ত্রাইবেল এফিয়র্সকী মন্ত্রী, শ্রী অর্জুন মুন্দানা হয়েংদগী নুমিৎ নিনিগী খোঙচৎতা অসম রাজ্যদা চৎকদৌরি। খোঙচৎ অসিগী মনুংদা, ত্রাইবেল এফিয়র্সকী মন্ত্রীনা রাজ্য অমসুং মফমশিং অসিদা লৈরিবা ত্রাইবেলশিং শক্তি লৈনবা পায়খৎখিবা এম.এফ.পি., ভি.দি.ভি.কে. অমসুং ত্রাইফুদ প্রোগ্রামশিংগী চংশিল্লিবা থবকশিং য়েংশিনগনি। ত্রাইফেদকী মেনেজিং দাইরেক্তর শ্রী প্রবির কৃষ্ণ অমসুং ত্রাইফেদকী মকোক থোংবা ওফিসরশিং মহাক্কা লোয়নগনি।

খোঙচৎ অসিগী নুমিৎ নিনি চনবদা, অসমগী গবর্নর, শ্রী জগদীশ মুখী; অসমগী মুখ্য মন্ত্রী শ্রী হিমন্ত বিস্বা শর্ম্মা; অসমগী ত্রাইবেল এফিয়র্সকী মন্ত্রী, চীফ সেক্রেতরী অমসুং প্রিন্সিপাল সেক্রেতরী অমসুং অতৈ শক্নাইরবা রাজ্যগী ওফিসিএলগা লোয়ননা গুৱাহাতীদা মীফম পাংথোক্কনি। থৌরাং তৌরিবা থৌরমশিং ৱার্কশোপশিং/কনফরেন্স অনিনি – অহানবা নুমিৎতা ভোইস ওফ নোর্থ ইস্ত জনজাতিয়া লিদর কনফরেন্স অমসুং অনিশুবা নুমিৎতা আই.আই.ই.দা শিনবা ভান ধন ৱার্কশোপ অমনি। মহাক্কী খোঙচৎতা লোখারা গুৱাহাতীগী, কাতাকিপারাদা লৈবা ভি.দি.ভি.কে.সি.দা চৎপগী থৌরাং য়াওরি।

মন্ত্রীগী নুমিৎ নিনিগী খোঙচৎকী পান্দম অসি ত্রাইবেল স্কীমশিং অসিগী চাউখৎ থৌরাংগী স্কীমশিংগী অহানবা থাক্তা হাপ্লিবা থবকশিং, অৱাবা অমসুং চংশিল্লিবা থবকশিং অসি য়েংশিনবনি। প্রোগ্রামশিং অসিগী অমত্তা ওইবা পান্দমদি, লৈবাক অসিদা ত্রিফেদনা হাপ্লিবা থবকশিংনা লৈবাক অসিগী ত্রাইবেলগী পুন্সি অমসুং পুন্সি মহিং মপুং ফানা ওন্থোক্নবা অমসুং আত্মানির্ভর ভারত লোমদা চংশিন্নবা হোৎনবনি।  

*****