হকশেল অমসুং য়াইফ-য়ুম্বালগী কেন্দ্রগী রাজ্য মন্ত্রী, দা. ভারতি প্রভিন পৱরনা ঙসি মফম অসিদা ভিদিও কনফরেন্সিংগী খুৎথাংদা ব্রিক্স মিনিস্তিরিএল কনক্লেবতা ভারতকী মহুৎ শিন্দুনা শরুক য়াখি৷ দিজিতেল হেল্থ চৎনরকপা মতমদা থেংনরিবা চেলেঞ্জশিং অমসুং খুদোংচাবশিং অদু পেনেল অসিনা খন্ন-নৈনখি৷

ব্রিক্স লৈবাকশিংদা স্তেন্দর্দাইজ কুরিকুলম অমা শিজিন্নদুনা হৈ-শিংলবা হেল্থ ইনফোর্মেতিক্স প্রোফেস্নেলশিংগী কেদর অমা শেমগৎপদা ব্রিক্স স্ত্রাতিজী শিজিন্ননবা অমসুং লেবেল পুম্নমক্তা দিজিতেল হেল্থ তেক্নোলোজীশিং মপুং ফানা শিজিন্ননবা ভারতকী প্রাইয়োরিতীদা মীৎয়েং চংননবা মহাক্না পেনেল অদুদা ফোংদোকখি৷ হেল্থ সিস্তেমশিংগীদমক(ব্রিক্সকী মখাদা) ইবিদেন্স বেজ দিজিতেল তেক্নোলোজীশিং অমসুং ইন্নোবেসনশিংগী রিপোজিতরী অমা শেমগৎপদা ভারতনা থম্লিবা থাজবশিং অমসুং কোবিদ-১৯গী মতম অসিদা সস্তেনেবল ওইবা মওং অমদা রিসাইলেন্স হেল্থ সিস্তেমশিং শেমগৎপদা দিজিতেল ইন্নোবেসনশিং শিজিন্নদুনা কান্নবা লৌগদৌরিবা ভারতকী স্ত্রাতিজিক এপ্রোচ অদুসু খন্ন-নৈনখি৷

থৌরম অদু হৌরকপদা, কোবিদ-১৯ লাইনা-লাইচৎ অসি শন্দোরকপা হৌরকপা মতমদা দিজিতেল হেল্থনা প্রাইয়োরিতী  ওইখ্রে হায়না দা. পৱারনা ফোংদোকখি৷ “অখন্নবা চেলেঞ্জশিংগা লোইননা ঐখোয়দা ৱেব অনি উৎখ্রে, মসিগী মতুং ইন্না রিজনেল নীদশিং অসিদা ইফেক্তিব অমসুং হ্যুমেন সেন্ত্রেলাইজ রেস্পোন্স সেন্সিতিব অমা ৱারেন্তী পীখি৷ লাইনা-লাইচৎ অসি লাকশিন্নবা দিজিতেল হেল্থ অসি চান্নবা মওংদা শিজিন্নরি অমসুং ঐখোয়গী রেস্পোন্স অসি হেন্না মপাঙ্গল লৈহন্নবা হেন্না সাইন্তিফিক ওইবা অমসুং দাতা দ্রিভন এপ্রোচ অমা দিজিতেল হেল্থনা ঐখোয়দা ফংহল্লি৷”হায়না মহাক্না ফোংদোকখি৷

ভারতকী নেস্নেল দিজিতেল হেল্থ ব্লুপ্রিন্ত অসি ভারত্তা পাইখৎলিবা দিজিতেল ইনিসিয়েতিবশিং অসিগী ওইনদি ওভরআর্চিং আর্কিতেকচর ফ্রেমৱার্ক অমনি হায়না পল্লদুনা, মহাক্না অসুম্না ফোংদোকখি মদুদি, “নেস্নেল দিজিতেল হেল্থ মিসন(এন.দি.ঐচ.এম.) শিজিন্নদুনা দিজিতেল হেল্থ প্রোগ্রাম অসি অনৌবা থাক্তা পুরক্নবগীদমক রিকম্মেন্দেসনশিং অসি ঐখোয়না চৎনরি৷ এন.দি.ঐচ.এম.না অখন্নবা হেল্থ আই.দি.শিং ইসু তৌদুনা ফেসিলিতীশিং অমসুং প্রেক্তিস্নরশিংগীদমক সিঙ্গল সোর্স ওফ ত্রুথ অমা শেম্লগনি অমসুং দিজিতেল মোদকী খুৎথাংদা তোঙান তোঙানবা হেন্থ সর্ভিসশিং মখাতানা লৈহল্লগনি৷”

দিজিতেল হেল্থগী ইকোসিস্তেম অমা শেমগৎননবগীদমক ভারতকী ইম্মিদিয়েত ফিল্দ লেবেল প্রাইয়োরিতীশিংগী মনুং চল্লিবশিং অদুদি রিএল তাইম ক্লিনিকেল মেনেজমেন্তগীদমক জিলাগী হোস্পিতাল পুম্নমক্তা হোস্পিতাল মেনেজমেন্ত ইনফোর্মেসন সিস্তেম(ঐচ.এম.আই.এস.) চৎনহনবা, তেলিমেদিসিনগী খুৎথাংদা প্রজা খুদিংদা এফোর্দেবল অমসুং এসেসিবল ওইবা মেদিকেল কন্সল্তেসন তৌবা য়াহনবা অমসুং স্তেকহোল্দর পুম্নমক পুনশিন্দুনা হেল্থ দিজাস্তর মেনেজমেন্তগীদমক ফ্রেমৱার্ক অমা শেম্বা অসিনি হায়না দা. পৱরনা ময়ামদা ফোংদোকখি৷

লাইনা-লাইচৎ অসি দিজিতেল্লী ওইনা লান্থেংননবগীদমক হ্যুমেন রিসোর্সকী পুল অমা শেমগৎপদা, দোক্তরশিং, পেরামেদিকশিং, নর্সশিং, কম্ম্যুনিতী পার্তিসিপেন্তশিং য়াওনা কোবিদ লান্থেংনবদা স্পেক্ত্রম অসিদা লৈরিবা কোবিদ ৱারিয়র মিলিয়ন ১৬ হেনবা অসি মতৌ করম্না ভারতনা আই.গোত(ওনলাইন ত্রেনিং প্লেতফোর্ম) শিজিন্নদুনা ত্রেন তৌখিবগে হায়বগী মতাংদা মন্ত্রী অসিনা উৎখি৷

লেপ্পা লৈতনা চেকশিন-থৌরাং লৌখৎনবা ইন্তরওপরেবল ওইবা মওং অমদা ব্রিক্স লৈবাকশিং অসিদা হেল্থ দাতা ফংহন্নবা ব্রিক্স দিজিতেল হেল্থ প্লেতফোর্ম মতম অসিদা দরকার ওইরে হায়না দা. পৱরনা পনখি: “মালেম অসিগী য়াইফনবগীদমক ইবিদেন্সতা বেজ তৌরবা দিজিতেল হেল্থগী খ্বাইদগী ফরবা প্রেক্তিসশিংগী রিপোজিতরী অমা শেমগৎনবা ঐখোয়না অমতা ওইনা খুৎশম্নদুনা থবক তৌমিন্নবগী মতম ওইরে৷ অসিগুম্বা ফ্রেমৱার্ক অসিনা দাতা সেয়র তৌবা য়াহল্লগনি অমসুং ফংহল্লগনি অদুগা হৌজিক চত্থরিবা কোবিদ-১৯ লাইচৎ অসিগুম্বা লাইনাশিং শন্দোরকপা মতমদগী ঙাকথোক্নবগীদমক মতেং পাংননবা, কেপচর তৌননবা অমসুং দাতা সেয়র তৌননবা গ্লোবেল কেপাবিলিতীশিং অসি হেনগৎহনবদা মতেং পাংলগনি৷”

কোবিদ-১৯গী মতমদা শিজিন্নরিবা তেক্নোলোজীশিং অসিগী মতাংদা ৱা ঙাংলদুনা, মহাক্না অসুম্না ফোংদোকখি, “সর্ভিলেন্স, তেস্তিং, লোজিস্তিক মেনেজমেন্ত, দাতা দ্রিভন এনালাইতিকশিং পুনশিল্লিবা নেস্নেল কোবিদ পোর্তেল অমগী খুৎথাংদা অফবা মেকানিজম অমা ঐখোয়না হৌদোকখি৷ প্রজা মীয়ামদগী দাতা লৌশিন্নবা অমসুং কম্ম্যুনিতীদা লাক্কদৌরিবা হোতস্পোতশিং অদু মাংজৌননা খঙদোক্নবা ঐখোয়না অরোগ্য সেতু অমসুং ইতিহাস এপ্লিকেসন-দিজিতেল সর্ভিলেন্স এপ্লিকেসন শিজিন্নরি৷ অরোগ্য সেতু অসি মিলিয়ন ২০১ হেন্না দাউনলোদ তৌদুনা খ্বাইদগী দাউনলোদ তৌবা এপ্লিকেসনগী মনুংদা অমা ওইখ্রে৷ অসিগুম্না, প্রজা মীয়ামদা য়াম্না লাইনা হেল্থ সর্ভিসেস অসি য়ৌহন্নবা, ঐখোয়না ভারতকী নেস্নেল তেলিমেদিসিন প্লেতফোর্ম(ইসঞ্জিবানি) অসি শেম্লিবনি অমসুং জিলা পুম্নমক্তা দেদিকেতেদ দোক্তরশিংগা লোইননা তেলিমেদিসিন হবশিং লিংখৎলিবনি৷ হবশিং অসিনা মখোয় মখোয়গী রিজনদা কোবিদ অমসুং নন-কোবিদ হেল্থ কেয়র সপোর্ত অনিমক য়াওনা ফেসিলিতী পুম্নমক ফংহল্লগনি৷”

হায়রিবা প্লেতফোর্মশিং অসিগী মনুংদা খরদি পব্লিক হেল্থদা মতম কুইনা চৎপা ইম্পেক্ত অমা মতৌ করম্না পীগনি হায়বা অদুগী মতাংদসু মহাক্না পুথোকখি: “কম্ম্যুনিতী সর্ভিলেন্সকীদমক ইপিদেমিক প্রোন দিজিজেস ৩৩দা লৈরিবা ফেসিলিতীশিংদগী রিএল তাইম দাতা লৌদুনা ইন্তিগ্রেতেদ হেল্থ ইনফোর্মেসন প্লেতফোর্ম অমগী খুৎথাংদা দিজিজ সর্ভিলেন্স প্রোগ্রাম অসি ভারতনা শিজিন্নরি৷ ভারতনা মালেম অসিদা খ্বাইদগী চাওবা ভেক্সিনেসন দ্রাইব পাংথোক্লি অমসুং হায়রিবা থবক পুম্নমক অসি দিজিতেল তুল, কো-ৱিনগী খুৎথাংদা পাংথোক্লিবনি৷ লৈবাক অমা হেক্তনা কো-ৱিন অসি কোবিদ খক্তা নত্তনা কনবেন্সনেল ইম্ম্যুনাইজেসনদসু শিজিন্নবা য়াহন্দুনা ভারত সরকারনা কো-ৱিন অসি মালেম অসিগী অফবা অমনি হায়না লাওথোকখ্রে৷”

ব্রিক্স লৈবাকশিংগী ইকাই খুম্নরবা হকশেল মন্ত্রীশিং শরুক য়াদুনা, ব্রিক্স দিজিতেল হেল্থ দেক্লারেসন তৌখি৷

ব্রিক্স দিজিতেল হেল্থ সম্মিত অসিদা ভারতনা য়ুম্বু ওইরুবনা,  কোবিদ-১৯ লাইনা-লাইচৎকী মতমদা পোপুলেসন সর্বিলেন্স, এক্তিব কেস ফাইন্দিং, ক্রাইসিস থোক্লকপা মতমদা প্রজাশিংগা ই-পাউ ফাওনবা য়াওনা স্পেক্ত্রমদা দিজিতেল হেল্থ অসি পাক শন্না শিজিন্নবদা মীৎয়েং থমখিবা কেন্দ্রগী হকশেল সেক্রেতরী, শ্রী রাজেশ ভুশননা কনক্লেব অসিগী থৌবুরেল ওইখি৷ মীফম অসিদা শরুক য়ারিবা লৈবাকশিংনা দিজিতেল হেল্থকী মতাংদা মমল লৈরবা এচিবমেন্তশিং অমসুং সজেসনশিং সেয়র তৌরকপগীদমক লৈবাক পুম্নমকপু শ্রী ভুশননা থাগৎখ্রে৷

*****