পাৱর মন্ত্রালয়
azadi ka amrit mahotsav

মেঘালয়দা খ্বাইদগী অহানবা ইলেক্ত্রিক ভেহিকল চার্জিং স্তেসনগী উরেপ-উয়ুং তমখ্রে

পাৱরগ্রিদনা অৱাং-নোংপোক্তা অশং-অমান্না থল্লবা তুংলমচৎ লৈহন্নবগীদমক্তা ইনোৎ হাপ্পী

Posted On: 04 SEP 2021 3:43PM by PIB Imphal

পাৱর গ্রিদ কোর্পোরেসন ওফ ইন্দিয়া লিমিতেদ (পাৱরগ্রিদ)না মখোয়গী লপালং, শিলোংদা লৈবা ওফিস কমপ্লেক্সতা ঙরাং মেঘালয়গী খ্বাইদগী অহানবা ইলেক্ত্রিক ভেহিকল চার্জিং স্তেসন (ই.ভি.সি.এস.)কী উরেপ-উয়ুং তমখ্রে।

ই.ভি.সি.এস. অসি ফাস্তর এদোপ্সন এন্দ মেন্যুফেকচরিং ওফ (হায়ব্রিদ) এন্দ ইলেক্ত্রিক ভেহিকল্স (এফ.এ.এম.ই.) ইন্দিয়া স্কীম ফেজ –IIগী মখাদা দিবেলপ তৌরি। স্কীম অসিগী মখাদা পাৱরগ্রিদনা শিলোংগী শহরদা ই.ভি.সি.এস. ১১ (পব্লিক ই.ভি.সি.এস. ৫ অমসুং গভর্নমেন্ত ইস্তাব্লিশমেন্তশিংদা ৬) দিবেলপ তৌরগনি। স্তেসন অমমমদা কিলো ৱাত ১৫ দি.সি.-০০১ চার্জর মরি অমসুং কিলো ৱাত ১০০ সি.সি.এস.-২/চাদেমো চার্জর (দ্যুএল গন) অমা থমদুনা শিলোং শহরদা চার্জিং পোইন্ত ৬৬ লৈহল্লগনি। মফম ১১গী মনুংদা, লপালংদা লৈবা পাৱরগ্রিদকী ওফিস কমপ্লেক্স, দেমথ্রিংদা লৈবা এম.তি.সি. ৱেয়র হাউস, পুলিস বজারদা লৈবা এম.তি.সি. পার্কিং লোত অমসুং পোলোদা লৈবা পোলো পার্কিং লোত য়াওনা মফম ৪গী মেমোরেন্দম ওফ অন্দর্স্তেন্দিং (এম.ও.য়ু.) খুৎয়েক পীনখ্রে।

পাৱরগ্রিদমনা মশাবু ই.ভি.সি.এস. বিজিনেসতা মার্কেত লীদর অমা ওইহঞ্জখি অমসুং মসি হায়দ্রবাদ, অহমদাবাদ, দিল্লী, বেঙ্গলুরু, গুরুগ্রাম অমসুং কোচিগুম্বা ভারতকী অচৌবা শহরশিংদসু লৈরি।

পাৱরগ্রিদকী হৌজিক ত্রান্সমিসন লাইন সি.কি.মি. ১৭২,১৫৪, সব-স্তেসন ২৬২ অমসুং ত্রান্সফোর্মেসন কেপাসিতী এম.ভি.এ. ৪৪৬,৯৪০ হেন্না লৈরে। খ্বাইদগী নৌবা তেক্নোলোজীগী ওইবা খুৎলাইশিং অমসুং পাম্বৈশিং শীজিন্নদুনা, ওতোমেসন অমসুং দিজিতেল সোল্যুসনশিং শীজিন্নবা হেনগৎলকপা অসিগা লোইননা পাৱরগ্রিদ অসিনা >৯৯%গী এভরেজ ত্রান্সমিসন সিস্তেম লৈহনবা ঙমখ্রে।

***



(Release ID: 1752044) Visitor Counter : 109