ਦੇਸ਼ ਦੀ ਆਜ਼ਾਦੀ ਦੇ 75 ਸਾਲਾਂ ਨੂੰ ਸਮਰਪਿਤ, ਭਾਰਤ ਸਰਕਾਰ 'ਅਜ਼ਾਦੀ ਕਾ ਅੰਮ੍ਰਿਤ ਮਹੋਤਸਵ' ਮਨਾ ਰਹੀ ਹੈ। ਇਸ ਜਸ਼ਨ ਦੇ ਹਿੱਸੇ ਵਜੋਂ, ਫੂਡ ਪ੍ਰੋਸੈਸਿੰਗ ਉਦਯੋਗ ਮੰਤਰਾਲਾ (ਐੱਮਓਐੱਫਪੀਆਈ) 6 ਸਤੰਬਰ 2021 ਤੋਂ 12 ਸਤੰਬਰ 2021 ਤੱਕ ਫੂਡ ਪ੍ਰੋਸੈਸਿੰਗ ਹਫਤਾ ਮਨਾ ਰਿਹਾ ਹੈ, ਜਿਸ ਦੇ ਤਹਿਤ ਮੰਤਰਾਲਾ ਵੱਖ -ਵੱਖ ਪ੍ਰੋਗਰਾਮਾਂ ਦਾ ਆਯੋਜਨ ਕਰ ਰਿਹਾ ਹੈ।

ਐੱਮਓਐੱਫਪੀਆਈ ਦੀ ਹਫ਼ਤਾ ਭਰ ਚੱਲੀ ਮੁਹਿੰਮ ਦੇ ਹਿੱਸੇ ਵਜੋਂ, 43.20 ਲੱਖ ਰੁਪਏ ਦੀ ਸੀਡ ਕੈਪੀਟਲ ਦੀ ਰਾਸ਼ੀ ਨੂੰ ਅੱਜ ਪੀਐੱਮਐੱਫਐੱਮਈ ਸਕੀਮ ਅਧੀਨ ਉੱਤਰ ਪ੍ਰਦੇਸ਼ ਦੇ 135 ਐੱਸਐੱਚਜੀ ਮੈਂਬਰਾਂ ਲਈ ਐੱਸਆਰਐੱਲਐੱਮ ਦੇ ਜ਼ਿਲ੍ਹਾ ਪ੍ਰੋਜੈਕਟ ਪ੍ਰਬੰਧਨ ਯੂਨਿਟ (ਡੀਪੀਐੱਮਯੂ) ਵਿੱਚ ਟਰਾਂਸਫਰ ਕੀਤਾ ਗਿਆ।

ਭਾਰਤ ਸਰਕਾਰ ਦੇ ਫੂਡ ਪ੍ਰੋਸੈਸਿੰਗ ਉਦਯੋਗ ਮੰਤਰਾਲੇ ਅਤੇ ਪਸ਼ੂ ਪਾਲਣ ਅਤੇ ਡੇਅਰੀ ਵਿਭਾਗ ਵਲੋਂ 'ਇੱਕ ਜ਼ਿਲ੍ਹਾ, ਇੱਕ ਉਤਪਾਦ' ਦੇ ਅਧੀਨ ਦੁੱਧ ਪ੍ਰੋਸੈਸਿੰਗ ਅਤੇ ਮੁੱਲ ਵਾਧੇ 'ਤੇ ਇੱਕ ਰਾਸ਼ਟਰੀ ਵੈਬਿਨਾਰ ਵੀ ਆਯੋਜਿਤ ਕੀਤਾ।

ਇਸ ਤੋਂ ਇਲਾਵਾ, ਪੀਐੱਮਐੱਫਐੱਮਈ ਸਕੀਮ ਦੇ ਲਾਭਪਾਤਰੀ, ਗਜਾਨਨ ਐਗਰੋ ਇੰਡਸਟਰੀਜ਼ ਦੇ ਸ਼੍ਰੀ ਗੌਰਵ ਅਸ਼ੋਕ ਮਹੇਤਰ ਦੀ ਸਫਲਤਾ ਦੀ ਕਹਾਣੀ, ਮੰਤਰਾਲੇ ਦੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ 'ਤੇ 'ਆਤਮਨਿਰਭਰ ਇੰਟਰਪ੍ਰਾਈਜਿਜ਼' ਲੜੀ ਵਿੱਚ ਪ੍ਰਕਾਸ਼ਤ ਕੀਤੀ ਗਈ।

ਫੂਡ ਪ੍ਰੋਸੈਸਿੰਗ ਹਫ਼ਤੇ ਦੇ ਤਹਿਤ, ਪ੍ਰੋਸੈਸਡ ਭੋਜਨ ਬਾਰੇ ਜਾਗਰੂਕਤਾ ਮੁਹਿੰਮ ਦੇ ਹਿੱਸੇ ਵਜੋਂ ਸੋਸ਼ਲ ਮੀਡੀਆ 'ਤੇ ਭੋਜਨ ਦੀ ਬਰਬਾਦੀ ਬਾਰੇ ਜਾਗਰੂਕਤਾ 'ਤੇ ਕੇਂਦ੍ਰਤ ਇੱਕ ਵੀਡੀਓ ਵੀ ਜਾਰੀ ਕੀਤੀ ਗਈ।

*********

ਐੱਸਐੱਨਸੀ/ਪੀਕੇ/ਆਰਆਰ