অৱাং-নোংপোক অমসুং চিংগী রাজ্যশিং অমসুং য়ু.তি.শিং: অরুনাচল প্রদেশ, অসাম, জম্মু অমসুং কাশ্মীর, লদাখ, মনিপুর, মেঘালয়, মিজোরাম, নাগালেন্দ, সিক্কিম, ত্রিপুরা অমসুং উত্তরখন্দগা লোইননা ঙসি পাংথোকখিবা অৱাংবা থাক্কী মীফম অমদা কেন্দ্রগী হকশেল সেক্রেতরী শ্রী রাজেশ ভুশননা শরুক য়াখ্রে৷

থৌরম অদু হৌরকপদা, হকশেল সেক্রেতরীনা অসুম্না পনখি মদুদি:

a) চহি ১৮+তা লৈরিবা মীওই কাংলুপশিংগী মনুংদা অহানবা দোজকী ভেক্সিন কাপ্লিবা অসি অথুবা মতমদা রাজ্যশিং/য়ু.তি.শিংনা লোইশিনবা দরকার ওই৷

b) অসাম, মনিপুর, অরুনাচল প্রদেশ, নাগালেন্দ অমসুং মেঘালয়দা চহি ৬০+কী চহি কাংলুপ্তা লৈরিবা মীওইশিংদা দোজ অনিমক কাপ্পগী চাং অসি কা হেন্না নেম্লিবা অসিনা মরম ওইদুনা চহি কাংলুপ অসিদা রাজ্যশিংনা শুংশোই শোইদনা মীৎয়েং চংলগনি৷ কোবিদ-১৯দা মসিগী চহি কাংলুপ অসি য়াম্না খুদোংথিনিংঙাই ওইবনা মসিগী এক্সর্সাইস অসি য়াম্না মরু ওইহল্লি৷

c) অহানবা দোজ কাপখিবা মশিং অসিনা অনিশুবা দোজ কাপখিবা মশিং অদুদগী কা-হেন্না হেনখিবনা রাজ্যশিংগী পুক্নিং চিংশিনখ্রে৷ রাজ্যশিংনা দোজ লেপ্পি, নুমিৎ লেপ্পি অমসুং হায়রিবা বেনিফিসরীশিং অসিগীদমক এক্সর্সাইস অসি মপুং ফানবগী তার্গেৎ অদুসু রাজ্যনা লেপ্পি হায়না ফোংদোকখ্রে৷

০.৫ এম.এল. সিরি়ঞ্জশিংগী বেলেন্স স্তোক, অখন্নবা কাংলুপশিংগী(ত্রান্সজেন্দর মীওইশিং, নাম্মা শোইরবা মীওইশিং, পি.দবল্যু.আই. অমসুং প্রিজনরশিং) মনুংদা ভেক্সিন কাপ্পগী চাং, নুপীশিং মরু ওইনা মীরোল্লিবী নুপীশিং অমসুং শঙ্গোম পীথক্লিবা নুপীশিংগী মরক্তা কোবিদ-১৯ ভেক্সিন কাপথোকপগী রাজ্য/য়ু.তি.গী ওইবা অকুপ্পা মরোলশিং অদুসু খন্ন-নৈনখি৷

স্তেত ভেক্সিন স্তোরশিংদগী কোল্দ চেন পোইন্তদা থম্লিবা স্তোক অদু য়াম্না চেকশিন্না য়েংশিন্নবা, রেস্নেল দিস্ত্রিব্যুসন চেক তৌনবা অমসুং ভেক্সিন মাংবগী চাং ২%গী মখাদা লৈহন্নবা, নুংতি-নুমিৎ খুদিংগী ওইনা ই.ভি.আই.এন.(ইলেক্ত্রোনিক ভেক্সিন ইন্তিলিজেন্স নেতৱার্ক)দা দাতা অপদেৎ তৌনবা, কোবিদ ভেক্সিনেসনগীদমক ফংলিবা(০.৫ এম.এল./১ এম.এল./২ এম.এল./৩এম.এল. ওতো দিসএবল/রি-য়ুজ প্রিবেন্সন সিরিঞ্জশিং(আর.য়ু.পি.)/দিস্পোজেল) অসিগী মতুং ইন্না অতোপ্পা দিনোমিনেসন সিরিঞ্জশিংগী সপ্লাই অদু চেক তৌনবা রাজ্যশিং/য়ু.তি.শিংদা খঙহনখ্রে৷

******