ਪ੍ਰਧਾਨ ਮੰਤਰੀ ਦਫਤਰ
ਪ੍ਰਧਾਨ ਮੰਤਰੀ ਨੇ 13ਵੇਂ ਬ੍ਰਿਕਸ ਸਿਖਰ ਸੰਮੇਲਨ ਦੀ ਪ੍ਰਧਾਨਗੀ ਕੀਤੀ
Posted On:
09 SEP 2021 9:37PM by PIB Chandigarh
ਪ੍ਰਧਾਨ ਮੰਤਰੀ, ਸ਼੍ਰੀ ਨਰੇਂਦਰ ਮੋਦੀ ਨੇ ਅੱਜ 13ਵੇਂ ਬ੍ਰਿਕਸ ਸਿਖਰ ਸੰਮੇਲਨ ਦੀ ਵਰਚੁਅਲੀ ਪ੍ਰਧਾਨਗੀ ਕੀਤੀ।
ਇਸ ਸਿਖਰ ਸੰਮੇਲਨ ਦਾ ਭਾਰਤ ਦੁਆਰਾ ਚੁਣਿਆ ਗਿਆ ਵਿਸ਼ਾ ਸੀ – ‘BRICS@15: ਇੰਟ੍ਰਾ–ਬ੍ਰਿਕਸ ਕੋਅਪਰੇਸ਼ਨ ਫਾਰ ਕੰਟੀਨਿਉਟੀ, ਕੰਸੌਲੀਡੇਸ਼ਨ ਐਂਡ ਕੰਸੈਂਸਸ’ (ਬ੍ਰਿਕਸ@15: ਬ੍ਰਿਕਸ ਦੇਸ਼ਾਂ ਵਿਚਾਲੇ ਨਿਰੰਤਰਤਾ, ਏਕੀਕਰਣ ਤੇ ਆਮ–ਸਹਿਮਤੀ ਲਈ ਸਹਿਯੋਗ)।
ਇਸ ਸਿਖਰ–ਸੰਮੇਲਨ ਵਿੱਚ ਸਾਰੇ ਹੋਰ ਬ੍ਰਿਕਸ ਆਗੂਆਂ – ਬ੍ਰਾਜ਼ੀਲ ਦੇ ਰਾਸ਼ਟਰਪਤੀ ਜਾਇਰ ਬੋਲਸੋਨਾਰੋ, ਰੂਸ ਦੇ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ, ਚੀਨ ਦੇ ਰਾਸ਼ਟਰਪਤੀ ਸ਼ੀ ਜਿਨਪਿੰਗ ਤੇ ਦੱਖਣੀ ਅਫ਼ਰੀਕਾ ਦੇ ਰਾਸ਼ਟਰਪਤੀ ਸਾਇਰਿਲ ਰਾਮਾਫੋਸਾ ਨੇ ਭਾਗ ਲਿਆ।
ਪ੍ਰਧਾਨ ਮੰਤਰੀ ਨੇ ਇਸ ਵਰ੍ਹੇ ਭਾਰਤ ਦੀ ਪ੍ਰਧਾਨਗੀ ਦੌਰਾਨ ਬ੍ਰਿਕਸ ਭਾਈਵਾਲ ਦੇਸ਼ਾਂ ਤੋਂ ਮਿਲੇ ਸਹਿਯੋਗ ਲਈ ਸ਼ਲਾਘਾ ਕਰਦਿਆ ਕਿਹਾ ਕਿ ਇਸੇ ਕਾਰਣ ਕਈ ਨਵੀਆਂ ਪਹਿਲਕਦਮੀਆਂ ਦੀਆ ਪ੍ਰਾਪਤੀਆਂ ਸੰਭਵ ਹੋ ਸਕੀਆਂ। ਇਨ੍ਹਾਂ ਵਿੱਚ ਪਹਿਲੀ ਬ੍ਰਿਕਸ ਡਿਜੀਟਲ ਸਿਹਤ ਸਿਖਰ ਸੰਮੇਲਨ; ਬਹੁ–ਪੱਖੀ ਸੁਧਾਰਾਂ ਬਾਰੇ ਪਹਿਲਾ ਬ੍ਰਿਕਸ ਮੰਤਰੀ–ਪੱਧਰ ਦਾ ਸਾਂਝਾ ਬਿਆਨ; ਬ੍ਰਿਕਸ ਆਤੰਕਵਾਦ–ਵਿਰੋਧੀ ਕਾਰਜ–ਯੋਜਨਾ; ਰਿਮੋਟ–ਸੈਂਸਿੰਗ ਉਪਗ੍ਰਹਿਆਂ ਦੇ ਖੇਤਰ ਵਿੱਚ ਸਹਿਯੋਗ ਬਾਰੇ ਇੱਕ ਸਮਝੌਤਾ; ਇੱਕ ਵਰਚੁਅਲ ਬ੍ਰਿਕਸ ਵੈਕਸੀਨ ਖੋਜ ਤੇ ਵਿਕਾਸ ਕੇਂਦਰ; ਪ੍ਰਦੂਸ਼ਣ–ਮੁਕਤ ਟੂਰਿਜ਼ਮ ਬਾਰੇ ਬ੍ਰਿਕਸ ਗੱਠਜੋੜ ਆਦਿ ਸ਼ਾਮਲ ਹਨ।
ਕੋਵਿਡ ਤੋਂ ਬਾਅਦ ਪੂਰੀ ਦੁਨੀਆ ’ਚ ਸਭ ਕੁਝ ਪੁਰਾਣੀ ਲੀਹ ’ਤੇ ਲਿਆਉਣ ਲਈ ਬ੍ਰਿਕਸ ਦੇਸ਼ਾਂ ਦੁਆਰਾ ਨਿਭਾਈ ਜਾ ਸਕਣ ਵਾਲੀ ਪ੍ਰਮੁੱਖ ਭੂਮਿਕਾ ਨੂੰ ਉਜਾਗਰ ਕਰਦਿਆਂ ਪ੍ਰਧਾਨ ਮੰਤਰੀ ਨੇ 'Build-back Resiliently, Innovatively, Credibly and Sustainably' (‘ਸਹਿਣਸ਼ੀਲਤਾ, ਨਵੀਨਤਾ, ਭਰੋਸੇਯੋਗਤਾ ਤੇ ਟਿਕਾਊਯੋਗਤਾ ਨਾਲ ਪੁਨਰ–ਨਿਰਮਾਣ’) ਦੇ ਆਦਰਸ਼–ਵਾਕ ਦੇ ਤਹਿਤ ਬ੍ਰਿਕਸ ਦੇਸ਼ਾਂ ਵਿਚਾਲੇ ਸਹਿਯੋਗ ਨੂੰ ਵਧਾਉਣ ਦਾ ਸੱਦਾ ਦਿੱਤਾ।
ਇਨ੍ਹਾਂ ਵਿਸ਼ਿਆਂ ਬਾਰੇ ਵਿਸਥਾਰਪੂਰਬਕ ਜਾਣਕਾਰੀ ਦਿੰਦੇ ਹੋਏ, ਪ੍ਰਧਾਨ ਮੰਤਰੀ ਨੇ ਟੀਕਾਕਰਣ ਦੀ ਰਫ਼ਤਾਰ ਤੇ ਪਹੁੰਚਯੋਗਤਾ ਵਧਾ ਕੇ, ਵਿਕਸਤ ਦੇਸ਼ਾਂ ਤੋਂ ਅਗਾਂਹ ਫਾਰਮਾ ਤੇ ਵੈਕਸੀਨ ਉਤਪਾਦਨ ਸਮਰੱਥਾਵਾਂ ’ਚ ਵਿਭਿੰਨਤਾ ਲਿਆ ਕੇ, ਜਨਤਕ ਭਲਾਈ ਲਈ ਡਿਜੀਟਲ ਟੂਲਸ ਦੀ ਵਰਤੋਂ ਕਰਦਿਆਂ ਸਿਰਜਣਾਤਮਕ ਤਰੀਕੇ ਨਾਲ ‘ਨਵੀਨਤਾ’ ਦਾ ਪੋਸ਼ਣ ਕਰ ਕੇ, ਆਪਣੀ ‘ਭਰੋਸੇਯੋਗਤਾ’ ’ਚ ਵਾਧਾ ਕਰਨ ਲਈ ਬਹੁ–ਪੱਖੀ ਸੰਸਥਾਨਾਂ ਦੇ ਸੁਧਾਰ ਯਕੀਨੀ ਬਣਾ ਕੇ ਅਤੇ ਵਾਤਾਵਰਦਕ ਤੇ ਜਲਵਾਯੂ ਮਸਲਿਆਂ ਉੱਤੇ ਬ੍ਰਿਕਸ ਦੇਸ਼ਾਂ ਦੀ ਇੱਕ ਸਾਂਝੀ ਆਵਾਜ਼ ਦਾ ਸੂਤਰੀਕਰਣ ਕਰ ਕੇ ‘ਟਿਕਾਊ’ ਵਿਕਾਸ ਨੂੰ ਪ੍ਰੋਤਸਾਹਿਤ ਕਰ ਕੇ ਪੁਨਰ–ਨਿਰਮਾਣ ਨੂੰ ਤੇਜ਼ ਕਰਨ ਦੀ ਲੋੜ ’ਤੇ ਜ਼ੋਰ ਦਿੱਤਾ।
ਇਨ੍ਹਾਂ ਆਗੂਆਂ ਨੇ ਅਫ਼ਗ਼ਾਨਿਸਤਾਨ ਦੇ ਹਾਲੀਆ ਘਟਨਾਕ੍ਰਮ ਸਮੇਤ ਅਹਿਮ ਖੇਤਰੀ ਤੇ ਵਿਸ਼ਵ ਮਸਲਿਆਂ ਬਾਰੇ ਵੀ ਵਿਚਾਰ–ਵਟਾਂਦਰਾ ਕੀਤਾ। ਆਤੰਕਵਾਦ ਤੇ ਅਤਿਵਾਦ ਦੇ ਵਾਧੇ ਦੇ ਖ਼ਤਰੇ ਨੂੰ ਦੇਖਦਿਆਂ ਵਿਚਾਰਾਂ ਦੀ ਕੇਂਦਰਮੁਖਤਾ ਸੀ ਤੇ ਸਾਰੇ ਬ੍ਰਿਕਸ ਭਾਈਵਾਲ ਦੇਸ਼ ਆਤੰਕਵਾਦ–ਵਿਰੁੱਧ ਟੱਕਰ ਲੈਣ ਬ੍ਰਿਕਸ ਕਾਰਜ–ਯੋਜਨਾ ਲਾਗੂ ਕਰਨ ਵਿੱਚ ਦੇਜ਼ੀ ਲਿਆਉਣ ਵਾਸਤੇ ਸਹਿਮਤ ਹੋਏ।
ਇਸ ਸਿਖਰ ਸੰਮੇਲਨ ਦੇ ਅੰਤ ’ਤੇ, ਆਗੂਆਂ ਨੇ ‘ਨਵੀਂ ਦਿੱਲੀ ਐਲਾਨਨਾਮਾ’ ਅਪਣਾਇਆ।
*****
ਡੀਐੱਸ/ਏਕੇਜੇ
(Release ID: 1754033)
Visitor Counter : 164
Read this release in:
Assamese
,
Malayalam
,
Malayalam
,
Tamil
,
Kannada
,
Odia
,
English
,
Urdu
,
Marathi
,
Manipuri
,
Bengali
,
Gujarati
,
Telugu