ভেক্সিন দোজ ৮৫,৪২,৭৩২ কাপখিবগা লোইননা হৌখিবা পুং ২৪দা ভারতকী কোবিদ-১৯গী ভেক্সিনেসন কভরেজ অসি ঙসি অয়ুক পুং ৭ ফাওবগী প্রোভিজনেল রিপোর্তকী মতুং ইন্না করোর ৮০ (৮০,৪৩,৭২,৩৩১)গী পন্দুপ হেনবা ঙমখ্রে। মসি সেসন ৭৯,১৫,৪৫৭কী খুত্থাংদা কাপখি।

ঙসি অয়ুক পুং ৭ ফাওবগী প্রোভিজনেল রিপোর্তকী মতুং ইন্না অপুনবা মশিং অসি খাইদোকপদা অশুম্না লৈরি:

হৌখিবা পুং ২৪ অসিদা মীওই ৩৮,৯৪৫ নাবা ফগৎখিবা অসিনা নাবা ফগৎখিবা মীওইশিংগী অপুনবা মশিং অসি ৩,২৬,৭১,১৬৭তা হেনগৎহনখি (লাইচৎ হৌবদগী হৌদুনা)।

মসিনা মরম ওইরগা ভারতকী ফগৎলকপগী চাং অসি ৯৭.৬৮%দা লৈরি‍।‍

কেন্দ্র অমদি রাজ্য/য়ু.তি. সরকারশিংগী লেপ্পা নাইদনা অমদি পুন্না হোৎনমিন্নবনা থংন-থংননা হৌখিবা নুমিৎ ৮৪নি অসিদা নোংমগী ওইবা অনৌবা রিপোর্ত তৌরকপা কেস মশিং অসি ৫০,০০০দগী তাদুনা লাক্লি।

হৌখিবা পুং ২৪দা অনৌবা কেস ৩০,৭৭৩ রিপোর্ত তৌরকখি।

হৌজিক্কী ওইনা এক্তিব কেসলোদ ৩,৩২,‌১৫৮দা লৈরি। এক্তিব কেস মশিং অসি লৈবাকসিগী অপুনবা পোজিতিব কেসকী মশিংগী ০.৯৯% ওইরি‍।

লৈবাক শিনবা থুংনা তেস্তিং কেপাসিতী চাওনা হেনগৎহনখি। হৌখিবা পুং ২৪ অসিদা লৈবাক অসিদা পুন্না তেস্ত মশিং ১৫,৫৯,৮৯৫ তৌখি‍। হৌজিক ফাওবদা ভারতনা পুন্না তেস্ত মশিং করোর ৫৫.২৩ (৫৫,২৩,৪০,১৬৮) হেন্না তৌখ্রে‍।

নাকল অমরোমদা লৈবাক শিনবা থুংনা তেস্তিং কেপাসিতী হেনগৎহনখিবগা লোইননা চয়োলগী ওইবা পোজিতিবিতী রেত ২.০৪%দা লৈদুনা হৌখিবা নুমিৎ ৮৬নি অসিদা ৩%দগী তানা লৈরি। নোংমগী ওইবা পোজিতিবিতী রেত অসি ১.৯৭%দা লৈরি। হৌজিক্কী ওইনা নোংমগী ওইনা পোজিতিবিতী রেত অসি হৌখিবা নুমিৎ ২০নিদা ৩%দগী তানা অমসুং থংন-থংননা নুমিৎ ১০৩নি অসিদা অসি ৫%গী মখাদা লৈরি‍।

****