ਨੀਤੀ ਆਯੋਗ ਤੇ ਗੁਜਰਾਤ ਯੂਨੀਵਰਸਿਟੀ ਵਿਚਾਲੇ ਅੱਜ ਨੀਤੀ ਆਯੋਗ ਦੇ ਵਾਈਸ ਚੇਅਰਮੈਨ ਡਾ. ਰਾਜੀਵ ਕੁਮਾਰ ਦੀ ਮੌਜੂਦਗੀ ’ਚ ਇੱਕ ‘ਸਟੇਟਮੈਂਟ ਆੱਵ੍ ਇੰਟੈਂਟ’ (SoI – ਇੱਛਾ–ਕਥਨ) ਉੱਤੇ ਹਸਤਾਖਰ ਕੀਤੇ ਗਏ। ਨੀਤੀ ਆਯੋਗ ਦੇ ਸੀਨੀਅਰ ਸਲਾਹਕਾਰ ਡਾ. ਨੀਲਮ ਪਟੇਲ ਤੇ ਗੁਜਰਾਤ ਯੂਨੀਵਰਸਿਟੀ ਦੇ ਇੰਡੀਅਨ ਇੰਸਟੀਚਿਊਟ ਆੱਵ੍ ਸਸਟੇਨੇਬਿਲਿਟੀ ਦੇ ਡਾਇਰੈਕਟਰ ਸੁਧਾਂਸ਼ੂ ਜਾਂਗੀਰ ਨੇ ਆਪੋ–ਆਪਣੇ ਸੰਸਕਾਨਾਂ ਦੀ ਤਰਫ਼ੋਂ ਇਸ SoI ਉੱਤੇ ਹਸਤਾਖਰ ਕੀਤੇ। ਡਾ. ਰਾਜੀਵ ਕੁਮਾਰ ਨੇ ਇਸ ਸਮਾਰੋਹ ਦੌਰਾਨ ਐਗ੍ਰੀਪਿਨਯੋਰਸ਼ਿਪ ਤੇ ਵੈਲਿਯੂ ਚੇਨ ਮੈਨੇਜਮੈਂਟ ’ਚ ਐੱਮਬੀਏ ਪ੍ਰੋਗਰਾਮ ਦੀ ਵੀ ਸ਼ੁਰੂਆਤ ਕੀਤੀ।

ਇਹ ਐਸਓਆਈ ਭਾਰਤ ਵਿੱਚ ਗਿਆਨ ਦੀ ਸਾਂਝ ਅਤੇ ਨੀਤੀ ਵਿਕਾਸ ਨੂੰ ਮਜ਼ਬੂਤ ​​ਕਰਨ ਲਈ ਦੋਵੇਂ ਸੰਸਥਾਵਾਂ ਦੇ ਵਿੱਚ ਤਕਨੀਕੀ ਸਹਿਯੋਗ 'ਤੇ ਕੇਂਦਰਤ ਹੈ। ਇਸਦਾ ਉਦੇਸ਼ ਖੇਤੀਬਾੜੀ ਅਤੇ ਇਸ ਨਾਲ ਜੁੜੇ ਖੇਤਰਾਂ ਵਿੱਚ ਸਹਿਯੋਗ ਨੂੰ ਉਤਸ਼ਾਹਤ ਅਤੇ ਪ੍ਰੋਤਤਸਾਹਿਤ ਕਰਨਾ ਹੈ। ਐਸਓਆਈ ਤੋਂ ਟਿਕਾਊ ਵਿਕਾਸ ਟੀਚਿਆਂ ਦੀ ਪ੍ਰਾਪਤੀ ਲਈ ਭਾਰਤ ਦੇ ਯਤਨਾਂ ਨੂੰ ਜ਼ੋਰ ਦੇਣ ਦੀ ਆਸ ਕੀਤੀ ਜਾਂਦੀ ਹੈ।

ਨੀਤੀ ਆਯੋਗ ਦੇ ਉਪ ਚੇਅਰਮੈਨ ਡਾ. ਰਾਜੀਵ ਕੁਮਾਰ ਨੇ ਕਿਹਾ,“ਜਲਵਾਯੂ ਪਰਿਵਰਤਨ ਦੇ ਅਸਲ ਖਤਰੇ ਨੂੰ ਘਟਾਉਣ ਦੀਆਂ ਰਣਨੀਤੀਆਂ ਦੇ ਵਿਕਾਸ ਦੀ ਜ਼ਰੂਰਤ ਹੈ। ਇਸ ਸਬੰਧ ਵਿੱਚ ਖੇਤੀਬਾੜੀ ਅਤੇ ਸੰਬੰਧਿਤ ਕੀਮਤ ਲੜੀ ਦੀ ਅਹਿਮ ਭੂਮਿਕਾ ਹੈ। ਭਾਵੇਂ ਸਰਕਾਰ ਅਜਿਹੀਆਂ ਰਣਨੀਤੀਆਂ ਨੂੰ ਹਰ ਸੰਭਵ ਸਹਾਇਤਾ ਦੇਵੇਗੀ, ਪ੍ਰਾਈਵੇਟ ਸੈਕਟਰ ਦੇ ਵਿਕਾਸ ਅਤੇ ਜਲਵਾਯੂ-ਸਮਾਰਟ ਸਮਾਧਾਨਾਂ ਨੂੰ ਅਪਣਾਏ ਬਗੈਰ, ਸਾਡੇ ਟੀਚਿਆਂ ਦੀ ਪੂਰਤੀ ਹੋਣ ਦੀ ਸੰਭਾਵਨਾ ਨਹੀਂ ਹੈ। ਸਮੁੱਚੇ ਅਰਥਚਾਰੇ ਵਿੱਚ ਨਵੇਂ ਕਾਰੋਬਾਰੀ ਮਾਡਲ ਅਤੇ ਹੱਲ ਵਿਕਸਤ ਕਰਨ ਦੀ ਜ਼ਰੂਰਤ ਹੈ। ਅਸੀਂ ਗੁਜਰਾਤ ਯੂਨੀਵਰਸਿਟੀ ਅਤੇ ਇੰਡੀਅਨ ਇੰਸਟੀਚਿਊਟ ਆਫ਼ ਸਸਟੇਨੇਬਿਲਿਟੀ (ਆਈਆਈਐਸ) ਨਾਲ ਭਾਈਵਾਲੀ ਦਾ ਸੁਆਗਤ ਕਰਦੇ ਹਾਂ ਅਤੇ ਸਾਂਝੇ ਅਧਿਐਨ, ਖੋਜ ਅਤੇ ਅਧਿਐਨ ਪ੍ਰੋਗਰਾਮਾਂ, ਨੀਤੀ ਡਿਜ਼ਾਈਨ, ਵਿਸ਼ਲੇਸ਼ਣ ਤੇ ਵਕਾਲਤ; ਅਤੇ SDGs ਨੂੰ ਲਾਗੂ ਕਰਨ ਵਿੱਚ ਆਪਸੀ ਸਹਿਯੋਗ ਦੀ ਆਸ ਰੱਖਦੇ ਹਾਂ। ਆਈਆਈਐਸ ਨੇ ਨੀਤੀ ਆਯੋਗ ਦੇ ਸਹਿਯੋਗ ਨਾਲ ਖੇਤੀਬਾੜੀ ਅਤੇ ਕੁਦਰਤੀ ਖੇਤੀ ਦਾ ਕੇਂਦਰ ਖੋਲ੍ਹਣ ਦਾ ਪ੍ਰਸਤਾਵ ਵੀ ਦਿੱਤਾ ਹੈ।’’

ਦੋਵੇਂ ਧਿਰਾਂ ਖੇਤੀ ਖੇਤਰ ਦੇ ਵਿਕਾਸ, ਖੇਤੀਬਾੜੀ, ਕੁਦਰਤੀ ਖੇਤੀ, ਜਲਵਾਯੂ ਤਬਦੀਲੀ, ਆਦਿ 'ਤੇ ਸਮਰੱਥਾ ਨਿਰਮਾਣ ਪ੍ਰੋਗਰਾਮਾਂ ਦਾ ਸੰਚਾਲਨ ਕਰਨਗੀਆਂ। ਦੋਵੇਂ ਸੰਸਥਾਨ ਖੇਤੀ ਕੀਮਤ ਲੜੀ ਪ੍ਰਬੰਧ, ਮੰਡੀਕਰਣ ਦੀਆਂ ਵਿਧੀਆਂ, ਕੁਦਰਤੀ ਸਰੋਤਾਂ ਦੀ ਸੰਭਾਲ, ਵਾਤਾਵਰਣ ਤਬਦੀਲੀ ਤੇ ਹੋਰ ਪਛਾਣੇ ਗਏ ਖੇਤਰਾਂ ’ਚ ਬਿਹਤਰੀਨ ਅਭਿਆਸਾਂ ਬਾਰੇ ਜਾਗਰੂਕਤਾ ਪੈਦਾ ਕਰਨ ਦੀਆਂ ਗਤੀਵਿਧੀਆਂ ਨੂੰ ਵੀ ਅੰਜਾਮ ਦੇਣਗੇ, ਤਾਂ ਜੋ ਨੀਤੀ–ਨਿਰਮਾਣ ਵਿੱਚ ਸੁਧਾਰ ਹੋ ਸਕੇ।

ਆਈਆਈਐਸ (IIS) ਵੱਲੋਂ ਪੇਸ਼ ਕੀਤਾ ਗਿਆ, ਖੇਤੀਬਾੜੀ ਅਤੇ ਵੈਲਯੂ ਚੇਨ ਪ੍ਰਬੰਧਨ ਵਿੱਚ ਐਮਬੀਏ ਪ੍ਰੋਗਰਾਮ ਇੱਕ ਵਿਲੱਖਣ ਢੰਗ ਨਾਲ ਤਿਆਰ ਕੀਤਾ ਗਿਆ ਕੋਰਸ ਹੈ, ਜੋ ਵਿਦਿਆਰਥੀਆਂ ਨੂੰ ਖੇਤੀਬਾੜੀ ਵਾਤਾਵਰਣ ਨੂੰ ਸਮਝਣ ਵਿੱਚ ਵਿਸ਼ਵਵਿਆਪੀ ਸੰਪਰਕ ਪ੍ਰਦਾਨ ਕਰੇਗਾ। ਇਹ ਪ੍ਰੋਗਰਾਮ ‘ਆਤਮਨਿਰਭਰ ਭਾਰਤ’ ਵੱਲ ਇੱਕ ਕਦਮ ਹੈ ਤੇ ਖੇਤੀਬਾੜੀ ਖੇਤਰ ਵਿੱਚ ਉੱਦਮੀਆਂ ਅਤੇ ਵੈਲਯੂ ਚੇਨ ਪੇਸ਼ੇਵਰਾਂ ਨੂੰ ਸ਼ਾਮਲ ਕਰਨਾ ਚਾਹੁੰਦਾ ਹੈ।

ਨੀਤੀ ਆਯੋਗ ਦੇ ਉਪ ਚੇਅਰਮੈਨ ਡਾ: ਰਾਜੀਵ ਕੁਮਾਰ ਨੇ ਕਿਹਾ,“ਖੇਤੀਬਾੜੀ ਅਤੇ ਵੈਲਯੂ ਚੇਨ ਮੈਨੇਜਮੈਂਟ ਵਿੱਚ ਆਈਆਈਐਸ ਦਾ ਐਮਬੀਏ ਖੇਤੀਬਾੜੀ ਕਾਰੋਬਾਰ ਦੇ ਮੋਹਰੀਆਂ, ਖੇਤੀਬਾੜੀ ਉੱਦਮੀਆਂ, ਅਤੇ ਕੀਮਤ ਚੇਨ ਮਾਹਰਾਂ ਨੂੰ ਲੋੜੀਂਦੇ ਹੁਨਰ, ਗਿਆਨ, ਐਕਸਪੋਜ਼ਰ ਅਤੇ ਰਵੱਈਏ ਨਾਲ ਸ਼ਕਤੀ ਪ੍ਰਦਾਨ ਕਰੇਗਾ। ਇਹ ਖੇਤੀਬਾੜੀ ਵਪਾਰ, ਖੇਤੀ ਅਧਾਰਤ ਉੱਦਮਾਂ, ਪੇਂਡੂ ਅਤੇ ਸਹਿਯੋਗੀ ਖੇਤਰਾਂ ਦੀ ਸਮਝ ਨੂੰ ਉਤਸ਼ਾਹਤ ਕਰੇਗਾ। ਇਹ ਗੁਜਰਾਤ ਯੂਨੀਵਰਸਿਟੀ ਦੀ ਇੱਕ ਉੱਤਮ ਪਹਿਲ ਹੈ। ਕੁਦਰਤੀ ਖੇਤੀ ਲਈ ਇੱਕ ਉਚਿਤ ਵਾਤਾਵਰਣ ਪ੍ਰਣਾਲੀ ਵਿਕਸਤ ਕਰਨ ਲਈ ਇਸ ਕੋਰਸ ਦੀ ਬਹੁਤ ਜ਼ਰੂਰਤ ਹੈ। ਅਸੀਂ ਇੰਡੀਅਨ ਇੰਸਟੀਚਿਊਟ ਆਫ਼ ਸਸਟੇਨੇਬਿਲਿਟੀ ਅਤੇ ਗੁਜਰਾਤ ਯੂਨੀਵਰਸਿਟੀ ਨੂੰ ਪੂਰਨ ਸਮਰਥਨ ਦਾ ਭਰੋਸਾ ਦਿੰਦੇ ਹਾਂ।”

ਗੁਜਰਾਤ ਦੇ ਸਿੱਖਿਆ ਮੰਤਰੀ ਭੁਪੇਂਦਰ ਸਿੰਘ ਚੁਡਾਸਾਮਾ ਨੇ ਅੱਗੇ ਕਿਹਾ,“ਗੁਜਰਾਤ ਸਿੱਖਿਆ ਤੇ ਖੇਤੀਬਾੜੀ ਵਿੱਚ ਮੋਹਰੀ ਰਿਹਾ ਹੈ। ਸੰਸਾਰੀਕਰਨ, ਨੀਤੀ ਸੁਧਾਰਾਂ ਅਤੇ ਖਪਤਕਾਰਾਂ ਦੀ ਜਾਗਰੂਕਤਾ ਨੇ ਭਾਰਤੀ ਖੇਤੀਬਾੜੀ ਵਿੱਚ ਢਾਂਚਾਗਤ ਤਬਦੀਲੀਆਂ ਲਿਆਂਦੀਆਂ ਹਨ। ਖੇਤੀਬਾੜੀ ਉੱਦਮੀਆਂ ਅਤੇ ਵੈਲਯੂ-ਚੇਨ ਮੈਨੇਜਮੈਂਟ ਪੇਸ਼ੇਵਰਾਂ ਦੀ ਮਹੱਤਵਪੂਰਨ ਮੰਗ ਹੈ। ਆਈਆਈਐਸ ਦਾ ਐਮਬੀਏ ਕੋਰਸ ਵਿਦਿਆਰਥੀਆਂ ਲਈ ਅਥਾਹ ਮੌਕੇ ਪੈਦਾ ਕਰੇਗਾ ਅਤੇ ਖੇਤੀ-ਭੋਜਨ ਉਦਯੋਗ ਅਤੇ ਪੇਂਡੂ ਵਿਕਾਸ ਦੀ ਸੇਵਾ ਲਈ ਉੱਦਮੀ ਭਾਵਨਾ ਨੂੰ ਉਤਸ਼ਾਹਤ ਕਰੇਗਾ। ਅਸੀਂ ਨੀਤੀ ਆਯੋਗ ਨਾਲ ਭਾਈਵਾਲੀ ਦਾ ਸਵਾਗਤ ਕਰਦੇ ਹਾਂ, ਜੋ ਭਾਰਤੀ ਖੇਤੀਬਾੜੀ ਵਿੱਚ ਨਵੀਆਂ ਸਰਹੱਦਾਂ ਖੋਲ੍ਹੇਗੀ।”

ਇਸ ਸਮਾਰੋਹ ’ਚ ਸਮੇਤ ਗੁਜਰਾਤ ਯੂਨੀਵਰਸਿਟੀ ਦੇ ਵਾਈਸ ਚਾਂਸਲਰ ਡਾ. ਹਿਮਾਂਸ਼ੂ ਪਾਂਡਿਆ ਤੇ ਪ੍ਰੋ ਵਾਈਸ ਚਾਂਸਲਰ ਡਾ. ਜਗਦੀਸ਼ ਭਵਸਰ ਤੇ ਜੀਯੂਐੱਸਈਸੀ ਦੇ ਸੀਈਓ ਰਾਹੁਲ ਭਾਗਚੰਦਾਨੀ ਸਮੇਤ ਵਿਭਿੰਨ ਪਤਵੰਤੇ ਸੱਜਣਾਂ ਨੇ ਭਾਗ ਲਿਆ।

*********

ਡੀਐੱਸ/ਏਕੇਜੇ/ਏਕੇ