‘আজাদী কা অমৃত মহোৎসব’কী মখাদা হৌজিক চত্থরিবা ‘পোশন মাহ’গী শরুক অমা ওইনা, নুপী অমসুং অঙাংগী চাউখৎ-থৌরাংগী কেন্দ্রগী মন্ত্রী শ্রীমতী স্মৃতি জুবিন ইরানীনা সেপ্তেম্বর ১১ অমসুং ১২, ২০২১দা ইম্ফাল, মনিপুরদা প্রোগ্রামশিংদা মথং-মথং শরুক য়াগনি।

সেপ্তেম্বর ১১দা কেন্দ্রগী দবল্যু.সি.দি. মন্ত্রীনা ইম্ফালগী সিতী কনভেন্সন সেন্তরদা শিল্লিবা রাস্ত্রীয় পোশন মাহগী থৌরম অমদা মরু ওইবা ৱারোল পীগনি। মসিগী মতুংদা কেন্দ্রগী দবল্যু.সি.দি. মন্ত্রীনা আঙ্গনৱারী ৱর্করশিং/হেল্পরশিংদা হীদাক কান্নরবা পাম্বীশিং অমসুং মীরোনবী নুপীশিং, মবুক পীথক্লিবী মমাশিং অমসুং ইনখৎলক্লিবা নুপীমচাশিং য়াওনা আঙ্গনৱারী সেন্তরশিংদা ন্যুত্রি-কিতশিং য়েন্থোক্কনি। ইম্ফালদা লৈবা সিতী কনভেন্সন সেন্তরদা এনেমিয়া দিতেক্সন কেম্প অমসু শিল্লি। মসিগী মতুংদা কেন্দ্রগী মন্ত্রীনা ইম্ফালদা লৈবা বাপুপরাদা লৈবা চিফ মিনিস্তর সেক্রেতরিয়েৎতা মনিপুরগী মুখ্য মন্ত্রী শ্রী এন. বিরেন সিংহগা উনগনি।

সেপ্তেম্বর ১২, ২০২১দা কেন্দ্রগী দবল্যু.সি.দি. মন্ত্রীনা বিষ্ণুপুর জিলাদা লৈবা দিস্ত্রিক্ত পঞ্চায়ৎ রিসোর্স সেন্তরদা পোশন মাহ পালন তৌবগী থৌরম অমদা অথোইবা মীথুংলেন ওইনা লেংশিনগনি। থৌরম অসি হীদাক কান্নরবা পাম্বী অমসুং উহৈ পানবা উ-পাম্বীশিং থাবগী থৌরম অমগা লোইননা হৌদোক্কনি মসিগী মতুংদা এনেমিয়া কেম্প অমা হৌদোক্কনি। থৌরম অসিদা মরু ওইবা ৱারোল পীরবা মতুংদা কেন্দ্রগী মন্ত্রীনা পোশন সাইকল রেলী লমথাগনি।

সেপ্তেম্বর ১২দা অতোপ্পা মরু ওইবা থৌরম অমা মোইরাংগী আই.এন.এ.দা পাঙথোক্কনি, আই.এন.এ. মেমোরিএল হোলদা কেন্দ্রগী দবল্যু.সি.দি. মন্ত্রীনা বেনিফিসরীশিং, এ.দবল্যু,দবল্যু.শিং, এ.দবল্যু.ঐচ.শিং, সুপর্ভাইজরশিং, সি.দি.পি.ও.শিং অমসুং দি.পি.ও.গা লোইননা ৱারী-ৱাতায় শানগনি। কেন্দ্রগী মন্ত্রীনা পোশন ৱাল্ক অমসু লমথাগনি।

পোশন অভিয়ান

পোশন অভিয়ান অসি অঙাংশিং, ইনখৎলক্লিবা নুপীমচাশিং, মীরোনবী নুপীশিং অমসুং মবুক পীথক্লিবী মমাশিংদা মচি ওইবা চীঞ্জাক মরাং কাইনা ফংহন্নবা ভারত সরকারগী অচৌবা প্রোগ্রাম অমনি। রাজস্থানগী ঝুনঝুনুদগী ২০১৮গী মার্চ ৮গী মালেমগী নুপীগী নুমিৎতা প্রধান মন্ত্রী শ্রী নরেন্দ্র মোদীনা হৌদোক্লদুনা পোশন ( প্রাইম মিনিস্তর্স ওভরঅর্চিং স্কিম ফোর হোলিস্তিক ন্যুত্রিসন) অভিয়ান অসিনা লৈবাক অসিবু মচি ওইবা চীঞ্জাক ফংদবগী অৱাবশিংদা পুক্নীং চিংশিন্দুনা মিসন মোদতা অৱাবা কোকহন্নবা হোৎনরি। পোশন অভিয়ান অসি লোকেল বোদীশিংগী মীয়াম মিহুৎশিং, রাজ্য/য়ু.তি.শিংগী সরকারগী দিপার্তমেন্তশিং, সোসিএল ওর্গানাইজেসনশিং অমসুং পব্লিক অমসুং প্রাইবেৎ সেক্তরশিংনা পুন্না চাউনা শরুক য়ামিন্নবা জন আন্দোলন নৎত্রগা “পিপল্স মুবমেন্ত’ অমনি। কম্ম্যুনিতী মোবিলাইজেসন তৌবা অমসুং মীয়াম শরুক য়াবা হেনগৎহন্নবা চহি খুদিংগী সেপ্তেম্বর থা অসি লৈবাক শিনবা থুংনা পোশন মাহ হায়না পাংথোক্লি।

নুপী অমসুং অঙাংগী চাউখৎ-থৌরাংগী মন্ত্রালয়না রাজ্য/য়ু.তি.শিংগা খুৎশম্নরগা পোশন মাহ-২০২১দা থৌবক থৌরম কয়ামরুম মথং মথং পাইখৎনবা শেম শাখ্রে।  চহি অসিগী পোশন মাহ মনুংদা পাংথোক্কদবা থবক থৌরম কয়ামরুমগী অচৌবা পান্দমশিং অসি আঙ্গনৱারীশিং, স্কুলশিংগী অকোইবদা, গ্রাম পঞ্চায়তশিং অমসুং অতোপ্পা মফমশিংদা স্তেকহোল্দরশিংনা পোশন বাতিকাগী উ থাবদা চাউনা মীৎয়েং চংলি। উ থাবগী থবক থৌরমশিংদা মচি ওইবা উহৈ পাম্বৈশিং, লমদম অদুগী মনা-মশিংশিং অমসুং হীদাক কান্নরবা পাম্বীশিংগী চারাশিং থাবদা মীৎয়েং চংলি।  সেনিতাইজেসন/কোবিদ ভেক্সিনেসনগী এৱেয়র্নেস দ্রাইব পাংথোকপা অমসুং কোবিদকী চৎন-কাংলোনশিং ঙাকপগী থবক পাংথোক্কনি, অঙাংশিংগী (চহি ৬কী মনুংদা লৈবা) অৱাংবা অমসুং অরুম্বা ওনবগী অখন্নবা দ্রাইব, স্লোগান ইবা অমসুং মীরোনবী নুপীশিংগী মফম অদুদা ফংবা মচি ওইবা চীঞ্জাকশিং মশক তাক্নবা থোং-থাকপগী চাংদম্নবা পাংথোক্কনি। পোশন মাহগী মনুংদা পাঙথোক্কদবা থৌরমশিংদা রিজনেল/লমদম অসিগী চীঞ্জাক্কী মরু ওইবগী মতাংদা এৱের্নেস কেম্পেন, রিজনেলগী ওইবা মচি ওইবা চীঞ্জাক য়াওবা ন্যুত্রিসন কিতশিং য়েন্থোকপা, এনেমিয়া কেম্পশিং, এস.এ.এম. অঙাংশিং খন্দোক্নবগী ব্লোক-ব্লোক্কী ওইবা দ্রাইব, চহি ৫ ফাওবগী অঙাংশিংদা এস.এ.এম. থেংনবা লাকশিন্নবা থৌরাং অমা ওইনা এস.এ.এম. অঙাংশিংগীদমক্তা সপ্লিমেন্তরী ফীদিং প্রোগ্রাম সুপর্ভাইস তৌবা, এক্যুত মালন্যুত্রিসনগী কম্ম্যুনিতী মেনেজমেন্ত তৌনবা সেন্সিতাইজেসন তৌবা অমসুং এস.এ.এম. অঙাংশিংগীদমক্তা মচি ওইবা চীঞ্জাক য়েন্থোকপা য়াওরি।

******