نئی دہلی،  3 ستمبر 2021،    تعلیم اور ہنرمندی کی ترقی  کے مرکزی وزیر جناب دھرمیندر پردھان  نے آج  ویڈیا کانفرنسنگ کے ذریعہ  سینٹرل یونیورسٹیوں کے وائس چانسلروں کے ساتھ ایک میٹنگ کا انعقاد کیا۔ میٹنگ میں  تعلیم کے وزیر مملکت جناب سبھاش سرکا، اعلی تعلیم کے سکریٹری جناب امیت کھرے، یو جی سی چیئرمین پروفیسر ڈی پی سنگھ اور  وزارت اور یو جی سی کے سینئر افسران نے شرکت کی۔

شرکا سے خطاب کرتے ہوئے جناب پردھان نے کہا کہ ہمارے یونیورسٹیاں  تخلیقی صلاحیت، اختراع اور مواقع کا گہوارہ ہیں۔ نئی تعلیمی پالیسی 2020 ابھرتے ہوئے نئے عالمی نظام میں بھارت کو  اعلی ترین مقام دلانے کے لئے  اہم رول ادا کرے گی کیونکہ بھارت کی قسمت کے محافظ  کے طور پر  ہماری یونیورسٹیوں کو  نئی تعلیمی پالیسی میں  بتائی گئیں  ذمہ داریوں کو پورا کرنا چاہیے۔ انہوں نے اس بات پر زور دیا کہ  تعلیم  کو، نئی تعلیمی پالیسی کے ذریعہ  مزید متحرک اور جامع بنایا جائے اور  بھارت کو  علم  کا سپر پاور بنایا جائے۔

وزیر موصوف نے کہا کہ  اعلی تعلیمی ادارے قومی خواہشات اور مقاصد کو  پورا کرنے کے لئے اور سماجی، اقتصادی ترقی کور فروغ دینے کے لئے  کلیدی محرک ہیں۔ انہوں نے  یونیورسٹیوں سے اپیل کی کہ وہ  بھارتی زبانوں میں آموزش اور  بھارت کی ثقافتی وراثت کو فروغ دیں اور مقبول بنائیں۔

جناب دھرمیندر پردھان نے سنٹرل یونیورسٹیوں کی حوصلہ افزائی کی کہ وہ اکتوبر 2021 تک  6000 خالی آسامیوں پر کرنے کے واسطے  مشن موڈ پر کام کریں۔

انہوں نے  سینٹر یونیورسٹیوں  کے بہترین طریقہ کار سے  سیکھنے  اور  عام اور ریزروڈ اسامیوں پر بھرتی ، کووڈ۔ 19 کے دوران تعلیم، آن لائن آموزش اور  نئی تعلیمی پالیسی کے نفاذ کی صورتحال سمیت  کئی اہم معاملات  میں خوشی کا اظہار کیا۔

وزیر موصوف نے یونیورسٹیوں سے کہا کہ وہ  بھارت کو مکمل طور پر خواندہ  بنانے  اور  آزادی کا امرت مہوتسو  میں پوشن ماہ کے دوران تغذیہ کے چیلنج  کو پورا کرنے کے واسطے  ملک کی مدد کرنے کے لئے  حکمت عملی  تیار کریں۔

وزیر موصوف نے  بیش بہا تجاویز کے لئے  وائس چانسلر کا شکریہ ادا کیا۔ انہوں نے  کہا کہ  ہماری سنٹرل یونیورسٹیوں کو  صلاحیت سازی ، اکیڈمک  بینک آف کریڈٹ، ورچوئل یونیورسٹیوں  اور نئی تعلیمی پالیسی  کی کئی دیگر  خصوصیات کو اس تعلیمی سال سے ہی  نافذ کرنے کے لئے فریم ورک شروع کریں۔

۔۔۔۔۔۔۔۔۔۔۔

ش ح۔ا گ۔ن ا۔

U- 8634