نئی دہلی۔ 03  ستمبر       مرکزی وزیر جناب سربانند سونووال نے ممبئی پورٹ ٹرسٹ کا دورہ کیا اور مختلف پروجیکٹوں کا جائزہ لیا۔ مرکزی وزیر نے ممبئی پورٹ ٹرسٹ، جو گوا جانے والے گھریلو سیاحوں کو سہولت فراہم کرتا ہے، کے ڈومیسٹک کروز ٹرمینل میں انفراسٹرکچر اور آنے والےمختلف  پروجیکٹوں کا جائزہ لیا ۔

چیئرپرسن جناب راجیو جلوٹا نے نو تعمیر شدہ 5 ویں آئل برتھ کی نمایاں خصوصیات کے بارے میں آگاہ کیا ۔ یہ آئل برتھ 22 ایم ایم ٹی پی کی گنجائش کے لحاظ سے تمام بڑی بندرگاہوں میں مکمل طور پر سوئز میکس  ویسلسز اور جزوی طور پر بھری ہوئی وی ایل سی سی کی سہولت فراہم کرنے والوں میں  سب سے بڑا ہے ۔ یہ منصوبہ مکمل ہو چکا ہے اورعنقریب  قوم کے نام  وقف کیا جائے گا۔

وزیرموصوف کو بندرگاہ میں مجوزہ اور جاری منصوبوں کے بارے میں بھی آگاہ کیا گیا۔ بی پی سی ایل اور ایچ پی سی ایل کے ایگزیکٹو ڈائریکٹروں  نے بتایا کیا کہ دوہرے ہینڈلنگ سے بچنے کی وجہ سے 5 ویں آئل برتھ کی تعمیر سےاب تک قومی خزانے کو 200 کروڑ روپے کی بچت ہوئی ہے۔

 

جناب سونووال نے ممبئی پورٹ ٹرسٹ کی، خاص طور پر ممبئی میٹرو ٹنل کے کھدائی شدہ مواد کا استعمال کرتے ہوئے بحالی کی کوششوں کو سراہا ۔ انہوں نے 5 ویں آئل برتھ پر سویز میکس ٹینکر 'نورڈاک مون' کا بھی دورہ کیا اور جہاز کےعملے سے بات چیت کی۔ انہوں نے ڈومیسٹک کروز ٹرمینل ، آف شور کنٹینر ٹرمینل ، لاک گیٹ ، ڈرائی ڈاک اور ممبئی انٹرنیشنل کروز ٹرمینل کا بھی دورہ کیا۔بعد ازاں انہوں نے تمام محکموں کے سربراہوں اور شراکت داروں کے ساتھ ایک میٹنگ کی۔

 

پی آئی بی ، ممبئی سے براہ راست دیکھیں

۔۔۔۔۔۔۔۔۔۔۔۔۔۔۔۔۔۔۔۔۔

 (ش ح ۔ رض  ۔ ج ا  (

 (03.09.2021)

U-8636

 

(Release ID: 1752019) Visitor Counter : 205