نئی دہلی، 11 ستمبر 2021:

بھارت سرکار کی جانب سے ملک کی آزادی کے 75 سال مکمل ہونے کی یاد میں منائے جانے والے 'آزادی کے امرت مہوتسو' کے تحت فوڈ پروسیسنگ ہفتہ 6 ستمبر 2021 سے 12 ستمبر 2021 تک منایا جارہا ہے۔ جس کے تحت وزارت کی جانب سے متعدد پروگراممنعقد کیے جارہے ہیں۔

وزارت کی جانب سے آج اسی مہم کے حصے کے طور پر فوڈ پروسیسنگ صنعت کے شعبے میں کاروباری افراد کو بااختیار بنانے کے لیے ریاست اترپردیش میں سیلف ہیلپ گروپ کے 135 ممبران کے لیے ایس آر ایل ایم کے ڈسٹرکٹ پروجیکٹ مینجمنٹ یونٹ (ڈی پی ایم یو) کو 43.20 لاکھ روپے کی ادائیگی کی گئی ہے۔

اس کے علاوہ آج وزارت نے 'ون ڈسٹرکٹ ون پروڈکٹ' اور محکمہ مویشی پروری اور ڈیری (بھارت سرکار) کے تحت دودھ کی پروسیسنگ اور قیمتوں میں اضافے پر کے موضوع پر نیشنل ویبینار کا انعقاد کیا۔

پی ایم ایف ایم ای اسکیم سے فائدہ اٹھانے والے گجنن ایگرو انڈسٹریز کی کاروباری شخصیت گورو اشوک مہتر کی کام یابی کی کہانی وزارت کے سوشل میڈیا پلیٹ فارمز پر 'آتم نربھر صنعتیوں کی سیریز' کے تحت شائع کی گئی۔

اس کے علاوہ وزارت کی جانب سے فوڈ پروسیسنگ ہفتے کے تحت وزارت کے تمام سوشل میڈیا فورمز پر چلائی جانے والی پروسیسڈ مصنوعات سے متعلق بیداری مہم کے تحت خوراک کے ضیاع سے بچنے سے متعلق ویڈیوز بھی جاری کی گئیں۔

***

(ش ح۔ ع ا۔ ع ر)

U. No. 8905