ਮਹਿਲਾ ਤੇ ਬਾਲ ਵਿਕਾਸ ਮੰਤਰਾਲਾ

ਸੋਮਵਾਰ ਨੂੰ ਮੁੰਬਈ ਵਿੱਚ ਸਮਾਜ ਦੇ ਕਈ ਵਰਗਾਂ ਦਰਮਿਆਨ "ਪੋਸ਼ਣ ਅਭਿਯਾਨ" ਜਾਗਰੂਕਤਾ ਪ੍ਰੋਗਰਾਮਾਂ ਦੀ ਲੜੀ ਦਾ ਆਯੋਜਨ ਕੀਤਾ ਜਾਵੇਗਾ


ਕੇਂਦਰੀ ਮੰਤਰੀ ਸਮ੍ਰਿਤੀ ਜੁਬਿਨ ਇਰਾਨੀ ਅਤੇ ਮੁਖਤਾਰ ਅੱਬਾਸ ਨਕਵੀ ਮੁੰਬਈ ਵਿੱਚ ਪੋਸ਼ਣ ਜਾਗਰੂਕਤਾ ਪ੍ਰੋਗਰਾਮਾਂ ਵਿੱਚ ਭਾਗ ਲੈਣਗੇ
ਘੱਟ ਗਿਣਤੀ ਸਮੁਦਾਇਆਂ ਦੇ ਲੋਕਾਂ ਨੂੰ ਪੋਸ਼ਣ ਕਿੱਟਾਂ ਦਿੱਤੀਆਂ ਜਾਣਗੀਆਂ

ਮਹਿਲਾ ਅਤੇ ਬਾਲ ਵਿਕਾਸ ਮੰਤਰੀ ਧਾਰਾਵੀ ਆਈਸੀਡੀਐੱਸ ਕੇਂਦਰ ਦਾ ਦੌਰਾ ਕਰਨਗੇ ਅਤੇ ਆਈਸੀਡੀਐੱਸ ਲਾਭਾਰਥੀਆਂ ਅਤੇ ਗੈਰ ਸਰਕਾਰੀ ਸੰਗਠਨਾਂ ਦੇ ਨਾਲ ਗੱਲਬਾਤ ਕਰਨਗੇ

Posted On: 04 SEP 2021 4:05PM by PIB Chandigarh

ਮੁੰਬਈ ਵਿੱਚ ਕਈ ਸਥਾਨਾਂ ਉੱਤੇ ਸੋਮਵਾਰ, ਛੇ ਸਤੰਬਰ, 2021 ਨੂੰ "ਪੋਸ਼ਣ ਮਾਹ" ਦੇ ਤਹਿਤ ਸਮਾਜ ਦੇ ਕਈ ਵਰਗਾਂ ਦੇ ਵਿੱਚ "ਪੋਸ਼ਣ ਜਾਗਰੂਕਤਾ ਅਭਿਯਾਨ" (ਪੋਸ਼ਣ ਜਾਗਰੂਕਤਾ ਅਭਿਯਾਨ)  ਪ੍ਰੋਗਰਾਮਾਂ ਦੀ ਇੱਕ ਲੜੀ ਆਯੋਜਿਤ ਕੀਤੀ ਜਾ ਰਹੀ ਹੈ।  ਕੇਂਦਰੀ ਮਹਿਲਾ ਅਤੇ ਬਾਲ ਵਿਕਾਸ ਮੰਤਰੀ ਸ਼੍ਰੀਮਤੀ ਸਮ੍ਰਿਤੀ ਜੁਬਿਨ ਇਰਾਨੀ ਅਤੇ ਕੇਂਦਰੀ ਘੱਟ ਗਿਣਤੀ ਮਾਮਲੇ ਮੰਤਰੀ  ਸ਼੍ਰੀ ਮੁਖਤਾਰ ਅੱਬਾਸ ਨਕਵੀ ਇਨ੍ਹਾਂ ਪ੍ਰੋਗਰਾਮਾਂ ਵਿੱਚ ਸ਼ਾਮਿਲ ਹੋਣਗੇ, ਜੋ ਕੇਂਦਰੀ ਮਹਿਲਾ ਅਤੇ ਬਾਲ ਵਿਕਾਸ ਮੰਤਰਾਲੇ ਅਤੇ ਕੇਂਦਰੀ ਘੱਟ ਗਿਣਤੀ ਕਾਰਜ ਮੰਤਰਾਲੇ ਦੁਆਰਾ ਸੰਯੁਕਤ ਰੂਪ ਨਾਲ ਆਯੋਜਿਤ ਕੀਤੇ ਜਾ ਰਹੇ ਹਨ। 

 

ਪੋਸ਼ਣ ਜਾਗਰੂਕਤਾ ਪ੍ਰੋਗਰਾਮ ਛੇ ਸਤੰਬਰ ਨੂੰ ਅੰਜੁਮਨ-ਏ-ਇਸਲਾਮ ਗਰਲਸ ਸਕੂਲ, ਐੱਸ ਵੀ ਰੋਡ, ਬਜ਼ਾਰ ਰੋਡ, ਬਾਂਦਰਾ ਪੱਛਮੀ; ਮਹਾਤਮਾ ਗਾਂਧੀ ਸੇਵਾ ਮੰਦਿਰ ਹਾਲ, ਐੱਸ ਵੀ ਰੋਡ, ਬਾਂਦਰਾ ਪੱਛਮ;  ਸਾਇਨ ਰੇਲਵੇ ਸਟੇਸ਼ਨ ਦੇ ਨੇੜੇ ਸਥਿਤ ਆਵਰ ਲੇਡੀ ਆਵ੍ ਗੁਡ ਕਾਉਂਸਲ ਹਾਈ ਸਕੂਲ; ਅਤੇ ਪਾਰਜੋਰ ਫਾਉਂਡੇਸ਼ਨ ਦੇ ਦ ਦਾਦਰ ਅਥੋਰਨਨ ਇੰਸਟੀਟਿਊਟ, ਫਿਰਦੌਸੀ ਰੋਡ,  ਮੰਚੇਰਜੀ ਜੋਸ਼ੀ  ਪਾਰਸੀ ਕਲੋਨੀ,  ਦਾਦਰ,  ਮੁੰਬਈ ਵਿੱਚ ਆਯੋਜਿਤ ਕੀਤੇ ਜਾਣਗੇ। 

 

ਈਸਾਈ,  ਬੋਧੀ,  ਮੁਸਲਮਾਨ,  ਪਾਰਸੀ,  ਜੈਨ ਅਤੇ ਸਿੱਖ ਸਮੁਦਾਇਆਂ ਅਤੇ ਗ਼ਰੀਬ ਅਤੇ ਪਿਛੜੇ ਖੇਤਰਾਂ ਦੀਆਂ ਮਹਿਲਾਵਾਂ ਆਪਣੇ ਪਰਿਵਾਰ ਦੇ ਮੈਬਰਾਂ ਦੇ ਨਾਲ ਮੁੰਬਈ ਵਿੱਚ ਪੋਸ਼ਣ ਅਭਿਯਾਨ ਪ੍ਰੋਗਰਾਮਾਂ ਵਿੱਚ ਸ਼ਾਮਿਲ ਹੋਣਗੀਆਂ।  ਉਨ੍ਹਾਂ ਨੂੰ ਪੋਸ਼ਣ ਲਾਭਾਂ ਬਾਰੇ ਦੱਸਿਆ ਜਾਵੇਗਾ। ਇਸ ਮੌਕੇ ਉੱਤੇ ਪੋਸ਼ਣ ਕਿੱਟ ਵੀ ਵੰਡੀਆਂ ਜਾਣਗੀਆਂ। 

 

ਪੋਸ਼ਣ ਅਭਿਯਾਨ ਪ੍ਰੋਗਰਾਮਾਂ ਵਿੱਚ ਭਾਗ ਲੈਣ ਤੋਂ ਪਹਿਲਾਂ, ਮਹਿਲਾ ਅਤੇ ਬਾਲ ਵਿਕਾਸ ਮੰਤਰੀ  ਧਾਰਾਵੀ ਵਿੱਚ ਇੱਕ ਆਈਸੀਡੀਐੱਸ (ਏਕੀਕ੍ਰਿਤ ਬਾਲ ਵਿਕਾਸ ਸੇਵਾ) ਕੇਂਦਰ ਦਾ ਦੌਰਾ ਕਰਨਗੇ ਅਤੇ ਉਸੇ ਦਿਨ ਯਾਨੀ ਛੇ ਸਤੰਬਰ, 2021 ਨੂੰ ਆਈਸੀਡੀਐੱਸ ਲਾਭਾਰਥੀਆਂ ਅਤੇ ਗੈਰ ਸਰਕਾਰੀ ਸੰਗਠਨਾਂ ਦੇ ਨਾਲ ਗੱਲਬਾਤ ਕਰਨਗੇ। ਉਹ ਯੋਜਨਾ ਦੇ ਤਹਿਤ ਲਾਭ ਪ੍ਰਾਪਤ ਕਰਨ ਵਾਲੇ ਨਾਗਰਿਕਾਂ  ਦੇ ਘਰ ਵੀ ਜਾਣਗੇ। 

 

ਮਹਿਲਾ ਅਤੇ ਬਾਲ ਵਿਕਾਸ ਮੰਤਰੀ  ਨੇ ਕਿਹਾ ਕਿ ਭਾਰਤ ਸਰਕਾਰ ਨੇ ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਦੀ ਅਗਵਾਈ ਵਿੱਚ ਕੁਪੋਸ਼ਣ ਨਾਲ ਨਿਪਟਨ ਲਈ ਮਾਰਚ 2018 ਵਿੱਚ ਪੋਸ਼ਣ ਅਭਿਯਾਨ ਸ਼ੁਰੂ ਕੀਤਾ ਸੀ।  “ਪੋਸ਼ਣ ਅਭਿਯਾਨ  ਦੇ ਸ਼ੁਭਾਰੰਭ  ਦੇ ਬਾਅਦ ਤੋਂ,  ਸਤੰਬਰ  ਦੇ ਮਹੀਨੇ ਨੂੰ ਸਮਾਜ ਵਿੱਚ ਵਿਵਹਾਰ ਪਰਿਵਰਤਨ ਲਿਆਉਣ ਲਈ ਵਿਸ਼ੇਸ਼ ਸਮਰਪਿਤ ਗਤੀਵਿਧੀਆਂ ਨੂੰ ਅੰਜਾਮ ਦੇਣ  ਦੇ ਉਦੇਸ਼ ਨਾਲ ‘ਪੋਸ਼ਣ ਮਾਹ’  ਦੇ ਰੂਪ ਵਿੱਚ ਮਨਾਇਆ ਜਾਂਦਾ ਹੈ।  ਜਿੱਥੇ ਪੋਸ਼ਣ ਮਾਹ 2019 ਵਿੱਚ ਪੂਰੇ ਭਾਰਤ ਵਿੱਚ 3.66 ਕਰੋੜ ਗਤੀਵਿਧੀਆਂ ਆਯੋਜਿਤ ਕੀਤੀਆਂ ਗਈਆਂ, ਉਥੇ ਹੀ ਸਾਲ 2020 ਵਿੱਚ ਆਂਗਨਵਾੜੀਆਂ ਅਤੇ ਜਨਤਕ ਸਥਾਨਾਂ ਉੱਤੇ ਵੱਡੇ ਪੈਮਾਨੇ ਉੱਤੇ ਪੌਦੇ ਲਗਾਉਣ ਅਭਿਯਾਨ ਅਤੇ ਪੋਸ਼ਕ ਬਗ਼ੀਚੇ ਵਿਕਸਿਤ ਕਰਨ ਦੀ ਸ਼ੁਰੂਆਤ ਹੋਈ। ਪੋਸ਼ਣ ਮਾਹ 2020 ਦੇ ਦੌਰਾਨ 12.84 ਲੱਖ ਪੌਦੇ ਲਗਾਉਣ ਦਾ ਅਭਿਯਾਨ ਚਲਾਏ ਗਏ।”

 

ਉਥੇ ਹੀ ਘੱਟ ਗਿਣਤੀ ਮਾਮਲੇ ਮੰਤਰੀ ਨੇ ਕਿਹਾ ਕਿ "ਪੋਸ਼ਣ ਅਭਿਯਾਨ" ਇਸ ਵਜ੍ਹਾ ਤੋਂ ਮਹੱਤਵਪੂਰਣ ਹੈ ਕਿਉਂਕਿ ਦੇਸ਼ ਭਾਰਤ ਦੀ ਆਜ਼ਾਦੀ ਦੇ 75 ਸਾਲ "ਆਜ਼ਾਦੀ ਕਾ ਅੰਮ੍ਰਿਤ ਮਹੋਤਸਵ ਮਨਾ” ਰਿਹਾ ਹੈ।  ਉਨ੍ਹਾਂ ਨੇ ਕਿਹਾ,  “ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਦੀ ਅਗਵਾਈ ਵਿੱਚ ਸਰਕਾਰ ਨੇ ਲੜਕੀਆਂ ਅਤੇ ਮਹਿਲਾਵਾਂ ਦੀ ਚੰਗੀ ਸਿਹਤ ਅਤੇ ਭਲਾਈ ਲਈ ਪ੍ਰਤੀਬੱਧਤਾ  ਦੇ ਨਾਲ ਕੰਮ ਕੀਤਾ ਹੈ । ਪੋਸ਼ਣ ਅਭਿਯਾਨ ,  ਬੇਟੀ ਬਚਾਓ ਬੇਟੀ ਪੜ੍ਹਾਓ,  ਮਿਸ਼ਨ ਇੰਦਰਧਨੁਸ਼,  ਸਵੱਛ ਭਾਰਤ ਮਿਸ਼ਨ ਅਤੇ ਉੱਜਵਲਾ ਯੋਜਨਾ ਵਰਗੀਆਂ ਯੋਜਨਾਵਾਂ ਇਸ ਦੇ ਉਦਾਹਰਣ ਹਨ। ”

https://static.pib.gov.in/WriteReadData/userfiles/Poshan1.JPEG.png

 

ਸੰਸਦ ਮੈਂਬਰ ਸ਼੍ਰੀਮਤੀ ਪੂਨਮ ਮਹਾਜਨ,  ਸ਼੍ਰੀ ਗੋਪਾਲ ਸ਼ੈੱਟੀ,  ਸ਼੍ਰੀ ਮਨੋਜ ਕੋਟਕ ਅਤੇ ਸ਼੍ਰੀ ਰਾਹੁਲ ਰਾਜੇਸ਼ ਸ਼ੇਵਾਲੇ;  ਮਹਿਲਾ ਅਤੇ ਬਾਲ ਵਿਕਾਸ ਮੰਤਰੀ,  ਮਹਾਰਾਸ਼ਟਰ ਸਰਕਾਰ,  ਸ਼੍ਰੀਮਤੀ ਯਸ਼ੋਮਤੀ ਚੰਦ੍ਰਕਾਂਤ ਠਾਕੁਰ;  ਵਿਧਾਇਕ ਸ਼੍ਰੀ ਐੱਮ.ਪੀ. ਲੋਢਾ ਅਤੇ ਸ਼੍ਰੀ ਅਸ਼ੀਸ਼ ਸ਼ੇਲਾਰ; ਸਕੱਤਰ,  ਕੇਂਦਰੀ ਮਹਿਲਾ ਅਤੇ ਬਾਲ ਵਿਕਾਸ ਮੰਤਰਾਲਾ, ਸ਼੍ਰੀ ਇੰਦੇਵਰ ਪਾਂਡੇ; ਸਕੱਤਰ, ਕੇਂਦਰੀ ਘੱਟ ਗਿਣਤੀ ਕਾਰਜ ਮੰਤਰਾਲਾ,  ਸ਼੍ਰੀਮਤੀ ਰੇਣੁਕਾ ਕੁਮਾਰ;  ਸਕੱਤਰ ਐੱਨਸੀਐੱਮ ਅਤੇ ਸੀਐੱਮਡੀ ਐੱਨਐੱਮਡੀਐੱਫਸੀ,  ਸ਼੍ਰੀ ਐੱਸ ਕੇ ਦੇਵ ਵਰਮਨ;  ਸੰਯੁਕਤ ਸਕੱਤਰ,  ਕੇਂਦਰੀ ਮਹਿਲਾ ਅਤੇ ਬਾਲ ਵਿਕਾਸ ਮੰਤਰਾਲਾ,  ਸ਼੍ਰੀਮਤੀ ਪੱਲਵੀ ਅੱਗਰਵਾਲ ਅਤੇ ਹੋਰ ਸੀਨੀਅਰ ਅਧਿਕਾਰੀ ਮੁੰਬਈ ਵਿੱਚ ਕਈ ਸਥਾਨਾਂ ਉੱਤੇ ਆਯੋਜਿਤ ਹੋਣ ਵਾਲੇ ਪੋਸ਼ਣ ਅਭਿਯਾਨ ਜਾਗਰੂਕਤਾ ਮੁਹਿੰਮ ਵਿੱਚ ਸ਼ਾਮਿਲ ਹੋਣਗੇ। ਨਾਲ ਹੀ ਅੰਜੁਮਨ-ਏ-ਇਸਲਾਮ ਦੇ ਪ੍ਰਧਾਨ,  ਡਾ. ਜ਼ਹੀਰ ਕਾਜੀ;  ਬੰਬੇ ਪਾਰਸੀ ਪੰਚਾਇਤ ਦੀ ਚੇਅਰਪਰਸਨ ਸੁਸ਼੍ਰੀ ਅਰਮਾਤੀ ਤਿਰੰਦਾਜ ਅਤੇ ਸਮਾਜਿਕ ਅਤੇ ਸਿੱਖਿਆ ਖੇਤਰਾਂ  ਦੇ ਹੋਰ ਪ੍ਰਮੁੱਖ ਲੋਕ ਵੀ ਇਸ ਵਿੱਚ ਹਿੱਸਾ ਲੈਣਗੇ। 

 

 ਪੋਸ਼ਣ ਅਭਿਯਾਨ ਬਾਰੇ ਜਾਣਕਾਰੀ

ਪੋਸ਼ਣ (ਪ੍ਰਾਇਮ ਮਿਨੀਸਟਰਸ ਓਵਰਆਰਚਿੰਗ ਸਕੀਮ ਫੌਰ ਹੋਲਿਸਟਿਕ ਨਿਊਟ੍ਰੀਸ਼ਨ) ਅਭਿਯਾਨ ਬੱਚੀਆਂ,  ਬਾਲਗਾਂ,  ਗਰਭਵਤੀ ਮਹਿਲਾਵਾਂ ਅਤੇ ਸਤਨਪਾਨ ਕਰਾਉਣ ਵਾਲੀਆਂ ਮਾਤਾਵਾਂ ਲਈ ਪੋਸ਼ਣ ਸੰਬੰਧੀ ਨਤੀਜਿਆਂ ਵਿੱਚ ਸੁਧਾਰ ਕਰਨ ਲਈ ਭਾਰਤ ਸਰਕਾਰ ਦਾ ਪ੍ਰਮੁੱਖ ਪ੍ਰੋਗਰਾਮ ਹੈ ।  ਅੱਠ ਮਾਰਚ, 2018 ਨੂੰ ਅੰਤਰਰਾਸ਼ਟਰੀ ਮਹਿਲਾ ਦਿਵਸ ਦੇ ਮੌਕੇ ਉੱਤੇ ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ  ਦੁਆਰਾ ਸ਼ੁਰੂ ਕੀਤੇ ਗਏ ਇਸ ਅਭਿਯਾਨ ਦਾ ਉਦੇਸ਼ ਕੁਪੋਸ਼ਣ ਦੀ ਸਮੱਸਿਆ ਨਾਲ ਮਿਸ਼ਨ - ਮੋਡ ਵਿੱਚ ਨਜਿੱਠਣਾ ਹੈ । 

 

ਮਿਸ਼ਨ ਪੋਸ਼ਣ 2.0 (ਸਕਸ਼ਮ ਆਂਗਨਵਾੜੀ ਅਤੇ ਪੋਸ਼ਣ 2.0)  ਨੂੰ ਬਜਟ 2021-2022 ਵਿੱਚ ਇੱਕ ਏਕੀਕ੍ਰਿਤ ਪੋਸ਼ਣ ਸਹਾਇਤਾ ਪ੍ਰੋਗਰਾਮ ਦੇ ਰੂਪ ਵਿੱਚ ਘੋਸ਼ਿਤ ਕੀਤਾ ਗਿਆ ਹੈ, ਤਾਕਿ ਸਿਹਤ,  ਭਲਾਈ ਅਤੇ ਬੀਮਾਰੀਆਂ ਤੋਂ ਰੱਖਿਆ ਅਤੇ ਪੋਸ਼ਣ ਨੂੰ ਹੁਲਾਰਾ ਦੇਣ ਵਾਲੀਆਂ ਪ੍ਰਣਾਲੀਆਂ ਦੇ ਵਿਕਾਸ ਉੱਤੇ ਧਿਆਨ ਦੇਣ ਦੇ ਨਾਲ ਪੋਸ਼ਣ ਸਮੱਗਰੀ,  ਵੰਡ ,  ਪਹੁੰਚ ਅਤੇ ਨਤੀਜਿਆਂ ਨੂੰ ਮਜ਼ਬੂਤ ਕੀਤਾ ਜਾ ਸਕੇ । 

 

 ਪੋਸ਼ਣ ਮਾਹ 2021

ਇਸ ਸਾਲ, ਜਦੋਂ ਭਾਰਤ ਆਜ਼ਾਦੀ ਦਾ ਅੰਮ੍ਰਿਤ ਮਹੋਤਸਵ ਮਨਾ ਰਿਹਾ ਹੈ, ਤੇਜ਼ ਅਤੇ ਤੀਬਰ ਪਹੁੰਚ ਸੁਨਿਸ਼ਚਿਤ ਕਰਨ ਲਈ ਪੋਸ਼ਣ ਮਾਹ 2021 ਨੂੰ ਥੀਮੈਟਿਕ ਢੰਗ ਨਾਲ ਮਨਾਇਆ ਜਾ ਰਿਹਾ ਹੈ ।  ਸਮੁੱਚੇ ਪੋਸ਼ਣ ਵਿੱਚ ਸੁਧਾਰ ਦੀ ਦਿਸ਼ਾ ਵਿੱਚ ਕੇਂਦ੍ਰਿਤ ਅਤੇ ਸਮੇਕਿਤ ਦ੍ਰਿਸ਼ਟੀਕੋਣ ਲਈ ਸਤੰਬਰ 2021 ਦੇ ਪੂਰੇ ਮਹੀਨੇ ਨੂੰ ਸਪਤਾਹਿਕ ਵਿਸ਼ਿਆਂ ਵਿੱਚ ਵੰਡਿਆ ਗਿਆ ਹੈ।  ਮਹਿਲਾ ਅਤੇ ਬਾਲ ਵਿਕਾਸ ਮੰਤਰਾਲੇ ਨੇ ਰਾਜਾਂ ਅਤੇ ਕੇਂਦਰ ਸ਼ਾਸਿਤ ਖੇਤਰਾਂ ਦੇ ਨਾਲ ਮਿਲ ਕੇ ਪੂਰੇ ਮਹੀਨੇ ਲਈ ਕਈ ਗਤੀਵਿਧੀਆਂ ਦੀ ਯੋਜਨਾ ਬਣਾਈ ਹੈ। ਵੇਰਵਾ ਇੱਥੇ ਦੇਖਿਆ ਜਾ ਸਕਦਾ ਹੈ:   https://pib.gov.in/PressReleasePage.aspx?PRID=1750104

 

 

ਏਕੀਕ੍ਰਿਤ ਬਾਲ ਵਿਕਾਸ ਸੇਵਾ (ਆਈਸੀਡੀਐੱਸ) ਯੋਜਨਾ

ਏਕੀਕ੍ਰਿਤ ਬਾਲ ਵਿਕਾਸ ਸੇਵਾ (ਆਈਸੀਡੀਐੱਸ) ਯੋਜਨਾ ਭਾਰਤ ਸਰਕਾਰ ਦੇ ਪ੍ਰਮੁੱਖ ਪ੍ਰੋਗਰਾਮਾਂ ਵਿੱਚੋਂ ਇੱਕ ਹੈ ਅਤੇ ਅਰੰਭਿਕ ਬਾਲ ਅਵਸਥਾ ਦੀ ਦੇਖਭਾਲ ਅਤੇ ਵਿਕਾਸ ਲਈ ਦੁਨੀਆ ਦੇ ਸਭ ਤੋਂ ਵੱਡੇ ਅਤੇ ਅਨੋਖੇ ਪ੍ਰੋਗਰਾਮਾਂ ਵਿੱਚੋਂ ਇੱਕ ਦਾ ਪ੍ਰਤੀਨਿਧੀਤਵ ਕਰਦੀ ਹੈ। ਇਹ ਦੇਸ਼ ਦੀ ਆਪਣੇ ਬੱਚਿਆਂ ਅਤੇ ਬੱਚਿਆਂ ਨੂੰ ਸਤਨਪਾਨ ਕਰਾਉਣ ਵਾਲੀਆਂ ਮਾਤਾਵਾਂ ਨੂੰ ਲੈ ਕੇ ਪ੍ਰਤਿਬੱਧਤਾ ਦਾ ਸਭ ਤੋਂ ਮਹੱਤਵਪੂਰਣ ਪ੍ਰਤੀਕ ਹੈ। ਯੋਜਨਾ ਦਾ ਉਦੇਸ਼ ਜਿੱਥੇ ਇੱਕ ਪਾਸੇ,  ਪ੍ਰੀ-ਸਕੂਲ ਗੈਰ ਰਸਮੀ ਸਿੱਖਿਆ ਪ੍ਰਦਾਨ ਕਰਨਾ ਹੈ ਤਾਂ ਦੂਜੇ ਪਾਸੇ ਕੁਪੋਸ਼ਣ,  ਰੋਗ , ਘੱਟ ਸਿੱਖਣ ਦੀ ਸਮਰੱਥਾ ਅਤੇ ਮੌਤ ਦਰ ਦੇ ਦੁਸ਼ਟ ਚੱਕਰ ਨੂੰ ਤੋੜਨ ਦੀ ਚੁਣੌਤੀ ਨਾਲ ਨਜਿੱਠਣਾ ਹੈ।  ਇਸ ਯੋਜਨਾ  ਦੇ ਲਾਭਾਰਥੀ ਜ਼ੀਰੋ ਤੋਂ ਛੇ ਸਾਲ  ਦੇ ਉਮਰ ਵਰਗ ਦੇ ਬੱਚੇ ,  ਗਰਭਵਤੀ ਮਹਿਲਾਵਾਂ ਅਤੇ ਸਤਨਪਾਨ ਕਰਾਉਣ ਵਾਲੀਆਂ ਮਾਵਾਂ ਹਨ ।

************

ਪੀਆਈਬੀ ਦਿੱਲੀ/ਮੁੰਬਈ/ਡੀਜੇਐੱਮ/ਪੀਕੇ



(Release ID: 1752401) Visitor Counter : 146