কেন্দ্রগী গ্রহ মন্ত্রীনা খ্বাইদগী ফবা পুলিস ত্রেনিং ইন্সতিত্যুতশিংদা ত্রোফীশিং অমসুং এৱার্দশিং পীখ্রে অমসুং পুলিস ত্রেনিংগী মেদল ওফ এক্সিলেন্সসু পীখ্রে

শ্রী অমিত শাহনা তোকিয়ো ওলিম্পিক ২০২০গী সিলভর মেদলিস্ত কুমারী এস. মিরাবাই চনু তরাম্না ওকখ্রে

কোবিদ-১৯ লাইচৎ মনুংদা, লৈবাক অসিগী প্রধান মন্ত্রীদগী হৌরগা লৈবাক অসিগী অঙাংশিংনা পুলিস ফোর্সকী সর্ভিসশিং অসি থমোয় শেংনা থাগৎনরকখি

প্রধান মন্ত্রী শ্রী নরেন্দ্র মোদীনা হেলিকোপ্তরশিংদগী কোবিদ ৱারিয়রশিং, মরু ওইনা লৈবাক অসিগী শেবা তৌরিবা পুলিস ফোর্সশিংদা লৈ মনাশিং চাইথখি অমসুং অহানবা ওইনা পুলিস ফোর্সশিংনা মখোয়না থবক তৌজবগী থমোয় শেংনা থাগৎপা অমসুং ইকাই খুম্নবা অদু ফংজখি

ইন্সতিত্যুত অমা হেক্তনা চহি ৫১শুবা ফাওবা মখোয়গী মতিক-ময়াই ঙাক্তুনা থম্বা অসি অচৌবা মাইপাকপা অমনি অমদি বি.পি.আর.এন্দ দি.না মসি নীংথিনা উৎপা ঙমখ্রে

বি.পি.আর.এন্দ দি. য়াওদনা অফবা পোলিসিং ওইথোকপা ঙম্লোই

করিগুম্বা শীংনবশিংগীদমক লো অমসুং ওর্দর শেম্বা তারবদি, মসি শম্নহন্নবা লিঙ্ক অমা মথৌ তাই নত্ত্রবদি লো অমসুং ওর্দরগী ফীভম ফৎচিল্লক্লোই, অমসুং চহি ৫১ অসিদা রাজ্য পুম্নমকপু লো অমসুং ওর্দরদা কনেক্ত তৌনবা বি.পি.আর.এন্দ দি.না মসি নীংথিনা উৎপা ঙমখ্রে

দিমোক্রেসী হায়বা অসি ঐখোয়গী মচৎনি

দেমোক্রেসীগী খ্বাইদগী চাউবা থৌদাং অসি লো অমসুং ওর্দরগা হকথেংননা মরী লৈনরিবা মীওই অমগী নীংখা তম্বা অদুনি, লো অমসুং ওর্দর লৈত্রবদি দেমোক্রেসী মাইপাকপা ঙম্লোই

মীওই করোর ১৩০না মখোয়গী তৌবা ঙম্বা অমসুং লৌশিংগী মতুং ইন্না মখোয় মশাবু শেমগৎচনবা খুদোংচাবা ফংলি অমসুং লৈবাক অসিদা চাউখৎলকপগা ইরোইননা মাগী প্রজা করোর ১৩০গী চাউখৎলকপা অসিদগী লৈবাক অসিনা কান্নবা ফংখি, মসি দেমোক্রেসীনি

ঐখোয়গী লৈবাক্না তোঙান-তোঙানবা হরাও-কুহ্মৈশিং পাঙথোকপা মতমদা ঐখোয়গী পুলিসমেনশিংনা মখোয়গী মথৌ তৌই

হৌখিবা চহি ৭৫ অসিদা তোঙান-তোঙানবা থবক-থৌরমশিংদা ঐখোয়গী পুলিস পর্সনেল ৩৫,০০০ হেনবনা মখোয়গী পুন্সি পীখমনখি

পুলিস ফোর্সনা কত্থোক্লিবা অসি ইকাই খুম্ননবা প্রধান মন্ত্রী, শ্রী নরেন্দ্র মোদীনা দিল্লীদা পুলিস মেমোরিএল শাখি, মসিদা লৈবাক অসিগী শেবা তৌবদা করম্না ঐখোয়গী পুলিস ফোর্সকী মীওই ৩৫,০০০না থৱায় থাখিবগে হায়বা উৎলি

লাইচৎ মনুংদা লৈবাক শিনবা থুংবদা, কশ্মিরদগী কন্যাকুমারি অমসুং দ্বার্কাদগী অসাম ফাওবা, পুলিস পর্সনেলনা শীংথানীংঙাই ওইনা মথৌ তৌখি অমসুং মসি দোক্যুমেন্ত তৌগদবনি অমদি মসিগী মতাংদা দোক্যুমেন্তরী অমসু শেমগদবনি

পুলিসকী মীংচৎ পুরক্না বি.পি.আর. এন্দ দি.না অখন্নবা থবক তৌবা মথৌ তাই

বি.পি.আর. এন্দ দি.না রাজ্য সরকার পুম্নমক্তগী অফবা মচাক-মথুমশিং পুনশিনদুনা পুলিসকী মীংচৎ পুরক্নবা শেম-শাবা মথৌ তাই

বি.পি.আর. এন্দ দি. অসি শীংনবশিংগী মতুং ইন্না মখোয়গী থবক-থৌওংদা অহোংবা লাকহনবা মথৌ তাবা ইন্সতিত্যুত অমনি, বি.পি.আর. এন্দ দি.গী মপুং ওইবা থৌদাংদি হোংলক্লিবা শীংনবশিং অসি খঙদোকপা অমসুং মালেমগী খ্বাইদগী অফবা প্রেক্তিসশিং অসি থীজিন্দুনা ঐখোয়গী পুলিস ফোর্সশিং শেমগৎপা অসিনি

বি.পি.আর. এন্দ দি.না করিগুম্বা মথৌ তারবদি সি.এ.পি.এফ.শিং মতমগা চুন্নহনবা, ত্রেন তৌবা, ওপরেৎ তৌবা অমসুং ওপরেসন স্কিলশিং হেনগৎহন্নবা থবক তৌবসু তাই, অদোমগী চার্তর অদু গৃহ মন্ত্রালয়নসু অয়াবা পীগনি

বীত সিস্তেম ফগৎহনদ্রবদি তঙাই ফবা পোলিসিং অসি অফবা ওইহনবা ঙম্লোই, বীত সিস্তেম হিংগৎহনবা, অপদেৎ তৌবা অমসুং অপগ্রেদ তৌনবগী থবক হেন্না মথৌ তাই

প্রধান মন্ত্রী, শ্রী নরেন্দ্র মোদীগী লুচিং মখাদা ভারত সরকারগী গৃহ মন্ত্রালয়না সি.আর.পি.সি., আই.পি.সি. অমসুং ইভিদেন্স এক্ততা তঙাই ফদবা অহোংবশিং পুরক্নবা থবক কয়া পাইখৎলি

লৈবাক অসিগী ইন্তর্নেল সেক্যুরিতীগীদমক থবক কয়া মোদী সরকারনা তৌখি

জম্মু অমসুং কশ্মিরদা আর্তিকল ৩৭০ অমসুং ৩৫এগী লৌথোকখিবা অসিনা সি.আর.পি.সি., আই.পি.সি., সাইবর সেক্যুরিতী অমসুং প্রধান মন্ত্রী শ্রী নরেন্দ্র মোদীগী মিনিম্ম গভর্নমেন্ত, মেক্সিম্ম গভর্নমেন্তগী লাইৱা অসি থুংহন্নবা থমোয় শেংনা হোৎনরি

এন.আই.এ. এক্ত অমেন্দ তৌখিবা, আর্মস এক্ততা অহোংবা পুরকখিবা, য়ু.এ.পি.এ. এক্ততা অহোংবা পুরকখিবা অসিনা নার্কোগী খুত্থাংদা তায়র মরিগী স্ত্রকচর অমা শেমদুনা নার্কোরিক্স ফাগৎনবা কেম্পেন অমা হৌদোকখি

সরকার অসিনা অৱাং-নোংপোক্তা এগ্রীমেন্ত কয়া, এন.এল.এফ.তি. এগ্রীমেন্ত, ব্রু রিফ্যুজীশিংগী রিস্তেলমেন্ত, বোদো পীচ এগ্রীমেন্ত, অৱাং-নোংপোক্তা এগ্রীমেন্ত কয়া খুৎয়েক পীনখ্রে অমসুং কার্বি আংলোংগী এগ্রীমেন্ত ঙসি নুমিদাং ৱাইরমদা খুৎয়েক পীনগনি

ইন্তর্নেল সেক্যুরিতীগীদমক্তা মথংগী চহি ১০ অসি য়াম্না মরু ওই মরমদি প্রধান মন্ত্রী, শ্রী নরেন্দ্র মোদীগী লুচিং মখাদা লৈবাক অসিনা খুমাং চাউশিল্লিবা মওং অসিদা, ভারতপু ত্রিলিয়ন-দোলর মঙাগী ইকনোমী অমা ওইহন্নবা পান্দম থম্লিবা অমসুং রিফোর্ম কয়া পুরক্লিবা অসি অপনবা পীদনা মখা চত্থহনবা তাই অমসুং ঐখোয়না মাইকৈ অসিদা থবক তৌবা তাই

হোম অমসুং কোওপরেসনগী কেন্দ্রগী মন্ত্রী, শ্রী অমিত শাহনা অথোইবা মীথুংলেন ওইনা ঙসি নই দিল্লীদা ব্যুরো ওফ পুলিস রিসর্চ এন্দ দিবেলপমেন্ত (বি.পি.আর.এন্দ দি)গী ৫১শুবা ফাউন্দেসন দেদা শরুক য়াখ্রে। থৌরম অদুদা হোমগী কেন্দ্রগী রাজ্য মন্ত্রী, শ্রী নিত্যানন্দ রাই, কেন্দ্রগী হোম সেক্রেতরী, আই.বি.গী দিরেক্তর, বি.পি.আর.এন্দ দিগী দিএক্তর জেনরেল লোইননা গৃহ মন্ত্রালয়গী, পুলিস এন্দ সেন্ত্রেল আর্ম্দ পুলিস ফোর্সেস (সি.এ.পি.এফ.শিং)গী মকোক থোংবা ওফিসর কয়ানা শরুক য়াখি। লৈবাক অসিগী তোঙান-তোঙানবা শরুকশিংদগী পুলিস ওফিসরশিং অমসুং সি.এ.পি.এফ.শিংনা ভর্চ্যুএল ওইনা শরুক য়াখি। কেন্দ্রগী গ্রহ মন্ত্রীনা খ্বাইদগী ফবা পুলিস ত্রেনিং ইন্সতিত্যুতশিংদা ত্রোফীশিং অমসুং এৱার্দশিং পীখ্রে অমসুং পুলিস ত্রেনিংগী মেদল ওফ এক্সিলেন্সসু পীখ্রে। গৃহ মন্ত্রীনা বি.পি.আর. এন্দ দি.গ পব্লিকেসনশিং ফোঙখি অমসুং হিন্দীদা ইবা পন্দিত গোবিন্দ বাল্লভ পান্ত এৱার্দসু খুৎদোল তমখি। থৌরম অদুদা শ্রী অমিত শাহনা তোকিয়ো ওলিম্পিক ২০২০গী সিলভর মেদলিস্ত কুমারী এস. মিরাবাই চনু তরাম্না ওকখ্রে।

মহাক্কী ৱারোল পীবদা কেন্দ্রগী গৃহ মন্ত্রীনা হায়খি ইন্সতিত্যুত অমা হেক্তনা চহি ৫১শুবা ফাওবা মখোয়গী মতিক-ময়াই ঙাক্তুনা থম্বা অসি অচৌবা থৌদাং অমনি অমদি বি.পি.আর.এন্দ দি.না মসি নীংথিনা উৎপা ঙমখ্রে। মহাক্না হায় মতমগী অহোংবা লাকপগা লোইননা মখোয়গী মতিক-ময়াই ঙাক্তুনা থম্বা অসি অচৌবা শীংনবা অমনি অমসুং ওন্সতিত্যুসন অসিসু মদুগী মতুং ইন্না হোংবা তাই।

শ্রী অমিত শাহনা হায়খি বি.পি.আর. এন্দ দি.না য়াম্না মরু ওইবা থবক অমা তৌরি অমসুং মহাক্না মমাংদা মফম অসিদা লাকলম্বা মতমদা, মহাক্না বিজিতরগী বুক্তা  বি.পি.আর.এন্দ দি. য়াওদনা অফবা পোলিসিং ওইথোকপা ঙম্লোই হায়না ইরমখি। শ্রী অমিত শাহনা হায়খি লো অমসুং ওর্দর অসি ফেদরেল স্ত্রকচরগী স্তেৎ সবজেক্ত অমনি অমসুং ফেদরেল স্ত্রকচর মপাঙ্গল কনখৎহন্নবা রাজ্য পুম্নমক্কী ইমপ্লিমেন্তিং এজেন্সীশিংগা লোইননা হায়বদি পুলিসকা অমদু মখোয়গী ফেদরেল ওর্গনাইজেসনশিংগী মরক্তা লিঙ্ক অমা থম্বা য়াম্না মরু ওই।
মহাক্না হায়খি শীংনবশিং অসি লৈবাক অসিগী ৱাখল্লোনদগী লাকপনি, তোঙান-তোঙনবা পার্তীশিংনা সরকারশিং পাইরি অমসুং রাজ্যশিংদা তোঙান-তোঙানবা ৱাখল্লোনশিং চৎনরি, মসিগী মথক্তা রিজনেল পার্তীশিংসু লৈরি, অদুবু করিগুম্বা লো অমসুং ওর্দরনা শীংনবশিং অসি মায়োক্নবা ঙম্নবা শেম-শাবা তারবদি মসি পাঙথোক্নবা লিঙ্ক অমা লৈবা তাই। করিগুম্বা লিঙ্ক অদু লৈতবা তারবদি লৈবাক অদুগী লো অমসুং ওর্দরগী সিস্তেম অদু মরা চাইথরক্কনি অমসুং চহি ৫১ অসিদা রাজ্য পুম্নমকপু লো অমসুং ওর্দরদা কনেক্ত তৌনবা বি.পি.আর.এন্দ দি.না মসি নীংথিনা উৎপা ঙমখ্রে।
মহাক্না হায়খি লৈবাক অসিগী তোঙান-তোঙানবা রাজ্যশিংদা তোঙান-তোঙানবা পোলিসীশিং অমসুং শীংনবশিং লৈ অমদি সেন্ত্রেল সিস্তেম অমনা শীংনবা পুম্নমক এসেস তৌদুনা, মালেমগী ওইবা পেরামিতরশিং প্রেক্তিস তৌদুনা, ফোর্স অসি অপগ্রেদ তৌনবা অয়ুক-নুমিদাং খায়দনা থবক তৌদবা তারবদি শীংনবশিং অসি কোকহনবা ঙম্লোই।

কেন্দ্রগী গৃহ মন্ত্রীনা হায় লৈবাক অসিনা নীংখা তম্লবা মতুংদা দেমোক্রেসী অমসুং রিপব্লিক চৎনহনখি অমসুং দেমোক্রেসী অসি ঐখোয়গী লৈবাক্কী অমসুং মীয়ামগী মচৎনি। দেমোক্রেসীগী খ্বাইদগী চাউবা থৌদাং অসি লো অমসুং ওর্দরগা হকথেংননা মরী লৈনরিবা মীওই অমগী নীংখা তম্বা অদুনি, লো অমসুং ওর্দর লৈত্রবদি দেমোক্রেসী মাইপাকপা ঙম্লোই। মহাক্না হায়খি মীওই করোর ১৩০না মখোয়গী তৌবা ঙম্বা অমসুং লৌশিংগী মতুং ইন্না মখোয় মশাবু শেমগৎচনবা খুদোংচাবা ফংলি অমসুং লৈবাক অসিদা চাউখৎলকপগা ইরোইননা মাগী প্রজা করোর ১৩০গী চাউখৎলকপা অসিদগী লৈবাক অসিনা কান্নবা ফংখি, মসি দেমোক্রেসীনি। মহাক্না হায়খি অফবা লো অমসুং ওর্দর লৈত্রবদি দেমোক্রেসী মাইপাকপা ঙম্লোই। মাইপাক্লবা দেমোক্রেসী অমগীদমক মীওই খুদিংমক শাফনা থম্বা হায়বা অসি য়াম্না মরু ওই, মঙোন্দা আইন্না পীরিবা হকশেং অদু মহাক্না নীংতম্না পাঙথোকপা ঙমজবা অমসুং মঙোন্দা সম্বিধান্না পীরিবা থৌদাং অসু মহাক্না পাঙথোক্কদবনি। কেন্দ্রগী গৃহ মন্ত্রীনা হায়খি লো অমসুং ওর্দরগী ঙাকশেনবগী থবক অসি লৈবাক অসিগী পুলিসনা তৌরি অমসুং ফোর্স পুম্নমক্না লৈবাক অসিগী ঙমখৈশিংদা ঙাকশেল্লি। মহাক্না হায়খি, বি.পি.আর.এন্দ দি.না ফোর্স অমসুং পুলিস ইন্সতিত্যুসন পুম্নমক অপগ্রেদ তৌবা, ত্রেনিং পীবা অমসুং শোইবশিং শেমদোকপগী থবক তৌরি।

শ্রী অমিত শাহনা হায়খি দেমোক্রেসী মাইপাকহন্নবা খ্বাইদগী অচৌবা থৌদাং অসি প্রজাশিং ঙাকশেল্লিবা বীত কোন্সতেবলশিংগীনি, নত্ত্রবদি দেমোক্রেসী মাইপাকপা ঙম্লোই। মহাক্না হায়খি করিনো খঙদবা মরম খরদগী পুলিসকী মীংচৎ থিহন্নবা কেম্পেন মখল অমা চত্থরি, খুদম ওইনা থৌদোক খরা হেন্না চাউথোকহনবা অমসুং অফবা থবকশিং তৌখিবগী পব্লিসিতী মরাং কাইনা তৌদবা। শ্রী শাহনা হায়খি অপুনবা সরকার অসিদা লৈরিবা সরকারগী পর্সনেল পুম্নমক্কী মরক্তা খ্বাইদগী অরুবা থবক অসি পুলিসকী থবক অসিনা ওইরি। কেন্দ্রগী গৃহ মন্ত্রীনা হায়খি লৈবাক পুম্বনা হরাও-কুহ্মৈশিং পালন তৌবা মতমদা পুলিসশিংনা মখোয়গী থৌদাং পাঙথোকখি, মসিদগী হেন্না ৱাবা থৌদাং অতৈ সরকার পর্সনেলশিংনা থেংনরোই।

শ্রী অমিত হাহনা হায়খি কোবিদ-১৯ লাইচৎ মনুংদা, লৈবাক অসিগী প্রধান মন্ত্রীদগী হৌরগা লৈবাক অসিগী অঙাংশিংনা পুলিস ফোর্সকী সর্ভিসশিং অসি থমোয় শেংনা থাগৎনরকখি। প্রধান মন্ত্রী শ্রী নরেন্দ্র মোদীনা হেলিকোপ্তরশিংদগী কোবিদ ৱারিয়রশিং, মরু ওইনা লৈবাক অসিগী শেবা তৌরিবা পুলিস ফোর্সশিংদা লৈ মনাশিং চাইথখি অমসুং অহানবা ওইনা পুলিস ফোর্সশিংনা মখোয়না থবক তৌজবগী থমোয় শেংনা থাগৎপা অমসুং ইকাই খুম্নবা অদু নুমিৎ অদুদা ফংজখি। মহাক্না হায়খি, লাইচৎ মনুংদা লৈবাক শিনবা থুংবদা, কশ্মিরদগী কন্যাকুমারি অমসুং দ্বার্কাদগী অসাম ফাওবা, পুলিস পর্সনেলনা শীংথানীংঙাই ওইনা মথৌ তৌখি অমসুং মসি দোক্যুমেন্ত তৌগদবনি অমদি মসিগী মতাংদা দোক্যুমেন্তরী অমসু শেমগদবনি অমসুং রাজ্য পুম্নমক্কী পুলিস ফোর্সশিং অমসুং সি.এ.পি.এফ.শিংনা অমত্তা ওইনা অফবা থবক অসি লৈবাক অমদু খুন্নাইনা চহি কয়া নীংশিংনহৌগদবনি মরমদি পুলিসশিংনা কত্থোকখিবা অসি কয়া খঙনবীদে।

কেন্দ্র সরকারনা হায়খি, হৌখিবা চহি ৭৫ অসিদা তোঙান-তোঙানবা থবক-থৌরমশিংদা ঐখোয়গী পুলিস পর্সনেল ৩৫,০০০ হেনবনা মখোয়গী পুন্সি পীখমনখি। মরম অসিনা
পুলিস ফোর্সনা কত্থোক্লিবা অসি ইকাই খুম্ননবা প্রধান মন্ত্রী, শ্রী নরেন্দ্র মোদীনা দিল্লীদা পুলিস মেমোরিএল শাখি, মসিদা লৈবাক অসিগী শেবা তৌবদা করম্না ঐখোয়গী পুলিস ফোর্স কী মীওই ৩৫,০০০না থৱায় থাখিবগে হায়বা উৎলি। মহাক্না মমাংদা পুলিস মেমোরিএলদা চৎখিবা মতমা মহাক্না লৈবাক অসিগী তোঙান-তোঙানবা রাজ্যশিংদগী পুলিসনা কত্থোকখিবশিং অসিগী মতাংদা দোক্যুমেন্তরী অমা শেম্নবা ফোঙদোকখি অমসুং মসি মফম অসিদা লাকপা অঙাংশিংদা উৎকদবনি। অঙাংশিংগী তুরশিংগীদমজ বিজিতিং সাইত ওইনা পুলিস মেমোরিএলদা রাজ্য ১৬ হাপচিনখ্রে। মহাক্না হায়খি, বি.পি.আর. এন্দ দি.না রাজ্য সরকার পুম্নমক্তগী অফবা মচাক-মথুমশিং পুনশিনদুনা পুলিসকী মীংচৎ পুরক্নবা শেম-শাবা মথৌ তাই।

কেন্দ্রগী গৃহ মন্ত্রীনা তোকিও ওলিম্পিক্স ২০২০দা সিলভর মেদল ফংলকখ্রবী কুমারি এস. মিরাবাই চনুদা নুংঙাইবা ফোঙদোকখি অমসুং মহাক্কী তুংগী পুন্সিদা অফবা ওইনবা য়াইফ-মঙ্গোল পীখি অমসুং মথংদা মহাক্না গোল্দ মেদল লৌরক্তুনা লৈবাক অসিগী মীংচৎ পুরক্নবা মঙ্গোল পীখি। মহাক্না হায়খি, লৈবাক অসিদা শান্নরোয়শিংগী খুদোংচানবা তৌগদবা থবক কয়া অমা লৈ।

শ্রী অমিত শাহনা হায়খি শীংনবশিং অসি মতম চুপ্পগী নত্তে, লৈবাক অদুগী শীংনবশিং অসি হোংবা নাউ। মহাক্না হায়খি ঙাই সাইবর-এতেকশিং, দ্রোন এতেকশিং, নরকোতিক ললোনবা, থ্রো করেন্সী অমসুং হৱালা রেক্কেৎশিং অসিনা ঙসিগী খ্বাইদগী অচৌবা শীংনবশিং ওইরি। বি.পি.আর. এন্দ দি. অসি শীংনবশিংগী মতুং ইন্না মখোয়গী থবক-থৌওংদা অহোংবা লাকহনবা মথৌ তাবা ইন্সতিত্যুত অমনি, বি.পি.আর. এন্দ দি.গী মপুং ওইবা থৌদাংদি হোংলক্লিবা শীংনবশিং অসি খঙদোকপা অমসুং মালেমগী খ্বাইদগী অফবা প্রেক্তিসশিং অসি থীজিন্দুনা ঐখোয়গী পুলিস ফোর্সশিং শেমগৎপা অসিনি। কেন্দ্রগী গৃহ মন্ত্রীনা হায়খি, বীত সিস্তেম ফগৎহনদ্রবদি তঙাই ফবা পোলিসিং অসি অফবা ওইহনবা ঙম্লোই, বীত সিস্তেম হিংগৎহনবা, অপদেৎ তৌবা অমসুং অপগ্রেদ তৌনবগী থবক হেন্না মথৌ তাই। শ্রী অমিত শাহনা হায়খি প্রধান মন্ত্রী, শ্রী নরেন্দ্র মোদীগী লুচিং মখাদা ভারত সরকারগী গৃহ মন্ত্রালয়না সি.আর.পি.সি., আই.পি.সি. অমসুং ইভিদেন্স এক্ততা তঙাই ফদবা অহোংবশিং পুরক্নবা থবক কয়া পাইখৎলি। মহাক্না হায়খি বি.পি.আর. এন্দ দি.না খোঙথাং অসিদা নীংথিনা শরুক তমখি। ব্যুরো অসিনা মীওই কয়া, রাজ্য ১৪, য়ুনিয়ন তেরিতোরী ৩, সি.পি.ও.এস. ৮, সি.এ.পি.এফ. ৬ অমসুং নন-গভর্নমেন্ত ওর্গনাইজেসন ৭কা লোইননা তান্নদুনা অহোংবা পুরক্নবা অফবা সজেসনশিং থাখি।

শ্রী অমিত শাহনা হায়খি বি.পি.আর. এন্দ দি.গী চার্তরদা মহাক্না ৱাফম খরসু হাপচিনবা পামখি। শ্রী অমিত শাহনা হায়খি বি.পি.আর. এন্দ দি.না ঙসি ঙমখৈগী ঙাকশেলগী হীরমদা লাক্লিবা শীংনবশিং অসি য়েংলগা সি.এ.পি.এফ.শিং মতমগা চুন্নহনবা, ত্রেন তৌবা, ওপরেৎ তৌবা অমসুং ওপরেসন স্কিলশিং হেনগৎহন্নবা থবক তৌবসু মথৌ তাই। মহাক্না হায়খি করিগুম্বা মথৌ তারবদি গৃহ মন্ত্রালয়না নখোয়গী চার্তর অদুসু অমেন্দ তৌগনি। শ্রী অমিত শাহনা হায়খি মীপুম খুদিংমক পুনশিন্নদুনা বি.পি.আর. এন্দ দিনা নীংথিনা থবক তৌবা ঙমগনি হায়না মহাক্না থাজবা থম্লি। মহাক্না হায়খি, ঐখোয়গী কংফল অমসুং সমুদ্রগী ঙমখৈ অসি ঙাকশেনবা অমসুং মসিদা কোমথোকপা অমত্তা তৌদবা হায়বা অসি য়াম্না মরু ওই।

কেন্দ্রগী গৃহ মন্ত্রীনা গ্রাউন্দদা ইমপ্লিমেন্ত তৌখিবা রিফোর্মশিং ইন্সতিত্যুস্নেলাইজ তৌনবগী থবক অসি ব্যুরোনা তৌগদনি। সিস্তেম ইন্সতিত্যুস্নেলাইজ তৌদনা ঐখোয়না রিফোর্মশিং অসি প্রেক্তিকেল ওই নত্ত্রগা ওইদে অমসুং ঐখোয়না রিফোর্মশিং অসি ইমপ্লিমেন্ত তৌনবগূ পুলিসতা ইথিল পীবা ঙম্বরা নত্ত্রগা ঙমদব্রা হায়বা খঙবা ঙম্লোই। মরম অসিনা লৈবাক অসিদা পুরকখিবা পুলিস রিফোর্ম কয়া গ্রাউন্দদা চৎনহনবা ঙমলবগে খঙনবা বি.পি.আর.এন্দ দি.দা ইন্সতিত্যুস্নেল এরেঞ্জমেন্ত অমা থম্বা তাই।

শ্রী অমিত শাহনা হায়খি মোদীজী লুচিং মখাদা সরকারনা লৈবাক অসিগী ইন্তর্নেল সেক্যুরিতীগীদমক থবক কয়া তৌখ। মহাক্না হায়খি লিগেল ফ্রেমৱর্ক মপাঙ্গল কনখৎহন্নবা অচৌবা থবক অমা তৌখি। ঐখোয়না লো কয়াদা অহোংবা পুরকখ্রে, মতম চানা অসিগুম্বা শিল-লাংদুনা লো এনফোর্সমেন্ত এজেন্সীশিংগী মপাঙ্গল কনখৎহল্লি। জম্মু অমসুং কশ্মিরদা আর্তিকল ৩৭০ অমসুং ৩৫এগী লৌথোকখিবা অসিনা সি.আর.পি.সি., আই.পি.সি., সাইবর সেক্যুরিতী অমসুং প্রধান মন্ত্রী শ্রী নরেন্দ্র মোদীগী মিনিম্ম গভর্নমেন্ত, মেক্সিম্ম গভর্নমেন্তগী লাইৱা অসি থুংহন্নবা থমোয় শেংনা হোৎনরি। মহাক্না হায়খি, এন.আই.এ. এক্ত অমেন্দ তৌখিবা, আর্মস এক্ততা অহোংবা পুরকখিবা, য়ু.এ.পি.এ. এক্ততা অহোংবা পুরকখিবা অসিনা নার্কোগী খুত্থাংদা তায়র মরিগী স্ত্রকচর অমা শেমদুনা নার্কোরিক্স ফাগৎনবা কেম্পেন অমা হৌদোকখি। কেন্দ্রগী গৃহ মন্ত্রীনা হায়খি লৈবাক অসিদা লৈরিবা পুলিস অমসুং নরকোতিক্স কন্ত্রোল ব্যুরোনা হৌখিবা চহি অনিগী মনুংদা ফবা ঙমখিবা নরকোতিক্সকী মশিং অসিনা হৌখিবা চহি ২৫গী মখোয় মশাগী রেকোর্দ থু্গাইবা ঙমখ্রে।

শ্রী অমিত শাহনা হায়খি সরকার অসিনা অৱাং-নোংপোক্তা এগ্রীমেন্ত কয়া, এন.এল.এফ.তি. এগ্রীমেন্ত, ব্রু রিফ্যুজীশিংগী রিস্তেলমেন্ত, বোদো পীচ এগ্রীমেন্ত, অৱাং-নোংপোক্তা এগ্রীমেন্ত কয়া খুৎয়েক পীনখ্রে অমসুং কার্বি আংলোংগী এগ্রীমেন্ত ঙসি নুমিদাং ৱাইরমদা খুৎয়েক পীনগনি। মহাক্না হায়খি খুৎলাই পাইবা মীওই ৩৭০০ হেনবনা সরেন্দর তৌদুনা মেনস্ত্রীমদা লাকখি। হায়রিবা মীওইশিং অসি খুৎলাই পাইদুনা উমংদা লৈরমখি অমসুং হৌখিবা চহি অনিদা মখোয়না সরেন্দর তৌদুনা মেনস্ত্রীমদা হল্লকখি। কেন্দ্রগী গৃহ মন্ত্রীনা হায়খি ঐখোয়গী পান্দমদি খুৎলাই থাদোকখ্রবা অমসুং খুৎতা খুৎলাই পাইরিবশিংগা পাউ ফাওনদুনা খুৎলাইশিং মেনস্ত্রীমদা পউরজগনবা ঐখোয়না থমোয় শেংনা হোৎনরগনি হায়বা অসিনা, অমদি মখোয়বু লাকশিনবা অসি পুলিসনা ঙমগনি। অদুবু পাউ ফাওনবা পাম্বশিংগীদমক্তদা থোং হাংদুনা লৈরি। মহাক্না হায়খি তোঙান-তোঙানবা থাকশিংদা ইনসর্জেন্ত ওর্গনাইজেসন পুম্নমক্কা ৱারী শানরি।

কেন্দ্রগী গৃহ মন্ত্রীনা হায়খি জম্মু কশ্মিরদা দেমোক্রেসী পুরক্নবগীদমক্তা অমসুং জম্মু কশ্মিরগী মীয়ামদা দেমোক্রেসী য়ৌহন্নবা, থ্রী-তায়র পঞ্চায়তি মীখলশিং পাঙথোকখি। মহাক্না হায়খি জম্মু কশ্মিরদা দেমোক্রেসীগী ৱাহন্থোক অসি এম.পি. অমসুং এম.এল.এ. খরা খক্তগী নত্তে অদুবু মসি খুঙ্গং খুদিংমক্কী পঞ্চ, সরপঞ্চসু য়াওরি। মহাক্না হায়খি সিস্তেম অসিদা মীওই ২২০০০না শরুক তমলকখি। শ্রী অমিত শাহনা হায়খি মসি মোদী সরকারগী খ্বাইদগী অচৌবা মাইপাকপা অমনি।

কেন্দ্রগী গৃহ মন্ত্রীনা হায়খি নেস্নেল দিফেন্স য়ুনিভর্সিতী লিংখৎপা, এফ.এস.এল. য়ুনিভর্সিতী লিংখৎপা, সি.সি.তি.এন.গা লোইননা ক্রিমিনেল জস্তিস সিস্তেম কোওর্দিনেসন তৌবগী থবক পাইখৎখ্রে। মসিগা ইরোইননা ঐখোয়না ই-প্রোসিদ্যুর অমসুং ই-ফোরেন্সিক্সকী মাইকৈদসু খোঙজেল য়াংনা থবক তৌরি। গুজরাত্তা নেস্নেল একাদেমী ফোর কোস্তেল পোলিসিংসু লিংখৎখ্রে, জাতি মীয়ামদা নেস্নেল সাইবর ক্রাইম পোর্তেল খুৎশিন্নখ্রে, মসি হেন্না খঙহন্নবা হোৎনবা মথৌ তাই। শ্রী শাহনা হায়খি লৈবাক অসিগী প্রধান মন্ত্রীনা অথুবদা জাতি মীয়ামদা এন.এ.তি.জি.আর.আই.দি. খুৎশিন্নরগনি। মহাক্না হায়খি ঐখোয়না জাতিগী থাক্তা প্রাইবেৎ সেক্যুরিতী লাইসেন্সিং পোর্তেল অফবা মওংদা শীজিন্নরি। এফ.সি.আর.এ. রেদিকেল ওইনা অহোংবা পুরকখ্রে। গৃহ মন্ত্রীনা হায়খি লৈবাক অসিগী ইন্তর্নেল সেক্যুরিতী অসি পুলিস ফোর্সনা য়েংশিল্লি, লৈবাক অসিগী ঙমখৈশিংদা সেন্ত্রেল আর্মদ পুলিস ফোর্সেস (সি.এ.পি.এফ.)না য়েংশিল্লি অমসুং ঐখোয়গী সি.এ.পি.এফ.শিংনা ঙমখৈ য়েংশিনবদা অমসুং ঐখোয়গী পুলিস ফোর্সশিংনা ইন্তর্নেল সেক্যুরিতী য়েংশিনবদা মীকুপ নাহুমশিংনা লৈরিবা অসিনা ঐখোয় শাফনা লৈরিবনি। অদুবু শীংনবশিং হেনগৎলক্লি, শীংনবশিং হোংলক্লি অমসুং মসি মায়োক্নবা ঙম্বা অসি ঐখোয়না দিস্তেবিলাইজরশিংগী মাংজিল থানা চৎপা ঙম্নবগীদমক ঐখোয়গী পান্দম ওইহনগদবনি। অমসুং মসিদা বি.পি.আর. এন্দ দিনা অচৌবা থৌদাং অমা লৌরি।

শ্রী অমিত শাহনা হায়খি ইন্তর্নেল সেক্যুরিতীগীদমক্তা মথংগী চহি ১০ অসি য়াম্না মরু ওই মরমদি প্রধান মন্ত্রী, শ্রী নরেন্দ্র মোদীগী লুচিং মখাদা লৈবাক অসিনা খুমাং চাউশিল্লিবা মওং অসিদা, ভারতপু ত্রিলিয়ন-দোলর মঙাগী ইকনোমী অমা ওইহন্নবা পান্দম থম্লিবা অমসুং রিফোর্ম কয়া পুরক্লিবা অসি অপনবা পীদনা মখা চত্থহনবা তাই অমসুং ঐখোয়না মাইকৈ অসিদা থবক তৌবা তাই। শ্রী অমিত শাহনা হায়খি লৈবাক অসিদা লৈরিবা শীংনবশিং অসি খঙদোক্লবা মতুংদা ঐখোয়গী পুলিস ফোর্স অমসুং সি.এ.পি.এফ.শিংনা শেম-শাদুনা লৈবা তাই। কেন্দ্রগী গৃহ মন্ত্রীনা হায়খি, প্রধান মন্ত্রীনা থম্বীখিবা স্মার্ত পোলিসিংগী ৱাখল্লোন অদু ঐখোয়গী থৌদাংদা পাঙথোকপা তাই। মহাক্না হায়খি, বি.পি.আর. এন্দ দিনা মখোয়গী চহি ১০০ শুগদৌরবা খোঙচৎ অসি হেন্না মতিক-ময়াই চেন্নবা অমসুং দিরেক্তর জেনরেলগী লুচিং মখাদা হেন্না খুমাং চাউশিনবা ওইরসনু হায়না ফোঙদোকখ্রে।

*****