা ভাইরস অসিগী মাইয়োক্তা লান্থেংনদুনা কোবিদ প্রোতোকোলশিং ইনবা তঙাই ফদে হায়না মহাক্না শরুক য়ারিবা মীওই পুম্নমক্তা হায়খি৷ মহাক্কী ৱারোলদা, এক্সপর্তশিং অমদি কম্ম্যুনিতী শরুক য়াহন্দুনা ইন্নোবেতিব প্রোগ্রামশিং শিন্নবা মহাক্না শরুক য়ারিবা মীয়াম্বু থৌনা হাপখি৷

কেন্দ্রগী হকশেল অমদি য়াইফ-য়ুম্বাল মন্ত্রালয়, আই. অমসুং বি. মন্ত্রালয় অমদি য়ুনিসেফকী সেনিয়র ওফিসিয়েলশিংনা মীফম অসিদা শরুক য়াখি৷

******



(Release ID: 1757902) Visitor Counter : 25